هما راحو ڤيلا أركان و اتعشو و المنشاوي و هدى راحو نامو و الباقي طلعو غيرو لبسهم و اتجمو وقعدو في الصاله و كانو بيتفرجو علي فلم"قصه حب" و كان في النهايه و البنات كانت قاعده بتعيط و ماسكين المناديل
ميرال بعياط: هي ماتت ليه..المفروض يكملو
أركان: ياحببتي مش كل قصص الحب بتكتمل اهدو بقا
خديجه بعياط: بس هما بيحبو بعض
لينا بعياط: وكانو هيتجوزو كمان
ذاك: اهدو ده تأليف
خديجه وهي بتمسح عنيها: انا زعلانه علشان ده بيحصل في الحقيقه
زين: ربنا يصبرهم بجد حاجه صعبه
لينا كانت هديت و مسكت الريموت وقفلت التليفزيون
لينا: طب ركزو معايا كده
الكل بصلها بإنتباه
لينا: لو قولتلكم اني هموت بكره تحبو تقولولي اي
ذاك: اي الهزار ده
زين بضيق: انا مبحبش الهزار ده
ادم: ولا انا
لينا: يلا بقااا
خديجه: بطلي دراما
لينا: خلاص هغير السؤال... اي اكتر شعور شعور وحش حصلك..ابدا ياادم علشان نمشي بلترتيب
ادم: الفراق
لينا: فراق حب؟
ادم: لا بس قولي كده اكتر فتره كانت وحشه في حياتي لما ليال ماتت
الكل: الله يرحمها
بعد كده بصو ل زين علشان كان دورو
زين: نفس الاجابه...بس الزياده يوم موت ابويا وامي
أركان: والله هي كانت فتره صعبه علي الكل في الحالتين بس الاصعب فتره ابويا وامي بردو
خديجه: وانا بردو فتره لما ماما ماتت
ذاك: وانا يوم موت اختي و محمد الي هما ابو و ام لينا كانو بنسبالي ابويا وامي
الكل بص ل ميرال علشان عليها الدور وهي كانت سرحان
أركان: ميرا
ميرال فات من سرحانها: امم
ادم: دورك
ميرال: فتره موت ليال
لينا: ينفع اسال سوال رخم
ادم: انا و ميرال كنا متعلقين ب ليال اكتر من اهلنا علشان كنا لسه صغيرين و معشناش معاهم كتير ومليال الي كانت مصبرانا
لينا: بنسى موضوع انك ضابط مخابرات
ادم بضحك: عيب عليكي
زين: علفكره انتي مجاوبتيش
لينا: الي بيسال مش بيجواب
خديجه: لا يلا جاوبي
لينا: مش عاوزه معلش
اركان: خلاص سبوها براحتها
ذاك: طب يلا السؤال الي بعدو
لينا: هتلعبو اساله يعني
الكل: اه
لينا: خلاص هنمشيها بدور يلا ادم
ادم بتفكير: استنو بفكر...اي الحاجه الي لو مكنتش عملتها كنت هتندم عليها
ميرال: مش فاهمه
ذاك: يعني حاجه عملتيها زمان و مبسوطه انك عملتيها ولو مكنتيش عملتيها كنتي هتبقي ندمانه
ميرال: اها فهمت
ادم: الدور عليك يازين
زين بتفكير : حاجات كتير
لينا: زي اي
زين: مثلا اني لو مكنتش وافقت علي عرض عمر كنا زمنا لسه بندور عليكي (وبص ل لينا)
ذاك: عندك حق والله
اركان: انا بقا لو مكنتش روحت في اليوم ده عند خديجه كنت ندمت طول عمري
خديجه: وانا لو كنت وافقت كان زماني ندمانه بردو
لينا: مش فاهمه
خديجه: الاستاذ الي قدامك ده (كانت بتشاور علي اركان) كان عنيد اوي ومش عاوز يعترف انو بيحبني ورفضني وكانت ليله مايعلم بيها الا ربنا ف قعدت مده منعزله بقا وكده ومكنتش بروح المستشفى نهائي وبعد يجي اسبوعين جالي عريس وانا قررت اني هصلي صلاه استخاره و اني احتمال اوافق واستسلم و بعد كده صليت قبل ما العريس يجي و لما جيه قبل ما نقرأ الفتحه
كمل أركان: روحتلها وقولتلها اني بحبها ومقدرش اتخلى عنها وهي زي الشطره قالت للعريس مفيش نصيب و هو مشي من هنا و انا دخلت قريت الفاتحه
