الحلقه ال١٠
فتح الباب وكان حمام عادي فعلا بس بايظ
دبدبت في رجليها عالارض وقالت: ازاي مفيش حاجه... دي اتوترت واللي سمعناه ده كان يا ادهم
ادهم: اهدي اكيد في حل يا بنتي...
وفجأة سمعو صوت حد بيقرب من الحمامات شدها ادهم بسرعه ودخلوا الحمام وقفلوه زي ماكان ووقفوا فوق الحمام
حسنيه: انا متأكده اني سمعت حاجه
تيا بهمس: هي اي اللي جبها دلوقتي
ادهم بهمس: اسكتي هتفضحينا...
سندت عالحيطه لقت مش زي اي حيطه كأنها باب بصت لأدهم وهو دور على اي اوكره ملقاش زق الباب جامد وفتح طلعوا بره الحمامات واستخبوا فتحت حسنيه الباب وكان معاها شخص مقنع ومشيين وهما بيتسحبوا صورهم أدهم
وقفت حسنيه والمقنع...
حسنيه: هنعمل اي يا باشا
المجهول: عمليه زي اي عمليه ممكن تعمليها مش جديد
حسنيه: بس دي بنت ظابط وابوها عقيد كبير واسمه مسمع هو والفريق بتاعه
المجهول: متخافيش... البت دي هتتصدر قبل البنات التانيه هما اخر الاسبوع هي اول ما هتجلنا هنقطع ونصدر على طول
حسنيه: تمام يا باشا....
رجعوا تاني وفضلت واقفه تيا وادهم وقعدوا يستكشفوا المكان اللي لقوه بيودي على الشارع اللي ورا المدرسه اللي قليل من الناس بتبقى فيه
تيا: دول تجارة اعضاء يا ادهم
ادهم: يلا بينا نروح نحكي للباقي
بعتوا رساله للفهد انهم يبقوا عند تيا فالبيت واتحركوا بحذر وراحوا على بيت تيا...
دخلت تيا وقالت: بابا فين يا ماما
فريده: في المكتب معاه عمك
اتحركت وطلع ادهم من شنطته علبه فيها بسكوت وقال: خودي يا فوفا البسكوت ده هيعجبك اوي
اخدته وابتسمت وقالت: انت خساره فالعيله دي يا ابني... تيجي نبدل ياخدوا تيا وانا اخدك وبالمره تساعدني بدل ما مقصوفت الرقبه دي مبتساعدنيش في حاجه ولما بقولها تعالي اعلمك حجتين تقولي لاء
ادهم: معنديش مانع يا فوفا... تؤتؤ ميصحش كده با بت يا تيا متسمعيش كلام فوفا القمر دي ده حتى تاليا اختك مزه وهتطلع ست بيت شطره
حطت اديها على دماغها وقالت: انا لو حصلي حاجه هيبقى بسببك... واتحركت علي مكتب علي... وهو راح معاها وهو بيضحك...
دخلوا وكان قاعد فهد ورائف وعلي بيبصلهم بهدوء... قعدت تيا وادهم وقالت: قول يا ادهم
ادهم: لا ميصحش قولي انتي الاول ليدز فيرست...
تيا: لاء لاء قول انت مش هعرف اقولهم على اللي حصل
ادهم: يا بت انا ونتي واحد قولي..
فهد بغضب: خلصونا يا زفت انت وهي وقولوا حصل اي
تيا بضحك: تجارة اعضاء
بصوا لبعض وقال رائف: ت.. اي يختي
ادهم: زي ما سمعتوا تجارة اعضاء.... قعد ادهم يشرحلهم من اول خطتهم اللي حطوها لحد اللي شافوه وسمعوه
علي ببسمه: مش قولتلكم في حاحه بس عاوزين يتأكدوا منها قبل ما يقولوا
فهد: يعني الدور الجي على تيا
تيا: اه...
علي بقلق على بنته: انا رأيي ان دوركم خلص كده واحنا هنكمل
تيا: لاء مخلصش لسه... احنا لسه منعرفش المكان فين احنا عرفنا طرف الخيط بس
رائف: عندهم حق لسه دورهم مخلصش... وكمان هما قالوا ان المكان ده مفيهوش ناس وضيق والعربيات استحاله تدخل فيه يعني ممكن في مكان تاني...
سكت علي وهو قلقان وفهد بصله وبص لأبنه لقاه قلقان نفس قلق علي...
فهد: بكره هنكون في مبنى المخابرات هنقول للواء كل حاجه وهنحط فيكي جهاز تتبع عشان نقدر نوصلك بسرعه
تيا: تمام...
رائف: تقدروا تتفضلوا واحنا طلعين...
طلعوا هي راحت اوضتها وهو راح لفريده يعمل معاها اكل
في المكتب..
فهد: انا مقدر خوفك وقلقك على بنتك بس بنتك قويه وقدها
علي: انا خايف يحصلها حاجه
رائف: بلاش تشاؤم يا علي خليك واثق في ربنا واللي كتبه ربنا هيكون
حرك دماغه ب ماشي
فهد: نستأذن احنا بقى
علي: ما لسه بدري
فهد: انا كنت نايم ياعم لولا بنتك الهبله وابني الاهبل كلمونا
ضحك وطلع رائف وفهد من المكتب
فهد لتاليا: هو الواد ادهم فين
تاليا: مع ماما فالمطبخ
فهد: اكيد بيجرب اختراع من اختراعاته.... طب معلش يا تاليا قومي ناديه
قامت تاليا وراحت لقته بيحشي محشي كوسه مع فريده وعمال ياكل فالرز بتاع الحشو
تاليا: بباك عاوزك يا ادهم
ادهم: تمام... قام اتحرك ووقف قدامه وكان على وشه وايده صلصه
فهد: انت كنت بتعمل اي
ادهم: كنت بحشي كوسه
كور ايده على هئية قبضه وقال: يلا يا ابن الاهبل قدامي
اتحرك وهو بيضحك فريده قالت: ابقى تعالى يحبيبي اقعد معايا ونعمل مع بعض اللي عوزينه
ادهم: بس كده من عنيا يا فوفا... كان بيضحك رائف وفهد اللي هيتشل منه وهي واقفه على باب اوضتها بتضحك....
عدى يومين وجه يوم العمليه
كانت واقفه قدام المدرسه بعد ما وصلهم علي ورائف مسك علي اديها وقال: خلي بالك من نفسك
تيا: حاضر... اي يا علولي انت هتشكك في قدرات بنتك ولا اي
علي: لاء طبعا انا واثق انها هترفع راس ابوها....
بصلها ادهم جامد وقلبه كان بيدق بعنف وخايف ليحصلها حاجه لاحظه رائف وقرب منه وحط ايده على كتفه وقال: متخفش هتبقى كويسه
ادهم: انا مش خايف على فكره
رائف: اه ماهو واضح انك مش خايف عليها ولا عينك هتاكلها بنظراتك
ادهم: انا خايف عليها... لاء انا مرعوب
رائف: تخلص العمليه دي على خير وهنتكلم مع بعض في الموضوع ده
حرك دماغه ب ماشي... ودخل ادهم وتيا...
اخر اليوم...
نزلت تيا لقت بنات من سنها فالحمام اللي بتحط مكياج واللي بتعدل طرحتها بصتلهم بقرف وقالت في نفسها: هيقبلوا ربنا ازاي دول بالاتنين كيلو بويا اللي على وشهم ده
طلعت بنات وهي عدلت طرحتها ومره واحده حصل....
يتبع.....
VOUS LISEZ
حب طفولتي(شغل جنان×جنان)
Roman d'amourتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
