الحلقه ال١٦
لقوا الباب بيخبط بس في الساعه لقا انها ٩بليل...
ادهم: مين اللي هيجلنا دلوقتي
تيا: مش عارفه...
قام فتح وكان فهد اللي لابس قناع عشان محدش يشوفه
دخل وقعد وبص للأكل وقال: انتو بترقبوا ولا بتعملوا اي
تيا: انا قولت اعمل اكل لأدهم لانه شغال من الصبح وهيجي تعبان
بصلها فهد وقال: طب مش هندوق
راحوا عالسفره وقعدوا وداق الشوربه لقاها زياده ملح والاكل نص سوا بص ادهم لفهد اللي لقاها قرفان من طعم الاكل...
تيا: هاه اي رأيكم
ادهم: الصراحه
تيا: اممم
ادهم: حلو مش وحش بالنسبه لمبتدأة
فهد: الصراحه اكلك يعع
اتصدمت وبصت لأدهم وقالت: انت بتجبر بخاطري بس... وكملت وهي بتبص لفهد: وانت يا مدشمل خواطري انت في اي...
ضحك فهد وقال: اكدب يعني... الاكل مش مستوي اوي والشوربه فيها ملح زياده اوي
ادهم: انا هاكل
وبدأ ياكل وهي بصتله ببسمه بعد الاكل..
كانوا قعدين
فهد: عرفت اي
ادهم: انا اشتغلت مع مرعي وعرفت ان في واحد بيجي بيقعد معاه كتير اوي واول ما بيطلع بيبقى معاه شنطه وانا حطيتله جهاز تصنط في مكتبه..
فهد: تمام...
قامت تدخل اوضتها وسبتهم..
فهد: انت فاكر نفسك انكم متجوزبن بجد
ادهم: انا اتفجأت انها عامله اكل وبعدين انا عمري ما هفكر في تيا كزوجه هي صحبتي وبس
فهد: انت متأكد
ادهم: اه
فهد: خليك عارف اننا وثقين فيك
ادهم: عارف وانا قولتلك عمري ما افكر فيها كده
فهد: حاولوا تخلصوا بسرعه عشان علي مش طايق نفسه
ادهم: انا عاوز اخلص اصلا
بصله نظرة طويله وقال: تمام...
وقام مشي...
كان داخل اوضته لقاها وقفته وقالت: مش انا قولتلك عاوزه اتكلم معاك
ادهم: انا تعبان مش قادر
تيا: مش هنطول والله يادوما
غمض عنيه لما سمع اسمه وقال في نفسه: يخربيت دوما اللي بتقوليها بدوب فيها..
اتنهد وقال: حاضر...
بعد وقت..
كان قاعد وهي قدامه
ادهم: خير يا تيا
تيا: انت زعلان مني... انا عملت حاجه ضيقتك..
ادهم ببرود: ليه بتقولي كده انتي مبتعمليش حاجه
تيا بغضب: انت بتتكلم معايا كده ليه انت مكنتش كده... متسبش دماغي تفضل تودي وتجيب واقعد اقول انا عملتله ايه طب سويت ايه
ادهم: وانتي تفكري ليه اصلا
بصتله في عنيه وقالت: عشان انت اخويا يا ادهم
ادهم بغضب: انا مش اخوكي يا تيا امك اسمها فريده وامي اسمها رقيه ابوكي اسمه علي وابويا اسمه فهد منين بقى اخوات
تيا: طب خلاص مش اخوات صحاب اعمل حساب الصحوبيه اللي مابينا واتكلم معايا
اتنهد وقال: انتي عارفه عملتي اي كويس...