لينا بدهشه: حاسه اني بسمع روايه
زين بضحك: يخربيت الروايات الي كلت دماغك
ميرال بضحك: طب يلا نكمل
ذاك: لو مكنتش لقيت لينا او لو مكنتش اشتغلت في الشركه علشان كل خبرتي منها
ميرال: وانا لو مكنتش اتصاحبت علي لينا كنت هبقا ندمانه بردو
لينا بهزار و تمثيل: جمهوررري
ادم بضحك: يلا يختي جوبي
لينا بتفكير: ممكن مثلا اني لو مكنتش اتصاحبت علي ميرال و دليلا و خديجه و ريما طبعا او مثلا لو كنت كملت في العناد و مرضتش اسمع كلام عمي يلا حسبي الله ونعم الوكيل
زين: اه صح هو كان بيقولك اي واحنا في العزا
لينا بارتباك وحاولت تبين انها طبيعيه: لا ده كان بيعزي
اركان: مش بتعرفي تكدبي
لينا بضحك علشان تغير الموضوع: للاسف
هما محبوش يضغطو عليها و مسألوهاش تاني
خديجه: بقولكم اي اعزم دليلا تيجي تتغدا معانا بكره
لينا وميرال: اشطا
زين بص ل ذاك بخبث
زين بخبث: اي رايك يازيزو
ذاك بلامبالاه:و انا مالي
خديجه بصوت واطي للبنات: في اي
ميرال: اصل ذاك اتخانق مع دليلا
خديجه بصت ل ذاك: ايوه اجبها ولا لا يعني
ذاك: اللاه ما تساليها هي هو انا كنت ابوها ولا اخوها
ادم بمكر: لا جوزها
ذاك حدف عليه المخده
ذاك بحده: أخرس ياض
زين بضحك: اللاه هو قال اي يعني ده بيتكلم عن المستقبل
أركان بص ل ذاك واتكلم بجده: ذاك دليلا مش بتاعت لعب دي بنت محترمه وبعتبرها زي ميرال و لينا
ذاك: اي اي انتو كبرتو الموضوع اوي انا مليش علاقه بيها...انا طالع انام
ذاك قام وطلع الاوضه
خديجه بضحك: هو بقا قموصه كده ليه
زين بضحك: هطلع اشوفو
لينا بضحك: اسمها هتطلع تكمل تحفيل عليه
زين بضحك: شكلك فاهم ينصه
كلهم قعدو يضحكو
ادم: طب يلا بقا نطلع ننام
الكل: يلا
هما طلعو و اتوزعو علي الاوض و نامو و ميرال و لينا نامو في اوضه واحده
ــــــــــــــــــــــــــــــــــــــــــــــــــــــــــ
"اليوم التاني الصبح"
ميرال: لينا يلا قومي...ياليلي
لينا بنوم: اممم
ميرال:يلا قومي
لينا بنوم: ليه
ميرال: عاوزين نفطر
لينا:كلو انتو انا مش جعانه
ونامت تاني
الباب خبط
ميرال: مين
خديجه: انا خديجه
ميرال: ادخلي
خديجه دخلت
خديجه: هي لسه نايمه
ميرال: مش عارفه اصحيها
خديجه: ياليلي
لينا بنوم: اممم
خديجه: يلا قومي احنا جعانين
لينا بنوم: وانا مش جعانه
ميرال و خديجه:و احنا جعانين
لينا قامت بنوم
لينا: خلاص يلا انزلو وانا جايه وراكو
خديجه: لا يلا قومي
ميرال و خديجه قومو لينا و خلوها تغسل وشها و لفت الطرحه و نزلت
لينا: صباح الخير
الكل كان قاعد علي تربيزه الاكل
الكل: صباح النور
المنشاوي: كل ده نوم
لينا: انا كنت جعانه نوم
زين: واحنا جعانين اكل
لينا: خليها عليك المرادي
لينا قعدت و الكل بدأ ياكل وخلصو و قعدو في الصاله يرغو
"بعد مده "
ذاك: حد شاف الهند فري بتاعتي
الكل: لا
زين: هتلاقيها في اوضتك
ذاك: طب هطلع اجيبها
ذاك طلع الاوضه دور علي السماعه ولقاها علي الطربيزه وبص من الشباك بلصدفه لفت نظرو عربيه قدام البيت ف رجع بص تاني لقا دليلا نازله من عربيه و هي مبتسمه و الولد الي كان في العربيه مكنش اخوها كان ولد غريب
ذاك الدم غلي في عروقو وشو احمر و كان متعصب بعد كده نزل قعد تاني بس من غير ما يتكلم وحط الهند فري في ودنو وفضل ماسك الموبيل وهو في قمه غضبو والكل كان مستغرب
