لن اتخلى عنكِ

13

ميرال صحيت تاني يوم وكانت لينا و دليلا نايمين ف قامت تصحيهم
ميرال: انتي يابت انتي وهي يلا اصحو
دليلا بنوم: عاوزه اي
ميرال: يلا ورانا جامعه
دليلا قامت بنوم: رجعنا للقرف تاني
ميرال: خلاص دي اخر سنه
دليلا: ماشي.. لينا صحيت
ميرال: لا.. ليناااا يابت اصحي يخربيتك
لينا بنوم: اممم
دليلا: امم اي قومي ورانا جامعه
لينا: مين
دليلا: احنا
لينا: مالنا
ميرال: انجزي بقااا
لينا: خلاص هقوم اهو
البنات قامت لبست وجهزو ونزلو
دليلا:تعالو ناخد سندوتشين علي الماشي كده نتسلا في الطريق
ميرال: يشيخه ياريت الاكل ده بيبان فيكي
دليلا: الله اكبر في عينك
البنات فضلو يضحكو و راحو ناحيه المطبخ
دليلا: صباح الخير يافوفاا
عفاف: صباح النور
ميرال: اعمللها ساندوتش بدل ما تفترسنا
عفاف بضحك: من عنيا..اعملكم؟
لينا: والله سندوتش مش هيخسر يعنى
ميرال: اعمليلي معاهم بقا بالمره
عفاف: حاضر
دليلا دخلت وقفت جنب التلاجه و طلعت خياره و لينا طلعت ازاه مايه و ادتهم ضهرها اكنها بتشوف حاجه بس هي طلعت برشام من جيبها و خدتو بسرعه من غير ما حد ياخد بالو بعد كده لفت
عفاف: خدو ياحبايبي بلهنا
لينا و ميرال و دليلا: الله يهنيكي
كل واحد خد سندوتش و خرجو
لينا اول ما طلعت بره شافت ياسر و حازم واقفين علي العربيه مستنينها ف فرحت ان زين موافق
لينا: اذيكم يارجاااله
حازم: الحمدلله
ياسر: انتي اخبارك اي
لينا: انا تمام الحمدلله
بعد كده البنات ركبو العربيه و دليلا ركبت معاهم و اتحركو ناحيه الجامعه
لينا بقلق: حازم في عربيه ماشيه ورانا من اول الطريق
حازم: لا متقلقيش دي عربيه حراسه هتبقا معاكم
لينا: نعم!! والله ده ظلم
ميرال: يعني كده بقا معانا عربيتين!!!
دليلا بيأس: مش دي المشكله المشكله دلوقتي اننا مش هنعرف نمشي براحتنا زي ما اتفقنا
لينا بتفكير: اكيد في حل
لينا بصت علي ياسر و لقتو سرحان و مهموم بعد كده بصت ل حازم واتكلم بصوت واطي
لينا: ياسر مالو
حازم بصوت واطي: متخانق مع خطيبتو
لينا: ياسر...انت يالا
ياسر فاق من سرحانه بس اتكلم بهموم: نعم
لينا: مالك
ياسر بضيق: مفيش
لينا: مين الي مزعل التاني
ياسر: انا
لينا: عملت اي
ياسر بأنفعال: انا مالي انا ان بنت خلتي جت حضنتي هو انا الي قولتلها تحضني
لينا: يخربيتك!! اهدا كده وفهمني حصل اي
ياسر: خالتي و بنتها جتلنا البيت و كان بقالي كتير مشوفتهاش ف سهى بنت خلتي يعني اول ما شافتني خدتني بلحضن ده ذنبي بقا!!!
دليلا: ده ذنبك ونص كمان
ياسر: ليه بقا
ميرال:انت الي سمحتلها بإنها تحضنك عادي
ياسر: ده حضن اخوات
حازم: هنستعبط!
ياسر: احم مش اوي يعني
لينا: مش فاهمه
حازم: بنت خالتو بتحبو وعاوزه توقع بينو وبين خطيبتو علشان يفضلها الجو
دليلا: كمان!!!
