"في بيت ريما"
ريما خبطت علي الباب و مامتها فتحت
مامت ريما اول ما شافت لينا حضنتها
سحر (متامت ريما):البقاء لله
لينا:ونعمه بالله
سحر:ادخلو ادخلو
البنات دخلت و سحر قعدت جنب لينا
سحر: والله كنت جايه بس ريما مرضيتش وقالتلي انك جايه فقعد وجهزتلك الاكل الي بتحبيه عرفتو من ريما
لينا بإبتسامه بهتانه:شكرا ياطنط تعبتك معايا
سحر:تعبك راحه
ريما:يلا ياماما سخني الاكل عقبال ما نغير
سحر:من عنيا
ريما:يلا احنا
ريما خدت لينا و دخلو الاوضه وغيرو ولينا فضلت قاعده علي السرير و بتحاول تسرح شعرها بس كانت تعبانه ومش قادره
ريما:استني انا هعملهولك
ريما راحت ووقفت تسرح شعر لينا
ريما بحزن:مش متعوده علي هدوءك
لينا مردتش وفضلت سرحانه
ريما:طب فضفي انتي عارفه انك لو كتمتي هتتعبي وهيجيلك Panic attack (نوبات هلع)
لينا بإستهزاء:المرادي هتجيلي علشان السبب قرب
ريما خلصت شعر لينا
ريما بإستغراب ممزوج بخوف:هو اي الي حصل
لينا حاولت تنظم تنفسها :حسام راجع
ريما راحت قعدت قدامها:دا..دا ازاء
لينا بدموع:سماح الي منعاه ينزل مصر ...لو نزل هبقا انتهيت
ريما مسكت اديها وهي بتحاول تهديها:اهدي هو مش هيرجع هو نساكي خلاص
سحر من بره الاوضه:يلا يابنات الاكل جهز
ريما مسحت دموع لينا
ريما:يلا ناكل و هنقعد تحكيلي كل حاجه
لينا:روحي انتي انا مش جعانه
ريما:لا هتيجي معايا
لينا :بجد مش جعانه
ريما:طب هاتي موبيلك اكلم ذاك او اي حد اقولو انك جيتي
لينا ادتها الموبيل و ريما رنت علي و زين وهي قصده
ريما:الو...زين!!!
زين:ايوه مين
ريما :انا ريما صحبت لينا
زين :اه
ذاك :لينا الي بتكلمك
زين :استنا
ريما:هي بس مش قادره تتكلم ف قالتلي انا اقولكم اطمنكم
زين:طب هي عامله اي دلوقتي
ريما:احسن بس مش عاوزه تاكل وهي مكلتش حاجه من الصبح
زين :طب هاتي اكلمها
ريما ادت التليفون ل لينا وهي ردت بتعب
لينا :امم
زين:كلي يا لينا كده غلط عليكي
ذاك الي كان قاعد جنبو :هات بقا عاوز اكلمها
ذاك شد الموبيل منو
ذاك:مالك يا ليلو
لينا:ولا حاجه والله
زين :مش عاوزه تاكل
لينا:مش جعانه
ذاك:يابت هترفعي اكتر من كده اي وبعدين انتي مش راضيه تاكلي من الصبح
لينا:مش قادره اكل
زين خد الموبيل من ذاك وفتح المكبر و خلا الموبيل بينهم
زين:لينا ده قدرها وبعدين موتها راحه ليها
لينا:ربنا يرحمها
زين:قومي كلي يلا
ذاك بطرقه مضحكه:يلا وهجبلك عربيه وهعلمك السواقه كمان
لينا بإبتسامة خفيف:ماشي
سحر خبطت و دخلت الوضه
سحر بحنيه:يلا يابنات الاكل هيبرد
ريما:لينا مش عاوزه تاكل
سحر:اكلي وحش ولا اي
لينا:لا والله ياطنط انا جايه اهو
سحر:طب يلا
لينا :طب يلا سلام
ذاك و زين :سلام
لينا قفلت و قامت معاهم وقعدو ياكلو و سحر كانت قاعده بتاكلها ولا اكنها بتظغط بطه
لينا:كفايه ياطنط والله مش قادره
سحر:انتي لسه كلتي
ريما بضحك:سيبي البت ياحجه
سحر: اللاه دي لسه مخلصتش الفرخه
لينا بضحك: انا حاسه اني بقيت كوره
ريما بضحك:شكلك حلو اوي
سحر :طب خلصيها وقومي
لينا:والله ما قدره بس بجد تسلم ايدك الاكل حلو اوي تعبتك معايا
سحر :تعبك راحه
ريما بهزار:والله معاكي حق ده انا هجيبك كل يوم علشان امي تعمل اكل حلو كده
سحر: قصدك اي! انا اكلي وحش ولا اي
ريما بضحك:لا طبعا وانا اقدر يلا يالينا قبل ما سوسو تقلب
سحر :لينا قلبي مقدرش اقلب عليا وبعديمن اي طنط دي انا اختكم الصغيره قوليلي سوسو او سحر علطول
لينا بضحك: حاضر يا سوسو
هما قامو وشالو الاكل و سحر وقفت تعمل المواعين
