عدا اسبوع و الاوضاع مكنتش مستقره
ادم و فيروزه كانو بيتخانقو كتير علشان بيحاولو يفهمو بعض بس كانو بيتصالحو بسرعه
والكل زعلان علي ذاك و دليلا
وزين الي طلع حبو من طرف واحد
و أسر جيه اتقدم ل ميرال و اركان وافق و جاب اهلو و الكل اتجمع و قرئو الفتحه و لبسو دبل وكانت قاعده عائليه و زين مجاش علشان مكنش عاوز يشوف لينا
ــــــــــــــــــــــــــــــــــــــــــــــــــــــــــــــــــــــ
" بعد اسبوع في بيت المنشاوي "
ميرال خبطت و دخلت اوضه لينا و لقتها نايمه ف راحت قعدت جنبها تصحيها
ميرال: لينا... يالوليي... اصحي بقااا
لينا بنوم: عاوز اي
ميرال: قومي يلا هننزل القاهره
لينا: لي
ميرال: اركان قال نتجمع هناك و نبات يومين يلا قومي بقاااا
لينا: روحو انتو انا مش قادره (ومسكت المخده حطتها علي وشها)
ميرال: يلا بقا يا ليناااا انتي عارفه ان جدو مستحيل يسيبك هنا لوحدك انتي امانه
لينا: انا مش طفله
ميرال: لا طفله قومي بقا متبقيش رخمه مش عاوزين نتاخر
لينا قامت و زقتها بلمخده: اي البيت الي مش عارفه انام في براحتي دههه
ميرال: معلش احنا ناس رخمه قومي بقاا اجهزي
لينا: حاضر ياستيي حاضر
ميرال: اشطا متتاخريش
"ميرال قامت خرجت و راحت تجهز و لينا قامت و جهزت و جهزت شنطه هدومها بس مخدتش هدوم كتير خدت حاجات بسيطه تقعد بيها هناك و خلصت و نزلت لقت جدتهم هدى قاعده في الصاله جاهزه ف راحت قعدت جنبها"
لينا: صباح الخير ياتيته
هدى: صباح الفل ياقلبي هقوم اعملك الفطار تفطري
لينا: لالا مش جعانه
هدى: يابنتي مينفعش تفضلي علي الحال ده كل يوم تصحي متكليش
لينا: والله بطني مقفوله
هدى: ياحببتي ده سفر... تعالا احضرنا يا منشاوي (جدهم المنشاوي كان نازل و راح قعد علي الكنبه الي قدامهم)
المنشاوي: في اي (وبص ل لينا) صباح الخير ياحببتي
لينا: صباح الفل
هدى: لينا مش راضيه تفطر وبقالها كام يوم علي الحال ده
المنشاوي: مش راضيه تاكل لي يا لينا
لينا: والله ما جعانه و بصحا بطني مقفوله
المنشاوي: بس احنا هنسافر و الطريق طويل
لينا: هنام في الطريق كده كده متشلوش همي
هدى بقله حيله: خلاص ياحببتي براحتك انا عامله سندوتشات لو جوعتي في الطريق قوليلي
لينا بابتسامة: حاضر... ميرال فين
(ميرال وهي نازله علي السلم و شايله شنطتها علي ضهرها)
ميرال: انا جهزت اهوو
المنشاوي: طب يلا نتحرك
"و قامو خرجو ركبو العربيات و اتحركو و المنشاوي و هدى كانو في عربيه و لينا و ميرال في عربيه و عربيه تالته حراسه و ميرال نامت طول الطريق و لينا فضلت تنام و تصحا و تسرح في الي بيحصل والي هيحصل لغايط ما وصلو و لينا صحت ميرال و نزلو ودخلو البيت بتعب وسلمو علي اركان و خديجه و قعدو في الصاله يستريحو و مكملوش كام ثانيه و زين خرج من المطبخ و اول ما خرج راح علي هدى يسلم عليها وهو بيحاول يتجاهل لينا و ميبصلهاش "
زين وهو بيحضن هدى: عامله اي يا تيتا وحشاني
هدى: انا بخير الحمدلله انت عامل اي.. مالك ياواد خاسس و مصفر كده لي
زين بضحك وهو بيبعد عنها: اركان مش عاوز ياكلني غير لما تيجو عمالين ياكلوني في خس
هدى: اخس عليك يا اركان
اركان بضحك: والله ما قالي انو جعان
زين راح باس ايد جدو و حضنو
المنشاوي: عامل اي يا حبيبي
زين: بخير طول ما انت بخير ياسيد الناس
(و بعد و بص ل ميرال و لينا)
زين: ازيك يا ميرال
ميرال: تمام الحمدلله
(زين بص ل لينا و ابتسمت ابتسامه بهتانه
مش هينكر ان هي كانت وحشاه وكان مشتاق ليها و لكلامهم و لضحكتها بس بعيداً عن كل ده كان حاسس بتانيب ضمير علشان مقالهاش ان ذاك هيسافر ومكنش جنبها في الفتره دي مع العلم انو عارف ان حالتها مش كويسه و كان باين علي وشها)
زين: عامله اي يا لينا
لينا: كويسه الحمدلله
(زين كان بيوجهه كلامو للجميع بس كان باصص ل لينا)
زين: انا جي اصلح الي عملتو
ميرال باستغراب: تصلح اي!!
