عدا كام يوم و البنات اتفقو انهم هينزلو الازهر يجيبو القماش وهيبقا يوم الخميس علشان مش هيبقا عندهم محاضرات
ــــــــــــــــــــــــــــــــــــــــــــــــــــــــــــــ
"يوم الخميس الساعه 7 الصبح "
لينا بملل: خلصو بقا
دليلا: انا هلف الطرحه اهو
ميرال: انا قربت اخلص خلاص
لينا: ده انتو باردين
لينا تليفونها رن و كان زين
لينا بإستغراب: الو
ذاك: يلا يابنتي بقالنا كتير مستنين
لينا بإستغراب: ذاك!!! مستنين مين
ذاك بصياح: انتي لسه هتستفسري انجزووو
زين: بس بس الناس نايمه
لينا قفلت وطلعت البلكونه وشافتهم وهما تحت وكان ذاك قاعد فوق العربيه ومربع رجلو و زين واقف ساند علي العربيه بيشرب سجاير
لينا بصوت عالي: شوفتك وعرفتك وهجيبك
زين اتخض و اداها ل ذاك بسرعه ورفع ايدو انو مش ماسك حاجه
لينا دخلت للبنات وخلتهم يخلصو بسرعه بعد كده خدتهم ونزلو وكان السكن كلو نايم معادا مريم و ودعتهم وهما ماشين وعرفت ان زين وذاك هيبقو معاهم وهي كانت مطمنه عليهم وهما معاهم علشان هي عارفه زين كويس وهو جيه ل ميرال كذه مره
ـــــــــــــــــــــــــــــــــــــــــــــــــ
البنات خرجت و لقتهم واقفين مستنينهم
لينا بحده: بتشرب سجاير علي للصبح يا زين
زين :ده ذاك
لينا بصت ل ذاك بحده
ذاك:وانا مالي ياعم
ذاك شرب اخر نفس في السجاره بعد كده حدفها
لينا بصدمه: يخربيتك هو انت بتشرب
ذاك : لا بس ممكن اخد نفاسين يعني
ميرال:انا بقول يلا نركب علشان كده كل الشارع هيصحى علي صوتكو
زين: طب يلا
هما ركبو
ذاك بص ل دليلا الي كانت حاطه السمعات في ودنها ومش مركزه معاهم اوي بس سمعاهم
ذاك :اي الي جاب البت دي
دليلا ببرود:كنت شايلني علي راسك وانا معرفش
ذاك :لا ياخفيفه الحب هو الي ولع
دليلا بهدوء: القلوب عند بعضها والله
زين:اهدو يارجاله احنا في اول المشوار
دليلا رجعت لسمعاتها تاني و سرحت في الطريق
ميرال:هتسافرو امتى
زين:هنمشي انهارده بليل
لينا بضيق:كنت عاوزه اروح معاكم
ميرال بزعل: وانا كمان
ذاك: علشان تتخانقو تاني احسن احسن
لينا:علي العموم سلمو عليهم
زين: حاضر
ذاك بص في المرايا وشاف دليلا وهي سرحانه
ذاك : يا ام اسود ....انتي يابت
دليلا فاقت من سرحانها :عاوز اي
ذاك:مالك
ميرال: ولا حاجه
ذاك بص للبنات: مالها
ميرال:لا دي دليلا قبل ما تفطرتش
ذاك بصوت واطي:وانتي الصدقه هي كده علطول
لينا بيأس : انا جعانه
زين:طب تاكلو اي
دليلا بحماس:تاكلوعلي عربيه فول؟
زين:هو حتا لو ماشي بس فين
دليلا:لو موافقين هقولكم علي واحد قريب
لينا و ميرال بحماس:انا موافقه
ذاك: وانا كمان معنديش مشكله
دليلا بحماس:اشطا
دليلا وصفت ل زين علشان هو الي كان بيسوق وبعد وقت مش كتير كانو وصلو وركنو علي جنب
زين:خليكو وانا هنزل انا و ذاك نجيب سندونشات..هتاكلو اي ؟
دليلا :شقين فول و شقه بطاطس
ذاك بصدمه:شقين وشقه!!!!
