"ရူးနေတာလား! ငွေလေး ထောင်ဂဏန်းလောက်နဲ့များ ၊ မင်းမေ....ငါ မင်းကို ထောင်ဂဏန်းလေးပဲပေးရမှာမလား!"
ယွိကျော၏လှုပ်ရှားမှုတို့ ရပ်သွားခဲ့၏။
စန်းရန်က စကားတစ်ခွန်းမဆို ၊ အထက်စီးမှနေ၍ ထိုလူအား လှမ်းကြည့်နေသည်။
"ငါ ပေးမယ်! ဒါပေမယ့် ငါ အခုလောလောဆယ် အရက်ဆက်သောက်ဦးမှာ ၊ ဒီမှာလည်း အချိန်ခဏထပ်ဖြုန်းဦးမယ်!"
ချယ်ရှင့်ဒယ်က မျက်နှာပျက်ပျက်ဖြင့် ဒေါသထွက်နေရင်း ;
"မင်း ဒီလောက်လူတွေအများကြီးခေါ်လာပြီး ငါနဲ့ငါ့မိတ်ဆွေတွေ အရက်သောက်နေတာကို လာနှောင့်ယှက်နေတာက ဘာသဘောလဲ"
စန်းရန်က ထိုလူ၏စကားကြောင့် တစ်ချက်လေးမှ မျက်နှာပျက်သွားခြင်းမရှိ ၊ မျက်ခုံးကိုပင် ခပ်မြင့်မြင့် မြှောက်လိုက်၏။
"အားနာလိုက်တာ ၊ ကြည့်ရတာ ကျွန်တော် အထင်လွှဲသွားတဲ့ပုံပဲ ၊ ဒါဆိုလည်း ခင်ဗျားတို့ အချိန်ဖြုန်းရတာပျော်ရွှင်ပါစေ"
စကားအဆုံးတွင် စန်းရန်က ယွိကျောဘက်သို့လှည့်ပြီး ခပ်တိုးတိုးမှာလိုက်၏။
"လုံခြုံရေးတွေကို စောင့်ကြည့်ခိုင်းထားလိုက်"
စန်းရန်လည်း ဤနေရာ၌ဆက်မနေတော့ဘဲ အရှေ့ဘားခုံဘက်သို့ ထွက်လာခဲ့လိုက်သည်။ ဟယ့်မင်ပေါ်က ထုံးစံအတိုင်း သူ့အရှေ့သို့ အရက်တစ်ခွက်ချပေးလာပြီး ချယ်ရှင့်ဒယ်ရှိရာဘက်သို့လှမ်းကြည့်ရင်း စကားဆိုလာခဲ့သည်။
"ရန်ကော ဘာဖြစ်တာလဲ ၊ ထပ်ပြီး ဟိုလူပဲလား"
စန်းရန် ဖန်ခွက်ကိုမယူဘဲ ဖုန်းကိုသာ ငုံ့ကြည့်နေ၏။
"ဒီအတိုင်း ပြဿနာရှာနေတာ"
ဟယ့်မင်ပေါ်က ထပ်မေး၏။
"မရီးရဲ့ဦးလေးဆို....ဟုတ်လား"
"...."
စန်းရန် မျက်လုံးပင့်ကြည့်လာပြီး ဖြေးဖြေးချင်းဆိုလိုက်သည်။
"မင်းရဲ့မရီးက မသိဘူးတဲ့"
-----
ဝိန်းရိဖန် ဌာနမှထွက်လာသည့်အချိန်တွင် တိုက်တိုက်ဆိုင်ဆိုင်ဖြင့် အင်တာဗျူးပြီး အပြင်မှပြန်လာသည့် ဖုကျွမ့်နှင့်ဆုံသည်။
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 64
Start from the beginning