زين بإستغراب: مالك يابني
ذاك مردش و الباب خبط و لينا قامت فتحت وكانت دليلا وسلمو علي بعض ودخلو
دليلا: السلام عليكم
الكل معادا ذاك: وعليكم السلام
خديجه قامت حضنتها: عامله اي ياقلبي
دليلا: الحمدلله
خديجه: ديما ياروحي
بعد كده سلمت علي ميرال و هدى و قعدو و دليلا كانت متجاهله ذاك تماماً وذاك كان نفس النظام
ميرال: مين وصلك؟
دليلا: أمير
لينا: أمير!! مش ده ساكن بعيد عنكم
دليلا: ايوه بس هو وخلتو جم انهارده يقعدو معانا وأمير خلص القاعده وكان رايح مشوار ف خدني في طريقو
ميرال: وهيجي يروحك؟
دليلا: اه
ذاك قام بعصبيه وطلع الاوضه و قفل الباب بكل قوتو والكل اتخض من الصوت
دليلا بأستغراب: مالو ده
المنشاوي: متخديش في بالك
ــــــــــــــــــــــــــــــــــــــــــــــــــ
ذاك دخل الاوضه و لقا نفسو في اوضه زين بس مهتمش وراح قعد علي الكرسي بعصبيه و بعد كده لاحظ علبه السجاير بتاعت زين ف مسكها وقعد يشرب السجاير بكل غيظ وعصبيه وبعد مده زين طلع هو و ادم واركان و منشاوي ودخلو الاوضه وقعدو
اركان: انا مش عارف انت مدايق ليه ده قريبها
ذاك بصلو بحده ومرضش
ادم: وبعدين انت ملكش حق تدايق صح ولا اي
منشاوي: بس ياعيال...تعال ياذاك
ذاك قام وقعد جنب المنشاوي علي الكنبه
منشاوي: قولي بقا حصل اي انت مدايق من قبل ما تيجي
ذاك بضيق: شوفتها نازله من العربيه معاه وكانت بتضحك
منشاوي: طب وانت اي الي مدايقك
ذاك بعصبيه شبه الاطفال: وهي تيجي معاه ليه
منشاوي بهدوء: ابن خالتها
ذاك بعصبيه: ولو
منشاوي: اومال كانت تعمل اي
ذاك: معرفش انشلا حتا تكلمني وانا اروح اجيبها
منشاوي: وانت بصفتك اي
ذاك كانت هيرد بس ملقاش رد فسكت
زين: عرفت ليه ملكش حق تغير عليها
ذاك بعصبيه: ولو مينفعش تيجي معاه
ادم: ده انت عيل عنيد
اركان: بيفكرني بنفسي بس خلي بالك خديجه مش دليلا
ذاك: يعني اي
منشاوي: يعني خديجه كانت بتحبو وصبرت عليه لكن دليلا احنا منعرفش اي الي جواها
ذاك: وانا اعمل
زين: محدش هيبقا عارف شعورها غيرك
ادم: و دليلا مش بتاعت لعب ياذاك دليلا محترمه
ذاك: عارف
زين مسك علبه السجاير بصدمه
زين: يخربيتك انت خلصت علبه السجاير
ذاك: انت هتستعبط هي اصلا كان نصها خلصان
زين: من امتا وانت بتشرب اصلا
ذاك: كنت متعصب والي حصل حصل فكك
زين: ماشي ياخويا
ادم: انت لسه متغاظ
ذاك بضيق: اه
ادم بمكر: ماتيجي جولة
الكل بص لبعضو بخبث
ادم: هااا هتيجي ولا خايف
ذاك بتحدي: يلا
الرجاله نزلت و أركان راح للستات في المطبخ
ــــــــــــــــــــــــــــــــــــــــــــــــ
هدي كانت قاعده علي كرسي بتشرف عليهم و الباقي واقف بيعمل الاكل
ميرال: كده الكبسه خلصت؟
هدى: اه وطي بقا النار وغطي الحله
دليلا: وانا خلصت السلطه
هدى: حطيها بقا في التلاجه
خديجه: وانا خلصت الجلاش احطو في الفرن ولا استنى
هدى: حطيه
لينا: وانا بردو احط البسبوسة في الفرن ولا استنى عليها
هدى: لا استني شويه بعد الغدا
لينا: ماشي
اركان دخل المطبخ
أركان بحماس: الجولة هتبدأ
ميرال بحماس: قول والله
خديجه بحماس: مين ومين
أركان: ذاك و أدم يلا بسرعه
لينا: مش فاهمه حاجه
دليلا: ولا انا
هدى بعصبيه: انا قولتلكم كام مره بلاش اللعب ده