تيا: عملت اي
ضحك بسخريه وقال: هو لما حد يحب حد ويلعب بمشاعره يبقى اي
تيا بإستغراب: مش فاهمه
ادهم بعصبيه: متعمليش فيها غبيه
تيا: والله مااعرف انا عملت اي
ادهم بغضب: انا عمري ماكنت اتخيل انك كده انتي قليتي في نظري اوي
تيا بغضب: اي قليت دي ماتلم نفسك
ادهم: انتي بتبجحي كمان
تيا: متتكلم يا ادهم في اي
ادهم بغضب: انتي ازاي تلعبي بمشاعر امجد وانتي عارفه انه بيحبك
تيا بصدمه: امجد!! مين قال انه بيحبني
ادهم: هو قالي كده وانا سمعت بودني وهو بيترجاكي عشان ترجعوا
تيا: ارجع... انا مش فاهمه حاجه
ادهم بعصبيه: لا ياشيخه.. بقولك اي انتو ارتبطوا سنتين او مش فاكر هو قالي امتى
تيا: لا والله مرتبطناش انا متكلمتش معاه شات او عملت حاجه عصيت بيها ربنا احنا كنا بنتكلم عادي فالدرس.... وجه فترة واتعلقت بيه لانه الولد الوحيد اللي اتكلمت معاه وهو قالي انه بيحبني منكرش اني كنت فرحانه بس اكتشفت انه بيعمل كده مع كل البنات لاء وبيأذيهم كمان انا كرهت نفسي يومها ولما واجهته كلمني ببجاحه وقالي اه انتي فكره عشان انتي دلوعه وقمورة يعني هحبك لاء انتي زيك زي اي بنت اتكلمت معاها وعادي... انت لو شوفت شكلي من سنتين متصدقش ان دي انا دلوقتي انا تيا الدلوعه ابقى كده... وعيطت واول مره تعيط قدامه وهو قلبه وجعه من منظرها وقلبه كان مصدقها بس عقله كان رافض كده
ادهم: انا مش قادر اصدقك.. انا اللي سمعته...
تيا بعياط: لو مش مصدقني اسأل فهد ورائف هما عرفين
ادهم بصدمه: هما عرفين
تيا بعياط: اه عرفين... هما اللي سعدوني منه وكل لما بيحاول يضايقني بجري على فهد او رائف وهما بيسعدوني...
ادهم: ينفع تهدي طيب
بدأت تهدا وبصتله بزعل وقالت: كان المفروض تيجي وتواجهني وتقولي من الاول... تعرف الغلط مش عند امجد الغلط عند انت عشان موثقتش في صحبتك.. عن اذنك.. ودخلت اوضتها وقعدت تعيط...
كان واقف ومش قادر يوصف احساسه احساس فرحان انها مش كده واحساس زعلان انه شك فيها... اتحرك على اوضته...
عند تيا...
تيا بعياط: مالك في اي... بتعيطي ليه.. انتي مش هتتوجعي تاني يا تيا.. خلاص عيشي لنفسك ولحياتك وبس... متخليش مجرد مشاعر توجعك..
فردت جسمها ونامت...
تاني يوم..
صحيت ملقتهوش ولقته عامل فطار والكنافه اللي بتحبها ولقت ورقه مكتوب فيها انا اسف...
بصت للأكل وحطته فالتلاجه وطلعت بيت صباح...
فتحتلها وقالت: يا اهلا وسهلا نورتي ياحبيبتي
ابتسمتلها وقالت: البيت منور بصحابه
قعدت معاها واتكلموا وقعدت تفرجها في الشقه دخلت اوضتهم وقالت صباح: انا اللي مصمماها اي رأيك
تيا: جميله ماشاء الله
وقعت تليفونها ووطت تجيبه وحطت الجهاز تحت السرير وعالكمدينو
وقعدت معاها...
عند ادهم...
كان بيشتغل وهو سرحان وبيفكر فيها وشكلها لما عيطت وقال في نفسه: هعوضك على كل دمعه نزلت بسببي.... فاق من تفكيره على المعلم وهو بيقول: سرحان فالجماعه ولا اي
ابتسم وقال: اه... بص فوق على شقتهم لقاها واقفه عند شقه صباح وبتبص عليه بصلها ببسمه ونظره كأنه بيقولها سمحيني بصتله بعتاب وهو غمزلها بصتله ودخلت وهي مكسوفه لكن محبتش تبينله...