دليلا :انت هتعدهم عليا
ذاك:لا انا بتكلم علي الصيغه
ميرال:مش وقتو..انا عاوزه واحد فول و اتنين بطاطس علشان جعانه اوووي
لينا :وانا اتنين بطاطس
دليلا:مش هتاكلي فول
لينا: مش بحبو اوي يعني
زين:جربي ده رحتو لوحدها جوعتني
لينا:خلاص ماشي يبقا واحد فول و واحد بطاطس
زين:تمام يلا يا ذاك
زين وذاك نزلو و بعد شويه جم بل الاكل
زين وهو واقف من بره:انزلو محدش هياكل في العربيه البنات نزلت و وقفو عند شنطه العربيه و فتحو الاكل و وقفو كلو وكان الاكل عاجبهم بعد كده خلصو ورجعو ركبو العربيه
ذاك:يا ام اسود
دليلا:عاوز اي يا تناحه
ذاك: مين ده الي تناحه
دليلا :انت وبعدين ما انت بتقول ياام اسود
ذاك:اللاه ماانتي الي كنتي لابسه اسود في حد يلبس اسود في عيد ميلاد طفل!
دليلا:ده لون العظماء انت ايش فهمك
ذاك:ياجدع
دليلا:وبعدين انت ايش فهمك انت في الاوان وانت مالك اصلا البس اي ولا ملبسش اي كنت جوزي ولا خطيبي
ذاك :وانتي تطولي
دليلا :بقولك اي كلم حد يكلم حد يكلم حد يكلمني انت هتصاحبني
ذاك: ليه مارلين مونر
دليلا :لا ياعنيا انا دليلا المنصوري
ميرال:استهدو بالله ياجماعه
لينا:مش قاعدين في حضانه احنا
ذاك: هي الي بتقول عليا تنح
دليلا:هو الي بيقل عليا ام اسود(كملت يزعل طفولي) انا ام اسود!!!
ميرال حضنتها واتكلمت بحنان :لا ياقلبي
ذاك: يعني انا الي تنح
زين:لا ياخويا متقولش علي نفسك كده انت بارد بس
الكل قعد يضحك وذاك ضرب زين علي دراعو
ذاك:طبلي ولو مره في حياتك
زين بضحك: هحاول
ميرال طلعت لسانها ل ذاك وهي بتغيظو: انا صحابي بيطبلولي وانت لا
ذاك بص ل زين :شوف جبتلنا الكلام من الي يسوا والي ميسواش
لينا بضحك:والله انتو عيال فقريه
زين بضحك:اتفق
بعد مده كانو وصلو و ركنو العربيه
لينا بحماس:اول حاجه هعملها هتبقا فستان لطفله و بدله لطفل
زين:اشمعنا
لينا:علشان بحبهم و اول نونو هتيجي في العيله هتبقا ليها
دليلا:طب يلا بينا
هما نزلو وقعدو يتمشو وهما مبسوطين و متحمسين وجابو قماش لونو ازرق و ابيض واسود و الوان تانيه و قماش مختلف وجابو دانتيل و كل حاجه لينا كانت محتجاها بعد كده خلصو ورجعو العربيه و كانو في وقت المغرب وكانو تعبانين من كتر المشي
لينل:كده ناقص المكنه ودي بقا تاخدوها معاكو وانتو مستافرين
زين:خلصانه
دليلا :انا جعانه
ذاك:اول مره اتفق معاكي بس انا كمان جعان
ميرال:انا عاوزه اكل كشري
لينا:تصدقي بقالي مده مكلتوش
دليلا:طب تعالو اوديكو عربيه كشري جامده
زين:طب يلا اركبو
هما ركبو و ذاك هو الي ساق و ميرال قعدت وصفت المكان و وصلو و نزلو قعدو علي طربيزه صغيره
دليلا:عاوزين اربع اطباق ياعم حسين
حسين(الي واقف علي العربيه): من عنيا
ذاك:بنت بلد بنت بلد يعني مش هزار
دليلا:عيب عليك
زين:تعرفي الاماكن دي منين
دليلا:كنت بنزل مع يوسف و نادر وامير و مصطفي كده يعني
ذاك:مين دول ياعنيا
