"လေယာဥ်ပေါ်မှာတော့ စားလာခဲ့တယ်"
"ဗိုက်ပြည့်မှာမလို့လား ၊ ခဏနေကျရင် တစ်ခုခုထပ်စား"
"အင်း"
လွန်ခဲ့သည့်နှစ်ရက်တာအတွင်း နှစ်ယောက်သားက များများစားစားစကားမပြောဖြစ်ခဲ့သလို ပြောထားသည့်စကားလုံးတိုင်းသည်လည်း Wechat မှတဆင့်သာဖြစ်သည်။ သည့်ထက်အပြင် နောက်ဆုံးအကြိမ်စကားပြောခဲ့သည်မှာလည်း သာသာယာယာအခြေအနေမျိုးမဟုတ်သည့်အတွက် လက်ရှိအချိန်၌ နှစ်ယောက်သားကြားရှိလေထုမှာ အနည်းငယ်ကသိကအောက်နိုင်နေလေသည်။
ဝိန်းရိဖန်က စန်းရန်အား မသိမသာလှမ်းကြည့်လိုက်၍ ;
"ငါတို့က အခု ယီဟယ်တက္ကသိုလ်ဘက်ကို သွားမှာလား"
စန်းရန်၏ 'အင်း' ဆိုသည့်အသံတစ်ခု။
တက္ကသိုလ်တက်ခဲ့သည့်အချိန်နှင့် အလုပ်လုပ်ခဲ့သည့်အချိန်တို့ကို ပေါင်းလိုက်လျှင် ဝိန်းရိဖန်သည် ဤမြို့ထဲ၌ ၆နှစ်ကြာကြာ နေခဲ့ဖူးသည်။
၂နှစ်နီးပါး ဝေးကွာခဲ့ပြီးသော်လည်း ဤမြို့ကို ရင်းနှီးနေဆဲပင်။
"အဲ့ဘက်သွားမှာဆိုရင် လေယာဥ်ဘတ်စ်ကားတွေက လမ်းကြုံတာမလို့ စီးလို့ရတယ် ၊ ဒါမှမဟုတ်လည်း ငါတို့နှစ်ယောက်တည်း တက္ကစီငှားပြီး ယီဟယ်တက္ကသိုလ်ဆီတိုက်ရိုက်သွားလည်း..."
စကားမဆုံးခင် စန်းရန်က အရှေ့မှဦးဆောင်သွားနှင့်နေမှန်း ဝိန်းရိဖန် သတိထားမိလိုက်တော့သည်။ သူမ၏အသံတို့မှာ သိမ်ဝင်သွားခဲ့ရ၍ ;
"အို့.....နင်က အခုလေးတင် အဲ့ဘက်ကပြန်လာတာဆိုတော့ လမ်းတွေမှတ်မိနေလောက်မှာ"
စန်းရန် ;
"အင်း.....တက္ကစီတားရအောင်"
"ကောင်းပြီ"
နှစ်ယောက်သားက လေဆိပ်၏ဘေးနားတွင်ရှိသည့် ကားရပ်ထားသောနေရာဆီမှ တက္ကစီတစ်စီးကို ငှားလိုက်သည်။
ဝိန်းရိဖန် ကားအနောက်ခန်းထဲသို့ အရင်ဝင်ကာ 'ယီဟယ်တက္ကသိုလ်'သွားမည့်အကြောင်း ကားဆရာထံ အသိပေးလိုက်သည်။ နောက်တွင် စန်းရန်က ကားထဲဝင်လာပြီး သူမ ရှိရာဘက်သို့တစ်ချက်လှမ်းကြည့်ကာ ထုံးစံအတိုင်း လုံခြုံရေးခါးပတ်ပတ်ပေးရန် အနားသို့ကပ်လာခဲ့သည်။
![](https://img.wattpad.com/cover/354800938-288-k108778.jpg)
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 68
Start from the beginning