لينا:خليكي انتي انا هعملهم
سحر:لا يابنتي دول صغيرين انا هعملهم بسرعه
لينل :روحي اقعدي انتي بس وانا هعملهم و ريما هتعمل الشاي و نيجي
ريما جت وهي ماسكه اطباق وكانت لينا بدات تغسل المواعين
ريما : بتشغلي الضيفه ياسوسو
سحر:والله ابدا
لينا بضحك: الللاه انتي اي الي مدايقك يلا يابت اعملي الشاي
ريما بضحك:حاضر يختي
ريما شاورت ل سحر انها تسبهم لوحدها و سحر فعلا خرجت
ريما بخبث :يعني كان لازم اكلملك زين يقولك كلي
لينا ابتسمت
ريما :ضحكت يبقا قلبها مال
لينا :انتي عارفه الي فيها
ريما :انتي مش اول واحده يحصلها كده ولا انتي مش بتقرئي روايات
لينا :اديكي قولتي روايات يعني خيال
ريما:وهي روايه وعد كانت خيال بلعكس دي شبه قصتك
لينا بضحك:و زين هيطلع ابن عمي في الاخر
ريما بضحك:لا مش للدرجاتي بس هو حبها وفضل جنبها وجاب حقها الضعف كمان
لينا:دي خيال ياريما وبعدين حتا لو عرف تفتكري اني هبقا لسه عايشه
ريمتا:بطلي تشائم بقا
لينا:وانا بإيدي اعمل اي
ريما:تتعلجي وتبطلي الزفت الي بتخديه
لينا:كده كده هموت انا في المراحل الاخيره
ريما :بس تبقي حاولتي ...حاولي يالينا علشان الي حوليكي
لينا:مالهم الي حوليا
ريما:الي حوليكي بيحبوكي وعاوزينك جنبهم
لينا :لو عرفو الحيقيقه هيكرهوني
رينا:احكلهم و شوفي هيعملو اي
لينا بخفوت :هيبعدو عني ...وانا عاوزاهم جنبي
ريما:ليه بتقولي كده
لينا:الي حصلي مكنش قليل
ريما:ده مش ذنبك
لينا:طب يلا وانا اقولك كان ذنب مين
ريما:طب هاتي طبق الفراوله وانا هشيل الشاي
لينا:اشطا
البنات خرجو و دخلو البلكونه
لينا: مامتك فين
ريما:زمنها نامت اقعدي اقعدي
ريما ولينا قعدو علي كنبه صغيره و كانو حطين عليهم الطرح و استغطو بلبطنيه و كان قدامهم طربيزه صغيره حطو عليها الشاي و الفروله
لينا:اومال باباكي فين
ريما :مسافر للشغل
لينا:يرجع بلسلامه
ريما:الله يسلمك....اي الي حصل
لينلا بكسره:عمر هو الي بعت حسام
ريما اتصدمت
لينا بدموع:كان عاوز يموتني...انا عارفه انو بيكرهني لكن مش للدرجه دي
ريما:عمر كان مخطط لكل ده!!!!
لينا:حسام لما جيه كان متعصب وانا مكنش فاهمه ليه بس طلع ان عمر قالو اني مش بحبو وبحب حد تاني واني مش هبقا ليهه....عمر افتكر ان كده حسام هيقتلني
ريما:بس مش ده الي حصل
لينا بعياط:كان هيحصل لو سماح ملحقتنيش...سماح مكنتش عارفه ولما عرفت جت تلحقني...بس جت متاخر اوي
ريما مسكت اديها علشان تطمنها:اهدي اهدي كل ده هيعدي
لينا بشهقات وعياط:مفيش حاجه بتعدي يا ريما...حسام راجع...سماح كانت منعاه بس دلوقتي هو هيرجع
ريما:اهدي احنا معاكي و زين كمان معاكي
لينا بعياط: زين لو عرف هيبعد عني
لينا مكنتش عارفه تتنفس و جسمها بدا يترعش بشكل ملحوظ
ريما مسكت اديها الاتنين وهي بتحاول تهديها
ريما: اهدي اهدي غمضي عينك
لينا بدات تعمل الي ريما بتقولو علشان كده النوبه جت
ريما بحنيه: زين معاكي...كل الي بيحبوكي معاكي..انا و ميرال و دليلا و كلنا جنبك
لينا كانت مغمه عنيها بكل قوتها
ريما: اهدي كل حاجه هتبقا كويسه...محدش هيسيبك تاني...احنا جنبك وبنحبك ومش هنبعد عنك...اهدي اهدي
لينا هديت شويه و فتحت عنيها
ريما: حاسه ب اي
لينا: قلبي مقبوض
ريما: طب اقولك خبر هيفرحك
لينا: ياريت
ريما بفرحه: معاد فرحي اتحدد
لينا بفرحه: قولي والله
ريما: والله
لينا حضنتها بفرحه: مبرووووك
ريما: الله يبارك فيكي
لينا: فرحتيني اوي بجد
ريما: قلبي والله
لينا: حساكي مش فرحانه
ريما: خايفه
لينا: من اي