دليلا:وانت مالك ياحشري
ذاك:نينينيني
لينا بضحك :مين دول فعلا
دليلا:ولاد عمتي وعمي وخالتي قرايبي يعني ف كانو كل ما يخرجو اروح معاهم
ذاك:في حاجه اسمها بنات بتخرجي معاهم
دليلا:مكنش ليا صحاب اخرج معاهم ف يوسف كان بيخرجني معاه وكان معوضني يعني
ذاك:طب ياسيدي عد الجماعيل ادينا بنخرجك اهو
دليلا:نردهالك في الافراح ياخويا
الاكل اتحط علي الطربيزه
عم حسين بص ل دليلا بحده خفيفه:متحطيش شطه
دليلا بضحك:انت لسه فاكر
عم حسين:وهو ده يوم يتنسي ...يلا بلهنا والشفا علي قلبكم
ومشي
لينا بإستغراب:بيقول كده ليه
دليلا:اخر مره كنت هنا حطيت شطه كتير و هي اصلا بتتعبني بس الموضوع كبر شويه وروحت المستشفى
ذاك:خرابه ماشيه علي الارض
دليلا:اطفح وانت ساكت
ذاك:اطفح!!انتي عارفه فرق السن قد اي الي بينا
دليلا:مظنش دي حاجه تهمني
زين:كلو وانتو ساكتين بقااا
هما قعدو كلو و خلصو بس كانو قعدين يستريحو ومره واحده لينا قامت بسرعه و وقفت رجعت علي جنب وهما راحولها بخضه و دليلا فضلت تطبطب علي ضهرها بعد كده قعدوها علي كرسي
ذاك:هروح اجيب مناديل
وراح جري
و عم حسين جالهم بخضه
عم حسين: مالك يابنتي
زين بخضه:حاسه ب اي طيب
لينا : انا كويسه متقلقوش
دليلا:انت حاطط حاجه في الاكل ولا اي ياعم حسين
عم حسين :لا والله
لينا: هو ملوش ذنب انا الي اطافست و تقلت في الاكل علشان عجبني
ذاك جيه بسرعه واداها المناديل: انتي كويسه
لينا بتحاول تفك الجو:اهدو انا كويسه متكبروش الموضوع
زين بقلق: طب حاسه ب اي
لينا:حاسه اني عاوزه اكل رز بلبن
الكل بصلها بدهشه
لينا بإرتباك :انا قولت حاجه عيب ولا اي
الكل بص لبعضو و قعدو يضحكو
ذاك بضحك:طب انا هروح اجيب من السوبر ماركت علشان شوفت عندو
زين بضحك:اشطا واحنا هنستناك عند العربيه
زين راح حاسب و ذاك راح السوبر ماركت بعد كده راحو العربيه و لينا وميرال و دليلا قعدو علي شنطه العربيه و ذاك جالهم و وزع الاطباق عليهم وقعدو ياكلو
زين:بقيتي كويسه اهو اومال لازم تخضينا وخلاص
لينا:لازم احط لمستي في اليوم
ميرال: ياستي المهم انك كويسه
لينا:الحمدلله
دليلا تليفونها رن
ذاك بفضول:مين
دليلا:يخربيت الحشريه
دليلا ردت علي الموبيل
دليلا:شق الشقايق والله
بعد كده قامت وراحت بعيد عنهم بشويه و زين بص ل ذاك بخبث و ذاك كان باصص ل دليلا بغيظ و غيره واضحه
زين بخبث: انا شامم ريحه غيره حد حاسس بيها
ميرال بخبث:انا حسيت بردو
لينا بخبث:وريحه حب كمان
ذاك بحده: مسمعش صوت حد فيكم
وسابهم و ركب العربيه وهما فضلو باصين لبعض بمكر بعد كده دليلا جتلهكم ومكنتش واخده بالها من حاجه
دليلا بإستغراب:مالكم و فين ذاك
ميرال:ولا حاجه يلا نركب
دليلا:ماشي
هما راحو ركبو و زين راح الكرسي علشان يسوق لقا ذاك قاعد
زين بصوت واطي:خليني اسوق بدل ما نموت كلنا
ذاك بجديه:لا
زين: مش عاوز اموت والله
ذاك بحده:زين !!