اركان مثل الجديه: عيال متربتش
ميرال بحماس: طب يلا نلحقهم بس
دليلا: نلحق اي
خديجه: ذاك و أدم هيلعبو جولة مصارعه
لينا بخضه: يخراشي
اركان بحماس: يلا مفيش وقت
كلهم خرجو وراحو اوضه كبيره كانت عباره عن صاله چيم و حلبه مصارعه
هما دخلو لقو ذاك و ادم واقفين جوه الحلبه وقلعين التيشرتات وكل واحد فيهم لابس الشروال عادي وكانو لبسين قفازات الملاكمه
هدى بعصبيه: هو مش انا قولت متلعبوش اللعبه دي تاني
ذاك: اخر مره
لينا بصدمه: انتو هتلعبو بجد
ادم: اه يلا اقعدو عاوزين نبدا
هما قعدو وزين كان واقف علشان كان الحكم و المنشاوي قاعد بهدوء وكان قاعد ماسك علبه الاسعاف الأوليه
زين: ابدا
زين نزل من الحلبه
ادم بتحدي: جاهز
ذاك بتحدي: جدا
ذاك بدأ يهاجم وكان بيتحرك بمهاره و سرعه عاليه بس ادم كان بيتفادا الضرب ومكنش عاوز يهاجم
ذاك: كده هلجئ لحل مش هتحبو
ادم: هات كل الي عندك
ذاك عمل حركه سريعه وضرب برجليه في وش ادم وادم وقع من قوه الضربه
ادم قام وحط ايدو علي خدو وشاف الدم
ادم: كده ادم هيزعل
ذاك بمكر: وانا عاوزه يزعل
ادم بتحدي ومكر: يبقا انت الي اخترت
ادم ضرب ذاك بوكس في وشو
ذاك: كده تعجبني
ذاك وأدم فضلو يلعبو لغايط ما ذاك ضرب أدم علي رجلو ووقع
ذاك بإنتصار: انت الي اخترت
أدم ضربه برجليه علي رجل ذاك ووقعو جنبو
ذاك بوجع: ضهري ياحيوان
أدم بتعب: العبره في النهايه
زين: بس كفايه عليكم كده...استر نفسك ياواد انت وهو
زين حدف لكل واحد التيشرت بتاعو وهما خلعو القفازات و لبسو التيشرتات وقامو وكل واحد ساند علي التاني
لينا: اي الي جبركم من الاول
دليلا وهي بتكتم ضحكها: شكلكم قمر
ذاك حدف عليها القفازات وجت في وشها وهي مسكتها وهي بتضحك
ذاك: بس يابت
ذاك و ادم قعدو و ادم قعد جنب المنشاوي و ذاك قعد جنب أركان و اركان و المنشاوي قعدو يطهرو في الجروح
هدى مسكت الشبشب وضربت كل واحد علي دراعو
هدى بعصبيه: على الله اشوفكم بتضربو بعض كده تاني سمعين
ذاك بوجع: براحه طيب
ادم: اي ياهدهد متكبريش الموضوع
هدى بعصبيه: انا هروح اشوف الاكل
هدى مشيت وكلو فضل يضحك
دليلا: بجد اشكرك علي الي عملتو يا ادم
ذاك: اه ياوطيه
دليلا بضحك: اللهم لا شماته بس انا شمتان
ذاك: طب امشي بقا بدل مااحطك في الحلبه مكان ادم
دليلا بغرور: هتغلب عليك بسهوله
ذاك بإستهزاء: واضح
دليلا: شوف شوف مين الي بيتريق
ذاك ببرود: لا انا بقول الحقيقه انتي متقدريش عليا
دليلا: عيل تنح
ذاك: بس ياام اسود
دليلا بعصبيه: انت هتقول ام اسود تاني
ذاك ببرود: وتالت
منشاوي: بس ياعيال كفايه خناق انا جعان ومصدع
اركان: مين سمعك وانا كمان والله
خديجه: خلاص هنروح اهو نشوف الاكل يلا يابنات
اركان: حبيبت قلبي والله
خديجه: حياتي
لينا: يلا ياخديجه متفقعيش مررتي
زين: اتفق
اركان: عيال حقوده
خديجه: حصل يابيبي
ادم: يلا بقا انا جعاان
ميرال: اهدا ياعم
الستات خرجت وراحو المطبخ و الرجاله قعدو في الصاله وذاك و ادم طلعو الاوض وخدو هدوم من اركان وخدو دوش وغيرو ونزلو وكان ذاك عندو تعويره عند جبهتو و ادم تعويره عند خدو بعد مده الستات خلصو الاكل وبداو يطلعو الاكل علي الطربيزه و الباب خبط واركان قام فتح
اركان بصدمه: رانيا!
