"بعد شهور "
ميرال كانت قاعده في كافيه لوحدها و كانت ماسكه كتاب وبتحاول تذاكر ومكنتش عارفه لغايط ماقطعها صوت شخص
أسر: ميرال!
ميرال: امم اهلا يادكتور
أسر:اهلا... بتعملي اي هنا
ميرال: بحاول اذاكر ماده حضرتك علشان الامتحان
أسر: طب همشي انا علشان معطلكيش يلا سلام
ميرال: سلام
أسر مشي خطوتين و وقفو صوت ميرال
ميرال: دكتور اسر
اسر لف وبصلها بإبتسامه: نعم
ميرال بإحراج: هو ممكن تفهمني الجزء ده...لو مش هعطلك يعني
أسر ابتسم و رجعلها وقعدو
أسر بإبتسامه: ولا هتعطليني ولا حاجه ياستي هاا عاوزه تفهمي اي
ميرال شاورتلو
أسر: دي المحاضره الي انتي كنتي سرحانه فيها
ميرال بإحراج: احم اه
أسر: هشرحهالك بس بعد ما نخلص هتقوليلي كنتي سرحانه في اي اتفقنا
ميرال: اتفقنا
أسر طلع النضارة وبدأ يشرح ل ميرال بتركيز
و ميرال كانت شويه تركز معاه وشويه تسرح في أسر...شويه تسرح مع عنيه و شكلو الجذاب بلنضاره... وشويه مع طريقه شرحو وتركيزو
ميرال كانت بتتكلم جواها و كانت سرحانه في وشو
ميرال في نفسها: شكلو بيحلو كل يوم...انتي هبله ياميرال انتي بتقولي اي ...هبله ليه انا فعلا معجبه بيه انا مش هكذب...هو قمر
قطع سرحنها صوت أسر
أسر: ميرال...ميرال
ميرال: اممم معاك معاك
اسر: طب كنت بقول اي
ميرال حست بإحراج ومعرفتش ترد وبصت في الارض
أسر بهزار: للدرجاتي انا قمور
ميرال اُحرجت اوي و وشها احمر وقامت بتوتر علشان تمشي
اسر بضحك: يابنتي اقعدي بهزر
ميرال بإحراج: انا اسفه
أسر بحنيه: متتاسفيش..يلا اقعدي
ميرال قعدت وكانت حاسه بإحراج
أسر: بوصي يستي وقفنا عند...
وبدأ يعيد الشرح الي قالو وهي ركزت مع الشرح
ـــــــــــــــــــــــــــــــــــــــــــــــــــــــــــــــ
” في الجامعه ‟
دليلا كانت لسه خارجه من بوابه الجامعه لقت ذاك واقف جنب عربيتو ومستنيها وهي راحتلو
ذاك: اهلا بل مكتئبه
دليلا بزعيق: كلمه كمان وهعيط والله
ذاك: اهدي اهدي اركبي طيب
دليلا بضيق: هنروح فين
ذاك: هدويكي حته مطعم تحفه
دليلا: ماشي
ذاك: طب يلا اركبي
ركبو وراحو المطعم وقعدو وكان شكل المطعم حلو وبسيط
ذاك: تاكلي اي
دليلا: اي حاجه
ذاك: بيتزا؟
دليلا بلامبالاه: ماشي
ذاك طلب الاكل بعد كده بص ل دليلا الي كانت قاعده مخنوقه
ذاك: مالك بقا ياستي
دليلا: مفيش
ذاك: اتكلمي طيب متكتميش في نفسك كده
دليلا مردتش وكانت ماسكه اديها وبتلعب في الخاتم بخنقه
ذاك: يابنتي اتكلمي عاوز اطمن عليكي قبل مااسافر
دليلا بصدمه: انت هتسافر!
ذاك: امم للاسف
دليلا بتذمر ممزوج بزعيق بسيط: وانا اتخانق مع مين بقا
ذاك: اهدي ياوليه
دليلا ربعت اديها و فضلت قاعده ساكته وعلامات الحزن و الخنقه واضحه علي وشها
ذاك: دليلا...دودو...ياام أسود
دليلا بتذمر وعنيها فيها دموع: بوص بقا انا ولا عارفه اذاكر ولا المذاكره بتخلص و هسقط و كمان مش هتخانق معاك علشان هتسافر وعندي برد وبوص والله كلمه كمان هعيط بقا
ذاك: اي اي استهدي بالله بس كلو هيبقا تمام وبعدين بكره اخر يوم امتحانات
دليلا بدموع: بكره ارخم ماده وانا مش بعرف اذاكرها
ذاك: طب معاكي الكتاب
دليلا: اه
ذاك: هاتيه وامسحي دموعك شكلك وحش وانتي بتعيطي
دليلا: انت رخم
ذاك: عارف
دليلا طلعت الكتاب و ذاك خدو منها وبدأ يقرأ ويفهم علشان يفهمها
دليلا: ذاك انت خريج هندسه!!!