(ذاك خرج من المطبخ وكلهم بصولو بصدمه ممزوجه بفرحه ل رجوعو معادا لينا فضلت باصه بهدوء و برود)
ذاك راح وقف قدام لينا
لينا بهدوء: حمدالله على السلامة
ذاك: الله يسلمك (وكمل بأسف) انا اسف
السكوت عم في المكان ل دقايق و لينا كانت بصالو ببرود و هدوء محدش كان قادر يفسرو لغايط ما فصل السكوت ده خبط الباب و لينا قامت فتحت الباب ومحدش كان فاهم تصرفاتها
لينا فتحت الباب و كان ادم و فيروزه
ادم: لينا بذات نفسها بتفتحلنا الباب لالا انجاز
لينا بضحك بسيط: بطل رخامه
فيروزه حضنت لينا: عامله اي ياحبيبتي
لينا: الحمدلله تمام.. ادخلو يلا
"هما دخلو "
ادم: وه وه ذاك جيه (وبص ل لينا) انا لو منك مكلموش
اركان بجديه: اسكت يا ادم
ادم: اللاه انا قولت اي
لينا بهدوء: طب انا هطلع انام شويه
(وسابتهم و طلعت و ذاك بصلهم وهو مش عارف يعمل اي وهما شاورلو انو يطلع وراها وكان متردد بس طلع و خبط علي الباب و دخل)
ذاك: ممكن نتكلم شويه
لينا وهي باصه من الشباك: انا تعبانه و عاوزه انام
ذاك: انا عارف اني غلطان بس انتي متعرفيش حالتي ساعتها كانت عامله ازاي انا كنت تايه و متلغبط و عاوز اهرب و اسيب المكان ب اي شكل... حطي نفسك مكاني الوحيده الي حبتيها من كل قلبي طلعت بتحب واحد تاني
لينا بهدوء: ورجعت علشان عرفت ان هي بتحبك
ذاك بتوتر: مش بلظبط
لينا لفت بصتلو و اتكلمت بعصبيه و زعيق: لا بلظبط يا ذاك بلظبط انت رجعت علشانها مرجعتش علشاني ولا علي البنت الي رمتها من غير حتى ما تقولها انك مسافر و عرفت من دليلا
ذاك: انا مكنتش قايل لحد
لينا بزعيق: وانا مش حد انا غيرهم غيرهم كلهم... ذاك انت اخر واحد متبقي في عيلتي انت فاهم يعني اي انت زيك زي بابا و زي اخويا الكبير و اكتر كمان
ذاك: عارف والله وانتي عارفه انتي بلنسبالي اي
لينا: انا!!! انا ولا حاجه انا ولا اي حاجه في حياتك ياذاك
ذاك: لا يا لينا انتي فاهمه غلط
لينا: انا فاهمه صح وصح اوي كمان انت رجعت علشان اتاكدت ان دليلا بتحبك
ذاك: لا يا لينا انا رجعت علشانك و كنت كده كده هرجع علشانك او هخليكي تسافر معايا
لينا بصت في الارض بخذلان و دموع: محدش فكر فيا
ذاك وقف قدامها: والله العظيم ما روحتي عن بالي و كنت كل شويه بطمن عليكي منهم و كلهم كانو خايفين عليكي و زعلانين علي زعلك(ورفع وشها و اتكلم بصدق و حنيه) انتي مش بنت اختي انتي بنتي الي مخلفتهاش يالينا...انا فضلت طول عمري ادور عليكي و افكر عايشه ازاي ولا بتعملي اي و ادعي في كل صلاه انك تكوني كويسه واني القيكي و اول ما قدرت انزل مصر نزلت دورت علي اسم عمك بس مجاش في دماغي انو مغير اسم شركاتو و غير مكانكو وبعد كل ده الحمدلله لقيتك...انتي بقا فاكره بعد كل ده هسيبك
( لينا مقدرتش تمسك نفسها و حضنتو وهي بتعيط و ذاك حضنها و فضل يطبطب عليها)
ذاك بأسف: حقك عليا.. مكنتش متخيل ان الوضع يوصل ل كده.. انا اسف
(لينا هديت شويه و بعدت عنو و مسحت وشها)
لينا : خلاص الي حصل حصل بس متمشيش تاني
ذاك: بدات انقل شغلي هنا خلاص ومش هسافر تاني غير في الضروري
لينا: اهمم ماشي...طب انا و صالحتني هتعمل اي بقا مع دليلا
ذاك: هتجوزها
لينا بضحك: وهي هتوافق
ذاك بغرور: انا مبترفضش
لينا بضحك: اي الثقه دي
ذاك بضحك: عيب عليكي...اتفقت مع يوسف اخوها و اهلها اننا هنروحلهم بكره و اتقدملها و نلبس دبل يعني
لينا: افرض رفضتك
ذاك: اسكتي بقا هو انا ناقص توتر
لينا: لالا متقلقش هتوافق بإذن الله
ذاك: يارب...يعني خلاص صافي يالبن
لينا: حليب ياقشطه
ذاك: بجد
لينا بابتسامة: اهمم
ذاك: طب يلا ننزل علشان هموت من الجوع
لينا: يلا
ــــــــــــــــــــــــــــــــــــــــــــــــــــــــــــــــــــــ
"تحت في الصاله"
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