رانيا: معلش اني جيت من غير ما اقولكم بس كنت عاوزه خديجه
اركان: اه اه اتفضلي هي جوه
رانيا دخلت واركان ناده علي خديجه
اركان بصوت عالي: خديجه رانيا جت
كل الي في البيت لما سمع الاسم اتصدم وكانت اكبر صدمه من ذاك بس قعد ببرود
خديجه راحت ل رانيا
خديجه بصدمه: اهلا يارانيا عامله اي
رانيا: تمام.. انا اسفه اني جيت من غير ما اقولك بس عديت من جنبك فقولت اجي اخد الحاجه الي جبتيهالي
خديجه: لا ياحببتي ولا يهمك
المنشاوي قام و وقف في اتجاهم
منشاوي: تعالي اتفضلي يابنتي
رانيا: شكرا يا اونكل والله مش عاوزه ابقى ضيفه رخمه
منشاوي: لا يابنتي متقوليش كده ولا اي ياخديجه
خديجه:اه اه اتفضلي
رانيا راحت جزئيه الصاله و لما شافت ذاك اتصدمت علشان مكنتش تعرف انو موجود بس بعد كده فاقت من صدمتها وهي مبسوطه وقعدت بفرحه و ذاك قاعد بكل برودو
منشاوي: اخبارك اي يابنتي
رانيا: تمام الحمدلله انت اخبار حضرتك اي
منشاوي: في نعمه الحمدلله...اي اخبار خطيبك...انا متذكر ان خديجه قالتلي انك اتخطبتي
رانيا: اه اتخطبت...بس فسخت الخطوبه
منشاوي: ليه كده
رانيا: مكناش متفاهمين ومكنتش بحبو
منشاوي: ربنا يرزقك بأبن الحلال
رانيا بإبتسامة وفرحه: يارب
ذاك قام ببرود وراح الجنينه الي كان بابها جنب الصاله
ــــــــــــــــــــــــــــــــــــــــــــــــــــــــــــــ
ذاك كان واقف سرحان وقطع سرحانو صوت رانيا
رانيا بخوف: مين الي عورك في وشك
ذاك ببرود: وانتي مالك
رانيا بكسره: انا لسه بحبك
ذاك لف وبصلها بإستهزاء
ذاك بإستهزاء: اللاه وابن خالتلك الي جي من الكويت راح فين
رانيا مرضتش وبصت في الارض
ذاك: مش ده الي بعدتي عني علشانو..مش ده الي اهلك جبروكي عليه بردو
رانيا: انت عارف اني كنت مجبوره عليه بجد
ذاك بنرفزه وزعيق: يااخي انا عمري ما شوفت واحده كدابه وبجحه كده...رانيا انا مش اهبل ولا مختوم علي قفايا انا عارف كويس انك روحتيلو علشان معاه فلوس وانا كنت لسه علي قدي
رانيا: اهدا طيب و خلينا نصلح الي حصل
ذاك قعد يضحك
ذاك بضحك: دمك خفيف اوي بجد
بعد كده بطلع ضحك في ثانيه و اتكلم بجديه
ذاك بجديه: بوصي اولا الي اتكسر مش بيتصلح ثانياً بصراحه بقا هي ممكن كل حاجه تتصلح
رانيا بفرحه: بجد
ذاك: اه بس انتي جيتي متاخر اوي و بصراحه انتي اول ما مشيتي ماشاءالله ابوب الرزق اتفتحت قدامي و شغلي كبر و لقيت لينا بنت اختي (ذاك شاف دليلا وهي واقفه علي باب الجنينه و جايه في اتجاهم) و الاخيره بقا موفجأ
ذاك راح وقف قدام دليلا
ذاك بصوت واطي: انتي خطيبتي ماشي
دليلا بصدمه: نعم!!
ذاك وقف جنب دليلا وبص ل رانيا
ذاك بإبتسامة حب: و خطبت الانسانه الي بحبها...اقدملك دليلا
رانيا بصدمه: نعم!