ياسر: بس انا روحت حكتلها انا لو في نيتي حاجه وحشه مكنتش هحكي
ميرال: ماشي بس هي حقها تدايق
ياسر: اصالحها ازاي طيب انا حاولت وفشلت
لينا: طب انت عملت اي مع سهى
ياسر: ولا حاجه
ميرال: خلاص الحل في ايدك
ياسر: اي هو
دليلا: انك تبعت ل سهى واتساب حتى و تقول انك خاطب و ده حرام و عيب و انا بحب خاطبتي و هتجوزها
ميرال: ايوه صح
حازم: اتفق
لينا:وبعد ما تعمل كده بقا تروح ل خطيبتك البيت وانت معاك شكولاته و ورد و اقعد صالحها
ياسر: والله فكره تحترم بس في مشكله
لينا: اي
ياسر: انا مش هخلص الشغل غير بليل متاخر و مش عارف استاذ زين هيوافق اخد نص يوم ولا لا
حازم: طب ما تروحلها متاخر عادي ما اهلها في البيت
ياسر: ياعم دول ناس بتنام بدري و بعدين هي وراها شغل ف بتنام بدري بردو
ميرال: اظن الموضوع اتحل
كلهم بصو ل لينا
لينا: باصين كده ليه
ياسر: هعمل معاكي اتفاق
لينا: اي هو
ياسر: لو خليتي استاذ زين يوافق اخد انهارده نص يوم هخليكو تهربو يوم من الحراس الي معانا و هفصل الجي بي اس من العربيه وهنقول ل استاذ زين ان انتو في البيت و الجهاز باظ و الحراس حازم هيتصرف معاهم
دليلا: هتودينا وسط البلد!!!
ياسر: موافق
حازم: انت متخيل انت بتعمل اي
ياسر: كلو لأجل قره عيني
هما ضحكو عليه
ميرال: خلاص لينا هتكلم زين و هتقنعو
لينا بتفكير: احنا لو اتقفشنا ممكن يحصلنا اي
ميرال: احم بلاش تفكري احنا نتفجأ علطول
لينا: خلاص هقنعو وربنا يستر
حازم: يارب
العربيه ركنت قدام بوابه الجامعه و البنات نزلت بس قبل ما يمشو لينا رجعت ل ياسر
لينا: بوص كلم زين قولو انت ولو موافقش وده الاحتمال الاكبر انا بعدها بقا هرن عليه اقنعو اشطا
ياسر:اشطا
البنات بعد كده دخلت وكل واحده راحت للمحاضره بتاعتها واتفقو لما يخلصو هيتجمعو في الكافيتريا و لينا كانت خلصت اول واحده وراحت قعدت ولقت ان ياسر رن عليها مره ف هي رنت عليه
لينا: عملت اي
ياسر بضيق: موافقش علشان افضل معاكو
لينا: خلاص اقفل وانا هكلمو
ياسر: ماشي
لينا قفلت و رنت علي زين
لينا: كده يازوز متسألش عليا ولا خلاص نستني
زين: لا طبعا وهو انا اقدر اخبارك اي
لينا: انا تمام الحمدلله
زين: وايدك عامله اي
لينا: كويسه الحمدلله جزع بسيط يعني
زين: يارب تخفي خناقات بس
لينا: لو بطلت السجاير هبطل خناق
زين بضحك: يبقا لسه هنطول
لينا: انت شربت؟
زين: امم انهارده الصبح
لينا: علي الريق طبعا
زين بجديه: لا طبعا كان معاها كوبايه قهوه
لينا بنرفزه: ربي اني لا اسالك رد القضاء ولكني اسالك اللطف فيه
زين بضحك: دي واحده بس متكبريش الموضوع
لينا: زين!