ذاك: فيها اي
دليلا: هتفهم تجاره؟
ذاك: انا اه مش فاهم بس احنا هنحاول
دليلا: ولو سقطت
ذاك: تفائلو بلخير تجدوه وبعدين خلي ثقتك في ربنا كبيره
دليلا: يارب
ذاك: طب يلا نشوف الكتاب ده بيقول اي
دليلا: ماشي
هما مسكو الكتاب والي كان بيفهم حاجه كان بيشرحها للتاني
ـــــــــــــــــــــــــــــــــــــــــــــــــــــــــــــــ
" في المكتبه "
لينا كانت قاعده في المكتبه مع دكتور مصطفى وكان بيشرحلها الماده الي هتمتحنها لغايط ما قطعهم دخول زين المكتبه
لينا: زين وصل
لينا شاورت ل زين وهو شافها وراحلها و لينا ومصطفى قامو علشان يسلمو عليه
زين بإبتسامة: مساء الخير
لينا و مصطفى: مساء النور
زين مد ايدو ل مصطفى واتكلم بابتسامة: ازي حضرتك يادكتور مصطفى
مصطفى سلم علي زين: بخير الحمدلله
زين: تعبينك معانا والله
مصطفى: متقولش كده لينا زي بنتي و اكتر
زين: ربنا يخليك...اومال وليد فين
مصطفى: ثانيه واحده هنديلك عليه
زين: تمام خد راحتك
مصطفى راح ينادي وليد
لينا: اي الي جابك
زين: جي ل وليد وبعدين وانتي مالك
لينا: مالي في جيبي
زين: خلي بالك منو بقا
لينا: عاوز اي
زين: هعوز منك اي يابعوضه
لينا: يلا ياذبانه
زين: متهبليش هي يادبانه ياذبابه اي ذبانه دي
لينا: نينينيني
مصطفى و وليد جم عليهم وهما سكتو
وليد: اهلا يااستاذ زين
زين: اهلا ياوليد عامل اي
وليد: الحمدلله تمام...اتفضل
زين: تمام (زين بص ل لينا) لما تخلصي قوليلي علشان ياسر مشي
لينا بهدوء: تمام
زين و وليد راحو قعدو علي طربيزه تانيه و فضلو يتكلمو في شغل وفي حاجات كتير و مصطفى كمل شرح ل لينا لغايط ما خلص ولينا بدأت تشيل في حاجتها وزين خد بالو انها خلصت
لينا راحت ناحيه زين و وليد
لينا: انا خلصت
زين: تمام ... يلا سلام ياوليد ابقى سلملي علي دكتور مصطفى
وليد: حاضر
زين و لينا خرجو وركبو عربيه زين واتحركو
زين: مالك بقا
لينا: مش طيقاك
زين: ليه
لينا: كيفي كده
زين: انا عملت حاجه؟
لينا: لا بس انا صحيت من النوم مش طيقاك
زين: لا إله إلا الله... انتي غريبه
لينا: قصدك اي قصدك اني مجنونه قولها قول اني مجنونه
زين بإنفعال: اهدي هو انا لحقت اتكلم
هما سكتو لمده عشر دقايق لغايط ما قطع سكوتهم صوت زين
زين: جعانه؟
لينا: اه
زين ولينا في وقت واحد
زين بهمس: كتك قرف
لينا بهمس: عيل رخم
زين راح علي عربيه ساندوتشات وطلبو اكل وقعدو ياكلو
ــــــــــــــــــــــــــــــــــــــــــــــــــــــــــــ
في الكافيه عند ميرال و أسر
أسر: كده انا خلصت شرح
ميرال: شكرا جدا بجد تعبتك معايا
أسر: تعبك راحه بس يلا بقا قوليلي
ميرال: اقولك اي
أسر: كنتي سرحانه في اي في المحاضره دي المحاضره الوحيده الي كنتي سرحانه فيها
ميرال كانت متردده تقول
ميرال بتردد: اصل يعني..كان...