ذاك بص ل دليلا علشان تفهم
ذاك: دي تبقا رانيا الأكس..الي حكتلك عنها
دليلا فهمت ذاك و دخلت معاه في التمثيل
دليلا: اهاا افتكرتها
رانيا بصدمه: انت حكتلها عني
دليلا بإستفزار: زيزو مش بيخبي عني حاجه
رانيا بمكر: متاكده؟!
دليلا بإستفزار: جداا
ذاك: اه صح ياحببتي كنتي جايه تقولي اي
دليلا: اه الغدا جهز ف يلا بقا انت جعان
ذاك: حاضر يلا بينا
ذاك و دليلا خرجو و سابو رانيا واقفه متغاظه وهتولع
دليلا: انا خطيبتك ياحيوان
ذاك: وانتي تطولي
دليلا: كلمه كمان وهروح ابوظ الموضوع
ذاك: خلاص خلاص طلباتك اي
دليلا: لسه هفكر
زين: في اي
ذاك: كدبنا علي رانيا وقولت ان دليلا خطيبتي
ادم: جدع ياض
لينا: رانيا مين
ذاك: الأكس
هدى: يعني اي
المنشاوي: هبقا افهمك ياحجه بعدين
رانيا خرجت من الجنينه ف كلهم سكتو
رانيا: طب انا همشي ياخديجه عاوزه حاجه
هدى: لا ياحببتي ميصحش اقعدي كلي معانا
رانيا: لا معلش ياطنط المره الجايه
منشاوي: اقعدي يابنتي ده انتي حماتك بتحبك
اركان فهم الي المنشاوي بيعملو
اركان: اقعدي يارانيا متتكسفيش
رانيا: مش عاوزه اتقل عليكو
خديجه: متقوليش كده اقعدي يلا
رانيا: ماشي
الكل قعد و كان المنشاوي علي اول التربيزه و علي ايدو اليمين هدى و ايدو الشمال ادم و كان جنبو كل الرجاله و هدى جنبها الستات و أركان كان قدام خديجه و جنبها لينا وكان قدامها زين و دليلا قدامها ذاك و جنبها ميرال و في الاخر رانيا
هما خلصو اكل و قعدو في الصاله و منشاوي خلا رانيا تقعد معاهم وتكمل اليوم يعني وهي قعدت بمزاجها
ذاك و دليلا كانو قعدين علي كراسي جنب بعض
رانيا: وانتو مخطوبين من امتا
دليلا: من سنه...عقبالك
رانيا: شكرا(كملت بمكر)اخبار سلمي اي صح
دليلا فهمت رانيا بتحاول تعمل اي ف بصت ل ذاك
دليلا بتفكير: سلمي بتاعت اكتوبر
ذاك: لا دي هاجر سلمي دي بتاعت المهندسين
دليلا: اها افتكرتها
الكل كان كاتم ضحكو و رانيا كانت متغاظه
هدى: قومي يالينا شوفي البسبوسة
لينا وهي كاتمه الضحكه: سبيني اتفرج شويه كمان
هدى بجديه: يلا يابت البسبوسة هتتحرق
ميرال بضحك: يلا يالينا انا هاجي معاكي
لينا و ميرال قامو راحو المطبخ
و ذاك و دليلا فتحو واتساب
ــــــــــــــــــــــــــــــــــــــــــــ
دليلا: ذوقك يقرف
ذاك: شكرا ل حضرتك
دليلا: هموت واعرف كنت طايقها ازاي
ذاك: والله معرف
دليلا: طب انا عاوزه اتخانق
ذاك: هتعملي اي
دليلا: اديني انت بس التصريح
ذاك: خدي راحتك علي الاخر
دليلا: ياكريم يارب
ــــــــــــــــــــــــــــــــــــــــــ
دليلا و ذاك بصو لبعض بخبث
منشاوي: وانتي بقا بتشتغلي؟
رانيا: اه انا دكتوره زميله خديجه
منشاوي: وبتحبي شغلك
رانيا: جداا...وانتي يااا
وكانت باصه لدليلا
دليلا ببرود: دليلا
لينا و ميرال رجعو بسرعه وقعدو مكانهم اكنهم بيتفرجو علي مسرحيه
رانيا بتريقه: معلش اصلي بنسى
دليلا بإستفزار: ابقي خدي داوء مش انا الي هقولك بردو ياا...دكتوره
رانيا اتغاظت بس مبينتش
رانيا: المهم انتي بتشتغلي