زين:خلاص ياعم
زين راح ركب الكرسي التاني و ذاك ساق و كان بيسوق بسرعه اوي و كان متعصب اوي وبيطلع عصبيتو في السواقه
دليلا بصوت واطي ل لينا الي كانت جنبها:هو في اي انا سيباه كويس
لينا:ادعي ربنا اننا منموتش
دليلا:ايوه يعني في اي
لينا:ادعي وانتي ساكته
دليلا بصت ل ذاك
دليلا بإستغراب:في اي ياذاك
ذاك بحده:مش عاوز اسمع صوت حد
دليلا:انا بقولك...
ذاك قطعها بزعيق وعصبيه:قولت مش عاوز اسمع صوتك
دليلا اتصدمت وسكتت والسكوت ملأ المكان وبعد مده من السكوت العربيه وقف قدام السكن و اول ما وقف دليلا فتحت الباب ونزلت بسرعه
لينا:ذاك مكن..
ذاك قطعها:مش عاوز اتكلم
زين شاورلها انها تنزل هي و ميرال
وهما نزلو بسرعه علشان يلحقو دليلا و ذاك مشي بلعربيه باقصى سرعه وزين فضل ساكت لغايط ما ذاك بعد مده وقف علي جنب و نزل من العربيه و زين نزل ولا وراه وكانو علي الدئري قدام النيل
ذاكك بهدوء: انا بوظت الدنيا ؟
زين بهدوء: اوي
ذاك بعصبيه:وانت مشوفتش هي كانت بتتكلم ازاي دي ضحكتها من هنا لهنا
زين بنفس الهدوء:وانت مدايق ليه
ذاك سكت
زين بهدوء: اعرف انت مدايق ليه و كل الاساله الي في دماغك هتتحل
ذاك : تفتكر
زين:دي حاجه اكيده
ذاك: بهدلت الدنيا اوي يعني
زين:علي الاخر
ذاك:وانا اعمل اي
زين:والله شوف انت بقا
ذاك بص للسما: يارب ابتلتني بواحده رخمه كده ليه
زين بخبث:وانت مهتم بلرخمه ليه
ذاك:بس ياض
زين بضحك:ماشي هعديها المرادي بس ابوس ايدك يلا نروح انا هتلج
ذاك: ماشي بس سوق انت
زين:ماشي
هما ركبو العربيه و روحو
ـــــــــــــــــــــــــــــــــــــــــ
"عند البنات "
لينا و ميرال طلعو الاوضه بسرعه و كانت دليلا قاعده علي السرير الدموع محبوسه في عنيها و هما راحولها بسرعه
لينا:دليلا
دليلا مرضنتش
ميرال:دليلا انتي كويسه
دليلا بصتلهم و عيطت وهما حضنوها
لينا:اهدي وانا هنفخو
ميرال:اهدي يا دودو علشان خطري
دليلا بشهقات و عياط :انا معملتش حاجه علشان يزعقلي
لينا:هو بس كان متعصب شويه
دليلا:وانا مالي هو انا الي عصبتو
ميرال:طب اهدي بدل ما نعيط معاكي و الله
دليلا:لا خلاص
بعد كده دليلا هديت
دليلا:يلا ننام علشان تعبت اوي
لينا:علي رايك والله
ميرال:طب يلا نغير هدومنا وننام
البنات قامت غيرت هدومها ونامو
ـ
ــــــــــــــــــــــــــــــــــــــــــــــــــــــــــــــ
الساعه كانت تلاته الفجر و لينا صحيت مره واحده بخضه كبيره و قلبها واجعها و مسكت التليفون ورنت علي زين بسرعه
لينا:زين انا لازم اروحلها دلوقتي
زين: انا......
ـــــــــــــــــــــــــــــــــــــــــــــــــــــــــــــــ
البارت خلص ياقمرات
تفتكرو اي الي هيحصل و لينا عاوزه تروح ل مين؟
ذاك مهتم ل دليلا ليه؟
وهيصالحها ازاي؟
الكاتبه "چنا عمرو"
عيونك قمر عتمه الليل
و الليل عتمه في غفوة عيونك♡
أنت تقرأ
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