زين: نعم
لينا: نفذ وعدك
زين: انا قولتلك هحاول واهو بحاول
لينا: اممم ماشي هعديها المرادي
زين: ماشي يا ستي
لينا بلطف: شكرا
زين: علي اي
لينا: انك رضيت تخلي ياسر و حازم يجو ف شكرا
زين: ولا تشكريني ولا حاجه بس قللي كلام معاهم
لينا: ليه هما مش كويسين يعني؟
زين: وهما لو مكنوش كويسين كنت هخليهم معاكو؟
لينا: اومال ليه
زين: اسمعي الكلام بطلي تستفسري
لينا: حااضر
زين: شطوره
لينا ضحكت
لينا: عرفت الي حصل
زين: حصل اي
لينا: ياسر اتخانق مع خطيبتو
زين: وانتي عرفتي منين
لينا: ما..ما هو حكالي
زين: وهو المفروض يوصلك ولا يقعد يرغي معاكي
لينا بزعل طفولي: علفكره انت بتغير الموضوع وانا مش هحكيلك حاجه هااا
زين: خلاص احكي
لينا مردتش عليه
زين: انتي زعلتي؟
لينا مردتش
زين: خلاص طيب متزعليش....يالينا...ياليلوووو
لينا: نعم
زين: متزعليش بقاا احكي وانا سامعك اهو
لينا: هتغير الموضوع؟
زين: ولا هتكلم
لينا: بص ياسيدي خالت ياسر جتلهم البيت ومعاها مين بقا البت سهى دي تبقا بنت خالتو و سهى دي بقا اول ما شافتو راحت حضنتو شوفت قليله الادب
زين: سافله هااا وحصل اي تاني
لينا: سهى اصلا طلعت بتحب ياسر و عاوزه توقع بينو و بين خطيبتو المهم ياسر راح حكي لخطيبتو بنيه صافيه
زين: غبي
لينا: وغبي ليه بقا ده كده عمل الصح
زين: و خطيبتو عملت اي بقا يافالحه
لينا: احم زعلانه منو وهو مش عارف يصالحها
زين: اممم وهو حكالك كل ده
لينا: اه
زين: وانتو بتقعدو ترغو بقا طول الطريق
لينا: هو مكنش عاوز يحكي بس انا اصريت عليه
زين بعصبيه مكتومه: كمااان!!!
لينا حست انها بوظت الدنيا
لينا بأرتباك: ما.ما احنا بنرغي بقا عقبال ما نوصل
زين بيتكلم من تحت سنانو: و اي كمان
لينا بغباء: هو انت مدايق
زين بإنفعال وصوت عالي شويه: لا خااالص وانا ادايق ليه
لينا اتخضت: في اي بس استهدا بالله وبعدين ده بيحب خطيبتو علفكره ف متفكرش في حاجه تانيه
زين بعصبيه مكتومه: اممم واي كمان
لينا: انت مدايق ليه طيب
زين بعصبيه: هو اي الي مدايق ليه عيزاني اعرف انك بتقعدي ترغي معاه و اقعد عادي
لينا: والله ده كلام عادي يعني
زين: لينا متعصبنيش
لينا بغباء: وهو انت كده مش متعصب!!
زين: سلام يالينا
وزين قفل و لينا حطت التليفون علي التربيزه وهي مش عارفه تعمل اي و مكملتش خمس دقايق و دليلا دخلت عليها بتعب و لينا كانت سرحانه
دليلا بتعب: يادماغي يانا ياما الدكتور رغاي بطريقه فظيعه
لينا فاقت من السرحان: اي يابنتي
دليلا: هموت من الصداع
لينا: اجبلك قهوه طيب
دليلا: لا خلاص زمان ميرال جايه وهنروح ابقا اخد مسكن
لينا: ماشي
لينا تليفونها رن وكان ذاك
ذاك: صباح الخير يازميلي
لينا: صباح الفل يابا
ذاك: صاحيه من بدري ولا اي
لينا: اه منا انهارده كان عليا محاضره و اهو مستنيه ميرال وهنروح
ذاك: و الدراسه اخبارها اي
لينا: اهو ماشي الحال
ذاك: ربنا معاكي
ميرال دخلت عليهم و دليلا كانت سانده راسها علي التربيزه
لينا: طب هقفل انا بقا علشان ميرال جت و هنروح
ذاك: ماشي سلميلي عليها
لينا: الله يسلمك سلاام
ذاك: سلام
وقفلو
ميرال واقفه مدايقه وسرحانه
لينا: مالك ياميرال
ميرال: ها ولا حاجه
دليلا بصت لميرال: اقعدي ياميرال
ميرال قعدت
دليلا: حصل اي
ميرال بضيق: سائر
