الحلقه ال٢٩
ابتسم وفجأة كانت تيا واقعه عالأرض مغما عليها بص لأثرها بصدمه واتلم حواليهم الناس نزل لمستواها وشالها وقال: شوفتي اخرت الطفاسه
بعد وقت..
دخل المستشفى وهو شايلها وكله كان بيبص عليه
الممرضه: في اي تاني يا ادهم بيه
ادهم: نادي على نوراي بسرعه..
جريت الممرضه على نوراي
نوراي: في اي ياوليه خضتيني
الممرضه واسمها سعاد: الحقي يا دكتورة نوراي استاذ ادهم جه ومعاه الانسه تيا وهي مغمى عليها
نوراي: تاني... مبيعديش شهر من غير ماواحد فيهم يجي هنا...
طلعت تجري وقالت للممرضين: خدوها منه وانا هاجي دلوقتي...
اخدوها منه وهو كان قلقان
نوراي: انت مالك قلقان كده ليه ياعم ادهم ده انت المفروض متعود...
ادهم: معلش يا خطيبت اخويا استحمليني
ضحكت وقالت: ماشي ياعم روميو هدخل اكشف عليها وهطمنك... متخفش عليها...
بعد وقت...
طلعت وهو قال بلهفه: مالها يا نوراي
نوراي: جالها نازله معويه ياابن الطفسه
ادهم: بتشتمي حماتك
ضحكت وقالت: هو انا مش قولتلكم بلاش اكل الشارع ده..
ادهم: ما انتي عارفه اننا بنحب اكل بره
نوراي: عموما هي كويسه وفاقت..
ادهم: شكرا يا نوراي....ودخل الاوضه بتاعتها...
تيا: اااههه يدماغي اههه....
ادهم: عامله اي يا توتا
تيا: ملكش دعوة يا نصاب
ادهم: نصاب!!! ليه الغلط بقى
تيا: اكلت الجايزة عليا يا ادهم هانت عليك العشره
انفجر فالضحك وهي بصتله بغيظ وهو قال: اكل عليكي اي يا معفنه مكنش تيشرت يعني..
تيا: بقولك اي انا كسبت المسابقه وعاوزه جيزتي
ابتسم وشد كرسي وقعد جمبها وقال: التيشرت انا اخدته ولابسه اهه
تيا بقمص: بقولك اي انا عاوزه التيشرت بتاعي...
ضحك وقال: ماشي حاضر...
اتعدلت وقالت: هو انا حصلي اي
ادهم: من الطفاسه وكتر الاكل حصلك نازله معويه
تيا: بس الاكل حلو اوي
ضربها على خدها بخفه وقال: بس يا طفسه بقى
ردتهاله وقالت: ملكش دعوة..
ضحكوا الاتنين وهو اتمنى انه ياخدها في حضنه لقاها مسكته من قميصه وقالت: انا عاوزه التيشرت بتاعي فاهم...
بصلها في عنيها وقال بتوهان: عنيكي حلوة اوي
زقته وقالت بصراخ: نوررااايييي
دخلت نوراي وقالت: اي يا اخرت صبري
تيا: انا جعانه
حس الاتنين انهم هيحصلهم حاجه
نوراي: هو اي اللي جعانه
تيا: ايوة جعانه
نوراي بغضب خفيف: انتي غبيه يا بت انتي
تيا بحده: هي مين دي اللي غبيه
خافت من نبرتها وقالت بخوف وهي بتستخبى ورا ادهم: انا... انا...انا اللي غبيه اما انتي عسوله خالص
تيا بغيره: ايدك من عليه
بعدت عنه وطلعت تجري من الاوضه...
ضحك ادهم عليها وقال: يلا قومي عشان نمشي...
بعد وقت...
في الطريق..
تيا: اقسم بالله يا ادهم لو مجبت التيشرت لأكون
ادهم في نفسه:اقولها.. ولا لاء... اقولها... ولا لاء
تيا: ادهم انت معايا ولا لاء
ادهم: انا بحبك
تيا بصدمه: اي.. انت قولت اي
ادهم: بحبك..
تيا بغضب: بتحبني.. ازاي لاء انت زي اخويا وانسى الموضوع ده فاهم....
ادهم: بس انا بحبك...
تيا: دوما... ادهم.. ادههممم
فاق من سرحانه وقال: اي في اي
تيا: اي ياعم انت مش معايا خالص... عماله انادي عليك من ساعتها
ادهم: معلش كنت سرحان شويه... وكمل في نفسه: الحمدلله اني كنت بتخيل وانه مش حقيقي..
تيا: كنت سرحان في اي بقى...
ادهم: ولا حاجه...
تيا: اممم ماشي... هي المزه بتاعتك اسمها اي
ادهم بتوتر: احمم اسمها... اسمها...نور.. اسمها نور
تيا: نور.. تمام
ادهم: فرح نوراي وجاسر بعد اسبوعين
تيا: اه عارفه ده هيبقى في اكل كتير اوي
ادهم: لاحول ولا قوة الابالله مبتفكريش غير في بطنك
تيا: ياعم ما انت عارف اني بحب الاكل
ادهم: عارف يختي..
بعد وقت وصلت البيت وهو قال: ابقي طمنيني عشان شكل علي هيعلقك
استغربت ونزلت...
قعدت تخبط لحد مافتحت اختها تاليا
تاليا: انتي كنتي فين كل ده
تيا: كنت مع ادهم
تاليا: بابا شكله مضايق منك
تيا: ياحلولي...
علي بزعيق: تياااااا تعالي
تيا بخوف: احمم لو مطلعتش وزعي على روحي قرص وقولي لادهم هو اللي يعملها اصله بيعملها حلوه اوي.... ضحكت عليها وهي جريت على مكتب علي...
اول ما فتحت الباب لقت....
يتبع..
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