أسر قطعها: اهدي يابنتي..بوصي انا دلوقتي مش دكتورك انا واحد عادي خالص
ميرال هدت نفسها واتكلمت
ميرال بخفوت: بصراحه كنت خايفه اشوف سائر او انو يكلمني تاني
أسر بإستغراب: ليه
ميرال: سائر وقفني قبل كده في الجامعه وكلمني بطريقه وحشه جدا
أسر: ده في المره الي كنت موجود فيها
ميرال: لا.. سائر وقفني مرتين مره كنت موجود و المره التانيه قبلها بيوم
أسر: هو عاوز منك اي
ميرال بخفوت: معرفش بس الي عرفاه انو مش عاوز حاجه كويسه
أسر بحنيه: متخفيش مش هيقدر يقربلك تاني انا جنبك
ميرال وأسر فضلو باصين لبعض لمده ثواني بعد كده ميرال اتحرجت وبصت في الارض و أسر أدرك الي قالو
أسر بارتباك: احم لا انا قصدي اننا كلنا جنبك يعني وانا جنبك معاهم اكيد واولهم
أسر سكت عشان حس انو بيبوظ في الكلام بس اول ما جت عينو في عين ميرال مقدروش يمسكو نفسهم وضحكو
أسر بضحك: بوظت في الكلام؟
ميرال بضحك: بصراحه اه
أسر بضحك: حسيت
بعد كده خلصو ضحك
ميرال: طب انا لازم اروح علشان متاخرش وشكرا جدا لحضرتك تعبتك معايا
أسر: تعبك راحه ياستي بس بطلي حضرتك دي ابقي قوليها في الكليه بس
ميرال بإبتسامه خطفت قلب أسر: حاضر
ميرال شالت حاجاتها و خرجت و أسر قام معاها يوصلها و اول ما ركبت العربيه فضل باصص عليها بإبتسامه لغايط ما مشيت
ـــــــــــــــــــــــــــــــــــــــــــــــــــــــــــــــ
ذاك و دليلا خلصو الشرح و خلصو الاكل
ذاك: قوليلي بقا اي الي مدايقك ومتقوليش المذاكره وبتاع علشان لقيتك بتشرحي الماده احسن من اي دكتور
دليلا بخنقه: عارف لما تحاول تقفل موضوع وتنساه بس هو لسه وراك وكل ما تقفلو يتفتح
ذاك: حصل اي
دليلا: هحكيلك(دليلا خدت نفس عميق واتكلمت) كنت في تالته ثانوي وكنت بكراش علي ولد في الدفعه وبصراحه كان نص الدفعه معجبه بيه كان قمور.. المهم اني مكنتش قايله لحد اني معجبه بيه غير ليوسف وامير و الشله دي يعني
ذاك: كنتي بتحكلهم عادي!
دليلا: هما عارفين انا متربيه ازاي و حدودي مع الي حوليا عامله ازاي وعارفين انو مجرد كراش يعني الموضوع عادي
ذاك: امم كملي
دليلا: جيه يوم و فارس كلمني
ذاك: الكراش؟
دليلا: اه... المهم فارس كلمني واتساب وكنا بليل وبعتلي انا فارس زميلك في الدفعه و انا بحبك بقالي تلت سنين بس مقولتش علشان مكنتش جاهز وكنت عيل صغير بس دلوقتي اوعدك لو وافقتي هاجي اتقدملك بعد الامتحانات
ذاك: وعملتي اي
دليلا: مكنتش عارفه ارد فكلمت امير علشان يوسف كان في مهمه...كلمت امير واتفقنا اني اقولو بابا موجود وتقدر تكلمو ف رد عليا وقالي يعني انتي موافقه قولتلو اه قالي بحبك وانا مردتش عليه ونمت وانا قمه فرحتي علشان كنت فاكره انو حب من طرف واحد وكده وطلع هو كمان بيحبني... بعد كده صحيت من النوم وروحت الامتحان وكان اخر امتحان ليا وبعد ما روحت...
دليلا سكتت وبصت في الارض
ذاك: سكتي ليه..كملي
دليلا خدت نفس وكملت: روحت وحضرت الامتحان و اول ما خرجت لقيت كل البنات ماسكين التليفونات وبيضحكو و باصين عليا وانا مكنتش فاهمه حاجه لغايط ما بنات صحابي جم وروني الي اتبعتلهم....كان الشات بيني وبين فارس ومكتوب عليه دي هبله وصدقت كدبه ابريل...انا شوفتها ومعرفتش اعمل حاجه وفضلت مصدومه لغايط ما قطعت صدمتي بنت اسمها منه الي اكتشفت بعد كده انها صاحبه فارس و طلعو صحاب اوي
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
