الحلقه ال ١٤
امجد: ازيك يا تيا
نفخت بضيق وقالت: انت عاوز اي تاني مش الموضوع خلص خلاص
امجد بتمثيل الحزن: تيا انا بحبك
ضحك بسخريه وقالت: انت معندكش كرامه انا مبحبكش
امجد: اتا بجري وراكي كتير اوي
تيا: يا ابني انت واهم نفسك بحاجه عمرها ماهتحصل اصلا فأحسن ليك متفكرش فيها احسن فاهم ولا لاء...
بص وراه لقاه واقف مستخبي وبيسمعهم ابتسم بشر وقال وهو على ركبته: عشان خاطري يا تيا
زقته وقالت: لوقربتلي تاني هعمل فيك حجات عمرك مكنت تتوقعها اصلا فاهم ولا لاء.....
ومشيت وسابته... وشافت عربية فهد قربت منها وركبت
فهد: ادهم فين
تيا: مع صحابه فوق انا كل مره بسبقه...
فهد: تمام...
تيا: عاوزه احكيلك عن حاجه
فهد: احكي...
بدأت تحكيلو على اللي حصل...
عند ادهم كان واقف مصدوم ومش مصدق انها كده...
واتحرك لقاها قاعده مع فهد فالعربيه وبتتكلم واول ما قرب من العربيه سكتت بصلها نظره طويله كأنه بيودعها وركب جمب فهد واتجنب يبصلها وقاعد ساكت وفهد استغرب وصلوها واتحركوا
فهد: مالك يا ادهم
ادهم بزعل: ماليش
فهد: لاء انت مش كويس حصل حاجه
ادهم: لاء خالص.. مفيش..
بصله فهد وكمل طريقه...
بعد وقت...
وصلوا البيت وهو راح عالحمام وقفله بالمفتاح وقع عالأرض وقعد يعيط جامد وحط ايده على قلبه وقعد يضرب فيه جامد وقال: بطل تدق ليها هي عملتلك اي عشان تحبها.... كله بسببك انت اللي حبيتها انت اللي اتفتحت عشانها انت اللي البنات بتجري وراك عشان نظرة بقيت بتجري ورا واحده وتتمنى نظرة منها وهي هه بتلعب بمشاعر الكل...تيا.. دق قلبه جامد قعد يضرب فيه جامد وقال اسمها تاني... لقى قلبه بيدق تاني.. قعد يضرب فيه وعياطه يزداد وقال بقهر: بطل بقى.. بطل.. كله بسببك انت... انا لو اعرف اطلعك واديك بالجذمه عشان حبيتها بس انت محبتهاش انت بتعشقها وبتعشق التراب اللي بتمشي عليه.. حرام عليك بقى.. متحبهاش عاوزك تكرها... عيط اكتر وقال: مش هعرف اكرها انا بحبها
بدأ صوتين جواه يتكلمو
عقله: هتنساها
قلبه: مش هقدر
عقله: هتقدر
قلبه: مش هقدر
عقله: اكرها
قلبه: بس انا بعشقها
حط ايده على ودنه وقال بصراخ: اسكتو بقى اسكتو... انا تعبت... وكمل بصراخ اكتر: انا بكرهك يا تيا على كسرة قلبي دي انا بكرهك... وقعد يعيط...
خبط الباب وكان فهد بخوف: ادهم... ادهم افتح... افتح وهنتكلم وانا هسمعك
ادهم بصراخ: سبني لوحدي بقى
فهد: افتح بس.. متقلقنيش... طب اطلع ومتتكلمش
ادهم بعياط: مش عاوز اطلع سبني لو بتحبني سبني..
فهد: مفيش حد فالبيت اطلع واتكلم براحتك
مردش عليه وهو حاول يفتح الباب لقاها مقفول بالمفتاح... قعد يضرب فالباب لحد ما فتحه كان ادهم ضامم رجله وعمال يعيط قرب منه فهد وقعد يطبط عليه وقال: اهدى.. اهدى بس مالك في اي اي اللي حصل
مردش عليه وزاد عياطه...
