الحلقه ال١٨
وكان امجد اللي كان شكله يخوف بسبب الكدمات والدم اللي على وشه وهو مربوط وبيبصله بتعب كان الكل بيبص لأدهم بصدمه ... بصلها ادهم وقال: تعالي هنا... راحت وقفت جمبه وهو قال: هتعتزرلها وهي اللي هتقرر تقبل الاعتذار ولا لاء ولو مقبلتهوش هتنفذ اللي اتفقنا عليه... حرك امجد راسه ب ماشي..
فضلت تبصله وهو قال: يلا يا روح امك...
امجد بتعب: سمحيني... يا تيا... انا اسف... واوعدك مش هقرب منك تاني ومش هتشوفي وشي تاني
ادهم: متقبله الاسف
مردتش وفضلت تبص لأمجد بنظرة عتاب وهو حس بالغيرة من نظرتها... ضربه وقال بعصبيه: مسمحاه ولا لاء
تيا بخوف من ادهم: مسمحاه... مسمحاه... سيبه بقى...
شاور ادهم لأصحاب امجد وقال: تعالى ياحيلتها انت وهو شيل صحبك وحسك عينك انت وهو تضيقوها وقرب من امجد وقال بهمس: عينك دي لو جت عليها والله لأوريك لأنها ببساطه بتعتي انا... وبعد عنه وقال بأمر: على مكانك يلا... جريت قعدت مكانها وهو واقف مكانه بغرور يمثل ابوه
نزلت وقفت مع سندس...
سندس: يلهوي شفتي عمل اي عشانك
مردتش وكانت عنيها متبعاه وهو ماشي قدامها
سندس بمشاكسه: الجميل مش معايا ومركز مع حبيب القلب
تيا: ملكيش دعوة... انا همشي
وودعتها ومشيت...
كانت مشيه لقته نده عليها وقفت وبصتله وهو وقف قدامها وقال: اظن بعد اللي عملته ده مسمحاني وهنرجع زي الاول ولا اي رأيك
تيا: انت عملت كل ده عشان اسمحك
ادهم: واعمل اكتر من كده عشان مقدرش على زعلك
ابتسمت وقالت: شكرا اوي اوي يا دوما بجد...
ابتسم وقال: صافي يا لبن
تيا: حليب يا قشطه يا صديقي الصدوق...
اتحركوا وهما الاتنين قلبهم بيدق بعنف... وصلها واول مادخلت بيتها قعد يرقص ويقول:انا دوما انا دوما لولولولولوليييي.. كان بيبص الناس اللي فالشارع ليه بإستغراب وهو لاحظ واتحرك على بيته... دخل بيته وهو بيصفر كان قاعد فهد ورقيه قاعدين بيتفرجوا عالتلفزيون
رقيه: شكلك رايق اوي يا ادهم
ادهم: جدا جدا جدا جدا
ابتسم فهد وقال: عملت اللي فدماغك بردو مش كده
ادهم: اه... انت كنت معانا انهارده ولا اي
فهد: انا الفهد ياض اعرف اي حاجه مهما كانت اي
ابتسم فهد وسقف وقال: طبعا يا فهوده... ودخل اوضته...
رقيه: هو عمل اي
فهد: انا بقوله كده بس متشغليش بالك يا حبيبتي تعالي فحضني بس وكملي الفيلم...
رقيه: ماشي يا فهد مصدقاك
عند ادهم...
كان عمال ينط من الفرحه ويقول: دوما... قالتلي دوما... حط ايده على قلبه وهمس بحب: بحبها...بحبها بنت الإيه...
وفرد جسمه عالسرير وطلع كرسته وقال:انا بقيت بحبك آكتر م نفسي وبحبك وهحبك وحبيتك
مش عاوزه غيرك من ام الدنيا دي ربنا يديمك نعمه ليه وسند طول العمر كله يارب إنتي نصيبي الحلو إلي ف الدنيا ورزق ليا من ربنا
إنتي الحنيه وكل حاجه حلوه في حياتي كلها... بحبك اوووي
الحب مش زي ماناس فاهمه كام بوست ع الفيس اعمل لحبيبي فيه تاج عشان ابين للناس اني بحبه لا خالص الحكايه كلها بتتلخص ف روح اتعلقت بروح الحكايه كلها ان في شخص عايزه احافظ عليه الحب مش كلام رومانسي... الحب فعل خوف لهفه ع حد مابقتش شايف غيره
وانا مش شايفه غيرك ف الدنيا دي كلها يا تيا بعشقك.... قفل الكراسه وراح فالنوم....
تاني يوم...
خلصوا الامتحان وكانوا قاعدين بيرجعوا مع بعض...
تيا: متأكد انك عملته محمد علي مش سعيد باشا
ادهم: اه متأكد.. الصراحه مش عارف... ميت مره اقول مبحبش اراجع بعد اي ماده
تيا: معلش ادينا بنطمن
ادهم: لاء بتوجعي قلبي وخلاص
قعدوا يرجعوا وهو مصدوم من الاجابات اللي بتقولها
ادهم بصدمه: اي ده يعني اللي طهر البحار من القراصنه محمد علي مش عباس
تيا: عباس لغى كل حاجه يا عم
لطم على وشه وقال: ياحلولي ياحلولي... ده انا هشيل الماده دي
تيا: يعم اتفأل خير مش يمكن تطلع انت صح وانا غلط
ادهم: والمذكره غلط وانا صح يعني
ضحكت على شكله وهو قال: حسبي الله ونعم الوكيل فالتعليم
تيا: من غير التعليم كان زمان كلنا جهله وانتشرت ظاهرت الجمود والتخلف زي اخر صفحه فالدرس الاول تاريخ...