دليلا: عمل اي
ميرال: هقولكو و احلفو انكم مش هتعملو حاجه ولا تحكو لحد ده موقف وخلاص عدا انا مش عاوزه مشاكل علشان خاطري
لينا: في اي ياميرال
ميرال: احلفو الاول
لينا: والله ماهعمل حاجه
دليلا: هحاول بس قولي الاول قبل ما اتعصب
ميرال: احلفي يا دليلا
دليلا: والله ماهعمل حاجه ولا اقول لحد
ميرال: ماشي هحكي
ـــــــــــــــــــــــــــــــــــــــــــــــــــــــ
flash back
ميرال كانت خرجت من المحاضره بتتمشى وراحه الكافيتريا وهي عادتها بتمشي ساكته وشبه باصه في الارض ف مره واحده خبطت في ولد من غير ما تاخد بالها
ميرال: انا اسفه مخدتش بالي
سائر بنبره صوت مش مريحه: ولا يهمك...انتي ميرال؟
ميرال بصتلو وسابتو وجت تمشي ف مسكها من دراعها
سائر: استني بس
ميرال زقت ايدو بانفعال: انت مجنون
سائر: اهدي هو انا عملتلك حاجه
ميرال: عاوز اي
سائر كان باصص لجمسها من فوق لتحت بقزاره
سائر: عاوزك
ميرال خافت وسابتو ومشيت بسرعه
ـــــــــــــــــــــــــــــــــــــــــــــ
back
لينا قامت وقعدت جنب ميرال وطبطبت عليها
لينا: اهدي احنا معاكي
ميرال الدموع محبوسه في عنيها واتكلمت بخوف
ميرال: يعني مش هيعملي حاجه
لينا حضنتها: لا ياقلبي ميقدرش اهدي بس
دليلا بعصبيه: وهو ازاي يعمل كده ده اتجنن علي الاخر
دليلا قامت بعصبيه وكانت هتمشي و ميرال و لينا وقفوها
ميرال: دليلا بلاش مشاكل علشان خاطري
لينا: اهدي يادليلا (وشورتلها انها تهدا علشان ميرال)
دليلا: طب يلا نروح
لينا: يلا
البنات قامت و ميرال مسحت وشها بعد كده رجعو للعربيه و ركبو واتحركو للسكن
ياسر: عملتي اي
لينا: جيت اكحلها عميتها
ياسر: ليه بس
لينا: كلمه مني علي كلمه منو مسكنا في بعض واتخانقنا
دليلا: اللهم بشرك بالخير
ياسر بيأس: وانا هعمل اي دلوقتي
لينا: هلاقي حل ان شاءلله
معداش وقت كتير و وصلو السكن و طلعو اوضهم و غيرو
لينا: حد عاوز يتغدا انا عن نفسي مش جعانه
ميرال: ولا انا انا عاوزه انام
دليلا: وانا بردو حاسه اني مش جعانه وهنام علشان نمت امبارح متاخر وصحيت بدري
لينا: خلاص نامو وانا هروح اقعد في البلكونه شويه
دليلا و ميرال: ماشي
لينا قفلتلهم النور و حطت طرحه عليها وخرجت البلكونه
ــــــــــــــــــــــــــــــــــــــــــــــــــــــــ
في الجامعه
سائر: ازيك يا كوكي
كاميليا: اي ياقلبي عامل اي
سائر حضنها( بيسلم عليها يعني) و كانت حاجه عاديه بينهم
سائر: كويس... بقولك اي صح
كاميليا: اي
سائر: تعرفي واحده اسمها ميرال
كاميليا: ميرال المنشاوي!!
سائر: اه
كاميليا: اه دي بت رخمه بس مالك بيها
سائر: بصراحه البت حلوه و انا عاوزها
كاميليا: اهااا بس دي رخمه
سائر: الللاه وانا مالي بيها المهم انها حلوه
كاميليا: اذا كان كده فا انا مقدرش ارفضلك طلب
سائر: قلبي ياناس
كاميليا بشر:سبني كام يوم هظبطهالك و كده يبقا خلصنا منها
ـــــــــــــــــــــــــــــــــــــــــــــــــــــــــ
لينا قعدت تفكر ترن علي زين ولا لا وكانت متردده لغايط ما جيه في دماغها فكره ف لينا قامت بسرعه لبست چيبه بيضه و سويت شيرت ازرق و طرحه و نزلت خرجت و الامن وقفها
الامن: رايحه فين
لينا بهدوء: هجيب ملازم
الامن بصلها بشك
لينا: معايا الحراسه مش هبقا لوحدي