فهد بزعل: اهدى يا ابني
دخل في حضنه وقعد يعيط وهو بيطبطب عليه
عدى وقت وهو عالوضع ده وبعد عنه وقام غسل وشه وراح على اوضته ودفن وشه فالمخده وقف فهد وقال: وقت ما تحب تحكي انا موجود... وطلع وقفل الباب وهو حضن مخدته جامد وقال بهمس: انا بحبك يا تيا..
وقعد يكرر الكلمات دي كتير ويهمس بإسمها ويعيط وقام اتعدل وجاب كراسته اللي بيكتب فيها كل حاجه وكتب "من انهارده هبقى واحد تاني هتعامل ببرود وهتعامل عادي ولاكأني عرفت حاجه.... الحب الوحيد اللي المفروض احبه هو لمخدتي... "و عندما احتجت شخص لسماعِ مشاكلي، لم اجد الا وِسادتي ."
انا كرهت حياتي كلها عشان انا بحبك يا تيا.... قفل الكراسه ومسح شعره بضيق وفرد جسمه عالسرير وغمض عينه بإستسلام ونام...
تاني يوم...
كان واقف قدام المرايا ومربع ايده وهو شايف نفسه متغير شكله بقى احلى لما حلق دقنه وشنبه ظهرت وسمته اكتر من الاول طلع من الاوضه وهو ماشي بغرور يمثل فهد اول ما شافه فهد ابتسم وقال: ياصباح العسل عالجميل اللي حلق... نعيما...
ادهم: صباح الخير.. الله ينعم عليك..
فهد: مش هتحكيلي بردو
ادهم: في الوقت المناسب هحكيلك..
اتنهد فهد وقال: تمام... خلص درسك وهيعدي عليكم ظابط هياخدكم لمبنى المخابرات
اتنهد وقال: تمام.. عن اذنك
ومشي وسابه وفهد مركز معاه مع كل خطوة ماشيها...
كانت قاعده مع سندس وبتضحك واول مادخل بص الكل ليه بإنبهار من شكله كان ماشي بكل غرور ولا همه حد بصتله سندس بإنبهار وتيا استغربت وبصت للي هي بتبص عليه واول ماشافته قلبها دق جامد وحط اديها على قلبها وغمضت عنيها وقالت في نفسها: اهدى.. اهدى براحه شويه انا مش قادره..
فتحت عنيها وقامت وقفت قدامه وقالت: ايه الحلاوه دي
بصلها وقال وهو حاطط ايده في جيبه : عارف اني قمور
بصتله وهي بتتغزل فيه وقالت بهيام: قمور بس ده انت القمر كله
ضحك بعلو صوته وقال بسخريه: بتثبتيني ما ده اللي متعوده عليه
استغربت وقالت: متعوده!! مش فاهمه حاجه
ادهم: متخديش في بالك... وكمل بهمس:انهارده في مهمه
تيا: ياحلاوة... وسقفت وقالت: هتقعد جمبي ولا
ادهم: لاء هقعد مع اسر
اضايقت لانها كانت عاوزه تتكلم معاه وقالت: تمام.... هو انت معملتش حاجه حلوة من الحجات الجميله اللي بتعملها
ادهم: لاء مكنش ليا نفس اعمل
تيا: تمام.. شكل الجميل مضايق
ادهم: لاء عادي.. ومشي قعد مكانه
بعد ساعات...
كانوا في مبنى المخابرات
رائف: مهمه جديده لأبطلنا
تيا: تمام حضرتك هتكون عباره عن اي
فهد: في واحد بيبيع الدقيق الابيض من فترة ومعندناش دليل على كلامنا ولما روحنا نفتش البيت لقينا مفيش حاجه...
ادهم ببرود: مفيش مشكله..
علي: نعيما يا ادهم احلويت اوي
ادهم: تسلم ياعلوة
رائف: دلوقتي احنا خططنا المهمه هتبقى ازاي...
فهد: هيروح ادهم وتيا حارة ال**
اول ما قال اسمها بصت تيا لفهد وهو حرك دماغه انها هي الحارة بتاعت امجد...
ادهم: بردو مش فاهمين هتبقى اي
فهد: هتبقى......
ادهم بعصبيه: نعممم..
يتبع....
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
