الحلقه ال٢٠
وفجأة اتقفل الباب بصوا الاتنين للباب وتيا قالت: صلاة النبي احسن
ادهم: اكيد ده الهوا
ظهر رائف وهو قاعد على كرسي بهيبه وغرور وحاطط رجل على رجل وقال: اي مالكم واقفين ليه اقعدوا
تيا: في اي ياعم رائف
رائف: ولا حاجه ياحبيبت رائف اقعدوا كده
قعدوا عالأرض وادهم وتيا بصوا لبعض وهما خايفين...
رائف: مين الحلو اللي فيكو اللي حرقلي اللاب
سكتت تيا وادهم بصلها وقال بغباء: هو اتحرق يعيني عليك يارائف..
كتمت ضحكها وبصتله
رائف: هعيد السؤال تاني... مين اللي حرقلي اللاب
مردوش...وهو اتغاظ وقال: تمام اوي
قام وقف وقال: انا هعرف اخليكو تتكلموا
خلع الحزام وضربه عالأرض وقال: بص ياحيلتها انت وهي انا مش طايق نفسي المعلومات اللي كانت عاللاب راحت اشوف فيكو يوم
ضحكت تيا غصب عنها ورائف اتضايق وقال: انتي اللي حرقتيه مش كده
متكلمتش وادهم قال: معلش يا عمي امسحها فيا انا
رائف: يعني هي اللي حرقته
تيا: والله كوبايه العصير معرفش وقعت ازاي
بصلها بصدمه وقال: هي كمان عصير وانا بردو بقول اللاب ملزق كده ليه
ادهم: ومش اي عصير... عصير من اللي مراتك بتعملوا الساقع الخفيف ده... ضحكت تيا هي وادهم ورائف بصلهم بشر وقال: كنت هعاقبها لوحدها بس بخفة دم اهلك دي هتتعاقبوا انتو الاتنين... وبدا يقرب نحيتهم وهما بيرجعوا
ادهم: صلي عالنبي يا رائف مكنش لاب يعني... هديك كل اللي محوشه
رائف: محوش ١٥الف جنيه
ادهم: هو اللاب ب١٥الف انت نصاب ياعم ده انا اللي معايا ميكملوش ١٥جنيه على بعض
وقف بصدمه وقال: نصاب
كانت كتمه ضحكها بالعافيه وقالت: اسكت بقى ياعم ادهم...
ادهم: اسكتي انتي انا بطالب بحقوقي كمواطن...
رائف: وانا هديكي حقوقك
بعد وقايق....
كانوا الاتنين متعلقين مكان النجفه
رجليهم فوق ودماغهم تحت وحاجه قلة قيمه...
تيا: الاهي يسترك مايفضحك يارائف يا ابن صفاء بتاعت المهلبيه نزلنا...
ادهم: هتتعودي يحبيبتي انا بتعلق علطول
تيا: عشان انت مهزق انا لاء
ادهم: انا مهزق يابتاعت اللاب المحروق..
كان قاعد وبيشرب فنجان القهوة بروقان وعمال يقول: يخربيت فنجان القهوة اللي من ايد نسمه حبيبتي
تيا: نزلني وهعملك احسن منه
ادهم: لاء انا هعملك احسن منه انا شاطر فالمطبخ..
تيا: نزلني يا رائف
ادهم: متسمعش كلامها ونزلني انا.. انا محوش قرشين من فلوس الدروس هتحتاجهم
فهد: وكمان حرامي وبتسرقني
ادهم:اهه كملت اهه الضبع التاني وصل...
فهد: اي اللي عمله فالعيال ده يا رائف نزلهم
رائف: لو نزلتهم يا فهد هتبقى جمبهم
فهد: هما عملوا اي عشان كل ده
رائف: ما انت لو عرفت عملو اي هتعذرني
فهد: فهمني عملوا ليه
رائف: فاكر المعلومات اللي طلبتها مني..
فهد: اه
رائف: كانت عاللاب والاساتذه حرقوه
بص فهد بصدمه وقال: المعلومات... والمهمه... وبصلهم بغضب وقال: انتو عرفين انتو عملتوا اي المعلومات دي قعدنا شهور عشان نجبها
ادهم: لاء لاء معلش كده رائف بيكدب... تيا اللي حرقته مش انا
تيا: اه يا واطي ياجذمه
ادهم: اي كدبت انا... وبعدين فريق الضباع يقعد شهور عشان يجيب ٣ معلومات تافهه زي دول
فهد: انت عرفت منين انهم تلاته
ادهم: ما انا معايا كرت الميموري بتاعت اللاب بتاعت رائف بحب اتصنط عليكم
بصواله بصدمه وهو قال: في اي
فهد: هنشوف الحوار ده لما نروح
ادهم: طب نزلني وانا هديك الفلاشه
رائف: هي معاك
ادهم: جبتها احتياطي
رائف: طب هتها
ادهم: نزلنا الاول
فكهم فهد وهي قاعده مصدومه من ادهم وبقها مفتوح من الصدمه
ادهم: اقفلي بقك يحبيبتي عشان الدبان هنا كتير
اداله الفلاشه وقال: عشان تعرفوا اني طيب انا جبتلكم كام معلومه
فهد: مش بقولك هكر دولي
مال عليها وهمس وقال: لما اقول يلا هنطلع نجري... حركت دماغها ب ماشي
رائف: مين اللي قالك تدخلوا مكتبي
شاورت على ادهم وقالت: الواد ده
بصلها بضيق وقال: الوطيان ده في دمك يا بت
تيا: هاخد الضرب لوحدي يعني
ضحك فهد ورائف عليهم
ادهم: عن اذنكم هنستأذن احنا...