الامن: تمام
لينا خرجت وركبت العربيه بسرعه
حازم: اي اي رايحه فين
لينا: اطلع علي شركه زين
ياسر: زمانو روح احنا خلاص دلوقتي العصر
لينا: لا هيبقا في الشركه انا حاسه اطلع بس بسرعه ولا انت مش عاوزني اخليك تاخد اجازه
ياسر: اذا كان كده ماشي
حازم خلا عربيه الحراسه التانيه تقف تحرس ميرال و بعد كده ركبو وراحو ل زين في الشركه ووصلو بسرعه و لينا طلعت لوحدها وخلتهم هما تحت
لينا: لوسمحت عاوزه اقابل استاذ زين
كريم: حضرتك مواعيد المقابلات انتهيت ممكن تيجي بكره و اخدلك معاد
لينا: لا معلش قولو بس لينا عاوزاك ضروري
كريم: تمام
كريم كلم زين
كريم: حضرتك في واحده عاوزه تقابلك
زين: قولها هيمشي و خليها تيجي بكره
لينا بصوت عالي شويه علشان زين يسمعها: انا لينا يازين
زين بصدمه: لينا!! خليها تدخل ياكريم
كريم قفل وقام دخل لينا: اتفضلي معايا
لينا دخلت وكريم خرج
لينا: كده مش عاوز تقابلني يازوز
زين بأستغراب: انتي اي الي جابك
لينا: بذمتك في حد يقابل حد كده
زين: انتي اي الي جابك دلوقتي ومين جابك ولا انتي هربانه ما انتب مجنونه وتعمليها
لينا: لا الموضوع اسهل من كده بكتير
لينا قعدت علي الكرسي و زين قام قعد قدامها
لينا: دليلا وميرال نامو و الامن قولتلهم هجيب ملازم واني معايا الحراسه ف خرجت عادي
زين: واي الي جابك بقا
لينا: اصل كلام في سرك كده جالي اخبار انك زعلان مني ف جيت اتأكد
زين: وانا ازعل منك ليه
لينا: معرفش انا جايه استفسر بقا واشوف مالك
زين: مفيش حاجه
لينا: انت متعصب من ياسر ده كان بيحكيلي مشكلتو
زين: خلاص يالينا مفيش حاجه يلا علشان اروحك
لينا: لا انا مش هربانه علشان تروحني وانا مكملتش خمس دقايق
زين: عاوزه اي
لينا: جعانه
زين بصلها بإستغراب
لينا قلدت احمد السقا: هتفضل باصصلي كتير اي حاجه عجيبه جدا صورني بصلي اهو اهو
زين كان كاتم ضحكتو لغايط ما خلصت وبص في وشها وضحك
زين : طب يلا يلا
زين جاب جاكيت البدلة و نزلو وكانت الشركه كلها مستغربه بعد كده نزلو وزين فتحلها العربيه علشان تركب
لينا قبل ما تركب وقفت: بقولك اي
زين: اي
لينا: اي رايك تدي ياسر و حازم انهارده اجازه و انت تروحني ويجو بكره عادي
زين فضل باصصلها وهو بيفكر
لينا ببراءة: حرام هما تعبو انهارده خليهم يمشو كده كده هيقفو مش هيعملو حاجه
زين: خلاص اركبي وانا هقولهم.
لينا ركبت بفرحه و زين رحلهم خمس دقايق و رجع و اتحرك بلعربيه
لينا: خليتهم يمشو؟
زين: اه لما نشوف اخرتها معاكي
لينا: اي يازين ده انا غلبانه
زين: اومااال
لينا ببراءة: انت زعلان مني ليه
زين: مش زعلان
لينا بطفوليه: لا زعلان قولي بقا
زين: يعني ينفع تقعدي ترغي مع رجاله غريبه
لينا ببراءة: انا كنت بحللو مشكلتو بس والله
زين: ولو بردو متتكلميش معاه
لينا: خلاص لو ده هيراضيك حاضر هخلي كلامي معاه اقل
زين: انتي كده شطوره
لينا: يعني مش زعلان مني
زين: لا خلاص
لينا بفرحه: ماشي
زين: طب يلا انزلي
هما نزلو ودخلو مطعم و طلبو بيتزا و قعدو ياكلو بعد كده خلصو و راحو كافيه
زين بخبث: قولتيلي بقا انك خليتي ياسر يروح علشان تعبان
لينا حكت: ا.ايوه هيكون اي يعني
زين: مش علشان يروح يصالح خطيبتو مثلا
لينا: اي دا بجد طب كويس الف الف مبروك
زين بجديه: لينا!!