دليلا: تؤتؤ انا طالبه بس لما اتخرج هشتغل مع زيزو
رانيا: ليه انتي بتدرسي اي
دليلا: تجاره انجلش
رانيا بإستهزاء: مش من كليات القمه
ذاك ببرود: محدش خد رايك
رانيا اتغاظت اكتر وحاولت تتكلم اكنها طبيعيه
رانيا: بس شكلها طمعانه فيك دي حتا مش هتعمل لنفسها شغل خاص بيها هتروح عليك علطول
دليلا بتريقه: طمعانه!! ليه فكراني زيك (كملت بحده) فوقي واعرفي انتي بتتكلمي مع مين
رانيا بتريقه: مع مين يعني
دليلا: انا دليلا محمود المنصوري مسمعتيش عنها قبل كده
رانيا: حصلنا القرف
دليلا بحده: طب بوصي بقا انا سكتالك احتراماً للي قعدين بس اقسم برب العزه كلمه كمان وهقوم اجيبك من شعرك
رانيا بصت ل ذاك لقتو قاعد ببرود تام ف بصت ل خديجة
رانيا بغيظ: عجبك الي بيحصل ده
خديجه بهدوء: انتي الي غلطتي من الاول
رانيا بعصبيه وغيظ: ماشي ياخديجه
رانيا خدت الشنطه بتاعتها و كانت ماشيه بس قطعها صوت دليلا
دليلا: اه صح
رانيا لفت وشها ل دليلا
دليلا بابتسامه مستفزه: سلميلي علي...طنط
رانيا اتغاظت اكتر و خرجت و الكل قعد يضحك
دليلا: انا اسفه ياجماعه بس كان هيحصلي حاجه لو فضلت ساكته واسفه بجد ياخديجه
خديجه: ولا يهمك يابنتي انا اصلا مش بطيقها
اركان: والله يابنتي انتي عملتي معاها الصح
دليلا: رخمه اوي بجد
ميرال: اتفق
لينا: بس انت خلتها تقعد ليه ياجدو
منشاوي: لا عادي
لينا بصت ل زين بشك وهو غمزلها انو هيحكلها
ميرال يصدمه: احنا نسينا نجيب البسبوسة
لينا بخضه: يخراشي الشربات علي النار
لينا وميرال قامو بسرعه
دليلا فونها رن: طب هقوم ارد واجي
دليلا خرجت الجنينه وردت علي الموبيل وكان امير
ـــــــــــــــــــــــــــــــــــــــــــــــــــــــــــــ
دليلا: اي يسطا
امير: اي ياحب بوصي
دليلا: في اي
امير: احتمال اتاخر و الاحتمال الاكبر اني مش هعرف اجي
دليلا: ليه ياصايع
امير: عاصم عمل حدثه
دليلا:لا إله الا الله عاصم مين
امير: صحبي
دليلا: طب هو عامل اي
امير: جوه العمليات لسه معرفش حاجه
دليلا: خير ان شاءلله
امير: طب هتعملي اي
دليلا: هتصرف انا بس فكك مني و ابقى طمني
امير: طب انا هاجي اوصلك و ارجعلهم
دليلا: لا يابني خليك معاهم
امير بحده: دليلا متطلبيش اوبر
دليلا: لا هخلي خديجه توصلني
امير: مش مصدقك
دليلا: لا صدق يلا هقفل انا وخليك معاهم وطمنهم
امير بتنهيده: يارب...يلا سلام
دليلا: سلام
دليلا قفلت
ـــــــــــــــــــــــــــــــــــــــــــــــــ
ذاك بصوت عالي مره واحده: قفشتك
دليلا بخضه: يخربيتك سرعتني
ذاك: ده المطلوب...كنتي بتكلمي مين
دليلا: أمير كان بيقولي انو مش هيعرف يجي
ذاك: ليه
دليلا: صحبو عمل حدثه و دلوقتي في المستشفى
ذاك: طب هتعملي اي
دليلا: هطلب اوبر
ذاك: بلاش انا هوصلك
دليلا: وانت عاوز راجل غريب يوصلني البيت!!
ذاك: و الاوبر اخوكي يعني
دليلا: ولو وبعدين انا مش بكلمك و مش طيقاك اصلا
ذاك: احم انا اسف مكنش ينفع ازعقلك
دليلا بدهشه ممزوجه بإستغراب: انت عيان!!!