فهد: اقعد يلا عشان نشوف حوار انك بتاخد الميموري بتاعتنا ليه
حط رجل على رجل وقال: ده سر المهنه وانا مبديش خبرتي لحد
بصله رائف بشر وهو قال بتوتر: مهكر اللاب بتاعك وبتاع رائف
هما تنحوا واديهم اتحولت على هيأت قبضه وادهم قال: انا راجل بيمشي بالأمثال تعرفي مثل" الجري نص الجدعه "
حركت دماغها ب اه
ادهم: انا بقى ماشي بيه... يلا يا بت يا تيا....
طلعوا يجروا وفهد ورائف بيجروا وراهم.....
بعد وقت.. في مبنى المخابرات...
كان قاعد ادهم وحواليه جاسر وفهد وعلي ورائف وهي قاعده بتبصله بشفقه.... بصلهم وقال: مش هعرف اشتغل كده
فهد: يلا يا روح امك
جاسر: لاء طلعت جامد ياواد يا ادهم وانا بقول قاعد عاللاب بتاعك طول الوقت ليه
ادهم: انا بتصنط عليك انت والمزه بتاعتك
بصوا كلهم لجاسر اللي قال: احمم مزه اي
جاسر: البت نوراي لاء ياض بتعرف تختار هتحسن لينا النسل....
ضحك رائف وعلي وفهد قال: لما نروح نتحاسب يا استاذ
ادهم: اهه كل المعلومات اللي هتحتجوها اهيه يلا سلام عليكم يلا يا تيتي
واخدها ومشي....
بعد اسابيع....
طلعت النتيجه وهما راحوا يجيبوها
ادهم: انا خايف يا تيا هتعلق لو جبت كحكايه
تيا: ياعم متخفش ان شاء الله خير
ادهم: يارب اللي كان معلملي الورقه كان احول ومراته مكنتش منكده عليه عالصبح
ضحكت... وبصت للراجل اللي بيوزع الشهادات اداهم الشهادات وادهم بص لشهادته بصدمه وقال: نعممم طالع التالت
تيا: وانت مصدوم كده مبروك ياصحبي...
ادهم: ازاي؟ مش فاهم... لا وناقص فالرياضه ومقفل فالعلوم
ضحكت وقالت: انا العكس والغريبه اني ناقصه في حاجه تافهه اوي
ادهم: انتي التالت مكرر
تيا: اه...
ادهم: اللهمان كان هذا سحرا فلا تبطله... وقعد يضحك....
بص لكل اللي حواليه وقال: زغروطه حلوة بقى... بصوا الكل لي بإستغراب
ادهم: محدش هيزغرط تمام ماشي... ومره واحده قام مزغرط وهي تنحت وقالت: ده انا مبعرفش ازغرط
ادهم: هعلمك يا اختشيي
ضحكت عليه وهو قال: ماتصلوا عالنبي ياجماعه... ضحكت واتحركوا على البيت وفي الطريق قابلهم امجد اللي اول ماشفهم لف وشه وطلع يجري بعيد عنه... هي كانت مبسوطه اوي انه رجعلها حقها وقالت: تسلم
ادهم: على اي
تيا: على اللي عملته مع امجد
ادهم: عادي ياتيا... وكمان ده موضوع وخلص خلاص...
بعد وقت...
كانت الزغاريط في الڤيلا
رقيه: بقى ابني يطلع التالت
تيا: الحمد لله ياطنط
ادهم: عاوزكم تمشوا بنصحتي قبل ما تدخلوا اللجنه قولوا ربنا يرزقنا بمراقب بينام كتير ومراته مبتنكدش عليه ونقيم الليل ندعي
ضحكوا عليه وتيا قالت: فاضل ترم ونبقى طلاب ثناويه
ادهم: الهم الكبير يختي
بعد اربع سنين...
كانوا قاعدين كلهم مستنيين نتيجه الثانويه العامه
كانت قاعده متوتره وعماله تحرك في رجليها وادهم وفهد راحوا يجيبوا النتيجه
فريده: صلو عالنبي ياجماعه
كلهم في نفس واحد: عليه افضل الصلاة والسلام... دخل ادهم وفهد
تيا: عملنا اي
مردش فهد وقال ادهم: للأسف.......
يتبع.....
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