لينا ببراءة: نعم
زين: بتكدبي ليه
لينا ببراءة: انا مكدبتش انا كنت بساعدو بس والله
زين: بس كده كدبتي عليا
لينا: انا مكنش قصدي بس هو بيحب خطيبتو وكان مدايق ف كان صعبان عليا
زين: وعرفتي منين انو بيحبها
لينا: بيبان يازين و اصلا احنا لما بنتكلم مش بيتكلم علي حد غير علي خطيبتو و يفضل يحكي عنها من غير ما يزهق وممكن يبقا حكالي موقف حلو حصل بيهم قبل كده كذه مره بس انا مش بقولو انت حكيت قبل كده لا بعمل نفسي متفجأ علشان ميدايقش
زين: واشمعنا بقا بيحكيلك
لينا: علشان حازم زهق منو من كتر كلامو عليها
زين: بس خلاص موضوع ياسر خلص بس دلوقتي موضوع انك كدبتي عليا
لينا فضلت تردد بصوت واطي بس هو سامعها: استغفر الله استغفر الله استغفر الله استغفر الله استغفر الله
زين: بتعملي اي
لينا ببراءة: انا استغفرت من ربنا و هو ان شاءلله هيسامحني وهروح اصلي واقولو يسامحني
زين: طب وانا!
لينا بأسف وهي باصه في الارض : انا اسفه
زين: خلاص مش زعلان
لينا: لا انت زعلان
زين: والله مش زعلان
لينا: بجد
زين: اه والله
لينا بفرحه طفوليه: خلاص ماشي
زين: طب يلا اروحك علشان متتأخريش
لينا: بس انا مش عاوزه اروح بجد
زين: ولا انا
لينا: قولي صح زينه اخبارها اي
زين: رجعت البلد
لينا: اي دا ليه
زين: معاد جوازها هيتتحد خلاص وكمان هتظبط شقتها وكده
لينا بفرحه: بجد لا ده انا اكلمها مخصوص اباركلها.... بس عاوزه اسالك علي حاجه
زين: اي
لينا: هي ازاي زينه كانت بترضى تقعد معاك انت وعم محمد
زين: يابنتي عم محمد عمها وفي مقام ابوها
لينا: قول والله
زين: اه والله وبعدين عم محمد اصلا معايا من وانا صغير علشان كده بخليه يقعد معايا
لينا: اهااا
زين: تيجي نقوم نتمشى شويه
لينا: يلا
زين حاسب و خرجو اتمشو وكانو في مدينه نصر و فضلو يتمشو وكان الجو شتوي جميل
لينا: عارفه الجو ده محتاج اي
زين: اي
لينا: اغنيه ل فيروز
زين: اه او عبد الحليم
لينا: شكلك فاهم ينصه
زين بضحك: تعالي نجيب حاجه نشربها
لينا: ماشي
زين و لينا دخلو ستارباكس و جابو قهوه و فضلو يتمشو
لينا: يسلام علي الحريه وهو الواحد ماشي من غير حراسه
زين: والله هو شعور حلو
لينا: الحمدلله انك اعترفت
زين ضحك
لينا: عارف بجد عاوزه اروح فين
زين: فين
لينا: اروح الملجأ
زين: اممم خلاص هبقا اوديكي في يوم
لينا: وعد
زين: وعد بس يلا اروحك علشان الدنيا ليلت
لينا: يلا
هما رجعو العربيه و زين روحها السكن
لينا: يلا سلام
زين: سلاام
لينا نزلت ودخلت السكن ومكنتش واخده بالها من كاميليا الي مراقباها بخبث
كاميليا وهي واقفه في البلكونه واتكلمت بهمس: القطه الجديده اتكشفت خلاص
لينا طلعت وكاميليا كانت وقفالها علي اول السلم من فوق ومكنش حد واقف
كاميليا بخبث: كنتي فين كده
لينا مردتش وكملت طريقها
كاميليا: شكلك قمر وانتي نازله من العربيه
لينا بصتلها بقرف و دخلت الاوضه براحه لقيتهم لسه نايمين ف غيرت هدومها و راحت علي السرير ونامت بسعاده كبيره مكنتش عارفه تفسيرها
ـــــــــــــــــــــــــــــــــــــــــــــــــــــــــــــــ
كده البارت خلص ياخوااااتي
بس تفتكرو سائر و كاميليا هيعملو اي؟
واي تاني مستخبي

قد حار الفكُر في جمال عيناكُ. متعجبًا
أيُعقل أن أعين سيدُنا يوسف توارثت🤍