ذاك: ليه
دليلا: اصلك بتتاسف عادي
ذاك: علشان انا غلطت و الي غلط بيتاسف ولا اي
دليلا: اممم ماشي
ذاك: احنا هنعمل هودنها انا هبطل اقولك ام اسود و انتي متقوليش تنح ولا رخم
دليلا بتفكير: امممم موافقه
ذاك بإبتسامه: صافي يالبن
دليلا بإبتسامه: حليب ياقشطه
ذاك: طب يلا ندخل علشان ناكل بسبوسة
دليلا: يلا
هما دخلو وقعدو كلو
ـــــــــــــــــــــــــــــــــــــــــــــــــــ
لينا: انا عاوزه اروح الملجأ انا بقيت مقصره جامد معاهم
خديجه بإستغراب: ملجأ اي؟
لينا: في ملجأ انا عرفاه بروحو كل مده للاطفال الي هناك بس بقالي كتير مروحتش
دليلا: انا عاوزه اجي معاكي
ميرال: وانا كمان
خديجه: وانا بردو
أركان: خلاص احنا نتفق علي يوم ونروح كلنا
لينا: اشطات
دليلا: طب يادوب اروح انا بقا
خديجه: اقعدي يابنتي انتي لحقتي
دليلا:لا خلاص كفايه كده
ميرال: امير جيه
دليلا: لا مش هيجي انا هطلب اوبر
ذاك: اتهدي ياام بدوي انا هوصلك
دليلا بعصبيه: هو انا خلصت من ام اسود علشان تقول ام بدوي
ذاك بضحك:عيب احنا قولنا هنعمل هودنا
دليلا: بارد
ذاك بحده: دليلا!
دليلا طلعت لسانها: مكنتش من ضمن الهودنا
لينا بضحك: اهدو بقا...بوصو انا هطلع اغير واجي معاكم علشان عاوزه اجيب حاجه
ذاك: خلصانه
لينا قامت وطلعت الاوضه غيرت ونزلت
لينا: حد عاوز حاجه اجبهالو وانا جايه
دليلا: عاوزه شبسي
ادم: وانا عاوز ببس
خديجه: بوصي شكيلي كده حاجات حلوه هاتيها وانتي جايه
لينا: خلصانه يلا ياشباب
دليلا سلمت علي الكل بعد كده خرجو و ركبو عربيه ذاك وبعد مده موبيل دليلا رن وهي ردت
ـــــــــــــــــــــــــــــــــــــــــــــــــــــــــــ
امير:عملتي اي
دليلا: ذاك و لينا بيوصلوني احنا في الطريق اهو
امير: ذاك مين
دليلا: هبقا احكيلك بعدين
امير: طب ركزي في الطريق ولو حصل حاجه رني عليا
دليلا: حاضر بس قولي عاصم عامل اي
امير: لسه مش عارفين حاجه ادعيلو
دليلا: ربنا يقومو بلسلامه
امير: يارب يلا سلام خلي بالك من نفسك
دليلا: حاضر سلام
وقفلو
ـــــــــــــــــــــــــــــــــــــــــــــــــ
ذاك: هنخطفك احنا يعني
دليلا: متخلف وتعملها
ذاك بحده: لمي لسانك
دليلا بهدوء: انا بقول الحقيقه
لينا: نفسي تقعدو ساكتين شويه
دليلا: طب هسالو سوال وهسكت
لينا: اسالي
دليلا: رانيا سابتك ليه
ذاك: مكنش معايا فلوس و راحت للي معاه
دليلا: ماديه اوي..كنت بتحبها؟
ذاك: كنت بقا
دليلا بضحك: ده انت هتدخل الجنه علشان كنت مستحملها
لينا بضحك:معاكي حق والله
ذاك بضحك: يلا بقا كنت عيل
قعدو يضحكو ويتكلمو وبعد مده كانو وصلو و دليلا طلعت و لينا جابت الحلويات و روحت هي وذاك
ــــــــــــــــــــــــــــــــــــــــــــــــــــــ
البارت خلص ياقمرات وبجد اسفه علي التاخير بس ضغط الدروس بقا ف اعذروني
اقابلكم في البارت الجاي ياقمرات
تفتكرو ذاك هياخد خطوه مع دليلا؟
هل دليلا بتحبو او حتا معجبه؟
واكيد مفيش قصه حب بتمشي سليمه كده ف ياترا هيحصل حاجه ل ذاك و دليلا؟
روايه "لن اتخلى عنكِ" للكاتبه "چنا عمرو"
كل ما في الأمر أنني لا أريد أن أضئ كنجمه لكي ألفت اتباهك،أريد ان تراني في أقصى حالات انطفائي، وتحبني♡.
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