هو بقى متكلمش هو قلع اللي فرجله وقام يجري وراها
تيا وهي بتجري: صلي على النبي يا ادهم مش ذنبي انك فاشل
ادهم: والله لأوريكي يا تيا الكلب ياتربيه ابويا انتي
قعدت تضحك وهي بتجري وقالت: اهدى ياعم هيجيلك شوجر وانت لسه صغير وعيالك محتجينك
ادهم: هو انا اتجوزت وخلفت وانا معرفش
تيا: لاء جوزتك في دماغي
مسكها مسكت حرامي الغسيل وهو قال: ويا ترى سمتيهم اي
تيا: بورعي ومرعي
ضحك وقال: لاء بجد
تيا: مش عارفه والله انا بهزر
فضل ماسك فيها وبص في عنيها وقال بتوهان: يخربيت جمال عنيكي
زقته وقالت بتردد: على فكرة انت رخم اوي
ادهم: بس عسل
تيا: اتوكس
ادهم: اتوكس!!! ده ليا انا
تيا: اه... وطلعت لسانها وهو ضحك
ادهم: جوه كل بنت قويه طفلة بريئة
تيا: انا طفله
ادهم: طفلة جميلة اوي..
اتجاهلت كلامه وقالت: انهارده اخر يوم امتحان هنعمل اي
ادهم: اي رأيك نروح لرائف البيت عنده شويه كتب فالمكتبه بتاعته قريت منها
تيا: انت بتحب القرايه
ادهم: بعشقها مش بس بحبها ده فكل اجازه باجي اخد الكتب بتاعته وامشي بعد ما اتهزق
تيا: مقولتليش يعني ان ليك فالقرايه
ادهم: عادي مجتش فرصه... انتي بتحبيها
تيا: اه..
ادهم: بصي في كتب عند رائف حلو اوي لما نروح خوديهم....
تيا: اشطا...
في الطريق...
تيا وهي بتتكلم مع فريده: يماما انا قولت لبابا
فريده: بت انتي انا قولت لاء
تيا: بابا اصدر برلمان اني اروح والبرلمان هو امر سلطاني واجب التنفيذ
ضحك ادهم وقال: يخربيت المنهج اللي لحس دماغك ده
فريده: امري لله ماشي يا تيا.. لما تيجي هنتكلم فموضوع انك تبقي مع ادهم كتير كده
تيا: تمام يا ماما...
في بيت رائف...
فتحت نسمه الباب وقالت بفرحه: يامرحب يامرحب ادخلوا يا ولاد
دخلوا وهو قال: ورايا عالمكتبه
جريوا عالمكتبه وهي بصت للكتب بإنبهار
تيا: الله اي ده اول مره اجي المكان ده
ادهم: ده مكتب رائف لما بيبقى مخنوق بيجي هنا
تيا: انت قريب من رائف اكتر مني
ادهم: انتي قريبه من فهد وانا قريب من رائف... اخترلك كتاب
تيا: تمام.... انا عاوزه يكون البطل بارد ورخم ويعذبها ويقل بكرمتها الارض وفالآخر يحبو بعض
ادهم: بعد مايعذبها يحبها
تيا: ماهي دي روايات اللي بحبها
ادهم: لاء انا بقرأ حجات تانيه... ارض زيكولا.. قواعد جارتين.. الحجات دي مش الهبل بتاعك
تيا: هبل... طب بص اقولك على روايه عشقتها
ادهم: قولي
تيا: عشقني ليل الصعيد بجد يخربيت الرومانسيه انا نفسي اكرشيت على ليل
ادهم: لدرجادي
تيا: اه انا مستنيه الجزء التالت بفارغ الصبر
ادهم: بتتكلم عن اي
تيا: بص هي راحه مع اهلها الصعيد وهتخبط فيه وهيتجوزوا بالإجبار وبعدين هيحبها واحداث مشوقه بقى مش عاوزه احرق عليك
ادهم: خلاص اشطا هقراها عارفه لوطلعت حاجه تافهه هعمل فيكي اي
تيا: لاء متقلقش والله حلوة
فضلوا يلعبوا مع همسه وهو بيعمل الاكل مع نسمه
نسمه: انت ياض اعترف
ادهم: على اي
نسمه: انت بتحب تيا صح
ادهم: دي اختي عادي
نسمه: اختك تتعامل معاها كده بردو
ادهم: الصراحه بحبها
همسه: عمو ادهم بيحب تيا
ادهم: يلهوي تعالي يابت
همسه: هروح اقول لتيا
ادهم: لاء لاء تقولي لتيا لاء متقوليش
همسه بطفوله: ليه؟؟
نسمه: عشان ده سر
نزل لمستواها وقال: استري عليا الاهي يسترك دنيا واخرة
همسه: تدفع كام
ادهم: اه يا جذمه... الله تقوليه
همسه: عاوزه تجبلي كراسه رسم والوان عشان بابا مش عاوز يجبلي
نسمه: عشان انتي بضيعيهم
ادهم: اللي تعوزيه حاضر حاجه تاني
نسمه: اعملي كيكه عشان بابا بيقول الحاجه غليت ومش عاوز يخلينا نعمل كيكه
كان واقف علي ورائف وفهد وهما بيضحكوا
علي بزعل:كده يا رائف متعملوش لبنتكم كيكه حرام عليك ياعم انت قلبك قاسي كده ليه
ضحكوا ورائف اخدها في حضنه
همسه: اتفقنا يا ادهم ولا اقولها
ادهم: حاضررر... بس متقولهاش
همسه: متخفش مش هقول
كانت قاعده على مكتب رائف وماسكه فون ادهم وبتحاول تفتحه
تيا: حاطط باسورد اي ده...
حاولت كذا مره معرفتش ومن كتر الغضب ضربت اديها عالمكتب جامد
وفجأة......
يتبع....
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