المعلم بضحك: اصبر يا عم واطلع واعمل اللي عاوزه متقعدش تعاكس فيها كده
ادهم بصوت عالي وهو قاصد يسمعها وقال: اعمل اي يامعلم بس مجنناني وهو بعد عيونها المفروض اعمل اي
ضحك المعلم وهي كانت واقفه مكسوفه وصباح بتضحك عليها وقالت: ده اي الحب ده... ليكي حق متسيبهوش... وسبتها وراحت تكمل الاكل..
ابتسمت وحطت اديها على قلبها وقالت وهي بتكلم قلبها: مش هنضحك على بعض انت ميال ليه والصراحه اي واحده مكاني هتقع من نظرة.... وقالت وهي بتدعي: يارب انا مش عاوزه اتوجع تاني
عند ادهم والمعلم فالمكتب...
المعلم: سمعت ان انت كنت بتشرب دي حقيقه
ادهم: اه الجماعه عندي عارفه اني مبطل لكني موصي حد يجبلي وباخده من وراها
المعلم: تعرف اني بشتغل فالكلام ده
ادهم: بجد يا معلم... يعني هتجبلي انا مش قادر
المعلم: لو تحب تشتغل معانا مفيش مشكله...
ادهم: بس كده احب اوي... بس الحكومه ممكن...
قاطعه وقال: الحكومه مش هتعرف كذا مره جت هنا وملقتش حاجه تعرف ليه لان احنا الحاجه دي بنحطها فالتكيفات وفي واحد لو تفتكره هو ده الراس الكبيره
ادهم ببسمه: الله عليك يا معلم اي الدماغ دي... هو المدام عارفه
المعلم: لاء طبعا.. دي لوعرفت كانت سبتني وانا بحبها
ادهم: ربنا يخليكم لبعض
المعلم: عاوز اسألك سؤال لو مفيهاش ازعاج يعني
ادهم: لاء طبعا اتفضل
المعلم: هي مراتك سنها صغير مش كده...
ادهم: اه انا اكبر منها ٧سنين..
المعلم: اصغر منك ب ٧سنين وحبيتها على كده
ادهم بنبرة عاشقه: حبيتها بس ده انا عشقتها وتسألني بيتك فين اقولك حضنها!!!
ابتسم مرعي وقال: ده شكل في قصه حب جميله
ادهم: اه
مرعي: في عمليه اخر الاسبوع وفي بكره هتبقى هنا انت اللي هتستلمها اما اخر الاسبوع هتبقى في فرح ابن الشيخ مرزوق... هتبقى معانا... انا وثقت فيك والكبير لما طلبك معانا يبقى هتبقى فتحت خير عليك
ادهم: ان شاءلله
بليل...
رجع لقاها قاعده بتذاكر بصلها وقال: السلام عليكم
تيا ببرود: وعليكم السلام
ادهم: اكلتي
تيا: اه... هتلاقي اكلك في التلاجه
ادهم: انتي طبختي
تيا: لاء... وقامت واخدت الكتب وراحت الاوضه
فتح التلاجه لقا الاكل اللي عمله محطوط زي ماهو متلمسش
ادهم بعصبيه: هي ازاي متكلش حاجه هي عاوزه تتعب نفسها
ومره واحده سمع صوت هبد عالارض جري عالاوضه ولقى.....
يتبع...
YOU ARE READING
حب طفولتي(شغل جنان×جنان)
Romanceتبدأ الحكايه من غرباء أرادوا أن يجربوا طعم الحب أحدهما ذاقه لكن كان مع الشخص الخطأ في سن لا يجب أن يكون فيه حب لكن القدر أوقعهما في طريق بعضهما تحول البرود بينهم إلى صداقه تطورت الصداقه وأصبحت حب لكن كل منهما يخفي حبه عن الآخر لكي لا يندمان ويتفرقوا...