ريما: خايفه يتغير بعد الجواز ويبطل يحبني
لينا: تؤتؤ متخفيش حاتم بيحبك بجد وبعدين انتو تعرفو بعض من وانتو صغيرين
ريما: مش عارفه بقا
لينا بضحك: حرام عليكي الي بتعمليه في الواد ده
ريما بتفكير: انا بفكر ابوظ الجوازه
لينا: حرام عليكي يابنتي ده بيتمنالك المنى ترضي
ريما: تفتكري بيخوني
لينا بخبث: ليه لا
ريما بعصبيه: ليله ابوه سوده ده انا هقتلو
لينا بضحك: اهدي يامجنونه انتي
ريما بعصبيه: اسكتي خالص
ريما مسكت الموبيل و رنت علي حاتم خاطبها
ريما بعصبيه: بتخوني ياحاتم ده انا هقتلك
ريما قامت تكلمو ولينا كانت عماله تضحك عليها بعد كده مسكت موبيلها لقت ذاك و زين بعتين ماسدج واتساب
ـــــــــــــــــــــــــــــــــــــــــــــــــــــــــــــــ
زين: كلتي؟
لينا: اه الحمدلله
زين: اخبارك اي دلوقتي
لينا: بقيت احسن الحمدلله
زين: مش ناويه تحكيلي
لينا: احكي اي
زين: انتي مخبيه اي
لينا: مش مخبيه حاجه
زين: مش عليا الكلام ده
لينا: مفيش حاجه متقلقش
زين: ليه مش عاوزه تحكي
لينا: علشان مش عاوزه اخسرك!!
زين: مش فاهم قصدك
لينا: زين لو مش عاوزنا نخسر بعض يبقا متفتحش الموضوع ده وانا في الوقت المناسب هحكي كل حاجه
زين: ماشي يالينا برحتك
لينا: متزعلش مني يازيزو
زين: وانا ازعل ليه اديني قاعد اهو لغايط ماتيجي تحكيلي
لينا: جدع يلا تصبح علي خير
زين: وانتي من اهل الخير
ــــــــــــــــــــــــــــــــــــــــــ
ذاك: كلتي كويس؟
لينا: اه الحمدلله
ذاك: بلهنا و الشفا ياحب
لينا: الله يهنيك يازميلي
ذاك: عامله اي دلوقتي
لينا: بقيت كويسه الحمدلله
ذاك: الحمدلله
ذاك: بوصي انا عارف انك مخبيه حاجه و عارف من ساعه ما شوفتك ومش عاوز اضغط عليكي علشان تحكي...انا اسف اني مشيت بس اوعدك ان مفيش حاجه وحشه هتحصل تاني انا خلاص جيت و مش هسمح لحد انو يإذيكي بأي طريقه
لينا قرأت الماسدج و كانت بتدمع
لينا: كنت محتجالك
ذاك: انا اسف...اي حاجه حصلت كانت بسببي
ذاك: انا اسف...انا كنت اناني
لينا ظبطت صوتها علشان تبان انها كويسه وبعتت ريكود
لينا بهزار: خلاص يانكدي بعدين الي حصل حصل خلاص دلوقتي بقا نعيش حياتنا(كملت بجديه) و تتجوز علشان عاوزه اعملك البدله
ذاك رن عليها و لينا ردت
ذاك: بقا يامفتريه عاوزه تدبسيني في جوازه علشان تعملي بدله
لينا بضحك: و البس فستان و اهيص
ذاك: يختي بطه
لينا: اه والله
ذاك: اه نسيت اقولك
لينا: اي
ذاك: اركان و خديجه بيتاسفو انهم معرفوش يجو وانهم كانو طول اليوم في المستشفى بيقولك متزعليش
لينا لقت التليفون بيرن
لينا بضحك: طب اقفل علشان خديجه بترن
ذاك: خلصانه سلام
ذاك قفل و لينا ردت علي خديجه
خديجه: الو يالينا عامله اي
لينا: الحمدلله
خديجه: البقاء لله
لينا: ونعمه بالله
خديجه: انا اسفه والله انا كنت جيالك بس جت حدثه اتوبيس ف قعدنا طول اليوم في المستشفى يادوب لسه جايين
لينا: ولا يهمك يابنتي ربنا معاكو
خديجه: انتي عامله اي دلوقتي
لينا: الحمدلله والله بقيت احسن
خديجه: انا جيالك بكره ان شاءلله
لينا: لا متتعبيش نفسك
خديجه: تعب اي يابنتي الي بتتكلمي عليه دي اقل حاجه والله
لينا: حببتي والله
خديجه: طب خدي اركان عاوز يتكلمك
لينا: ماشي
خديجه ادت الموبيل ل اركان
اركان: عامله اي يالينا
لينا: تمام الحمدلله
اركان: البقاء لله
لينا: ونعمه بالله
اركان: متزعليش ده قدرها وانا شوفت التقرير بتاعها صدقيني الموت ليها راحه
لينا: الله يرحمها
اركان: امين...انتو هتيجو عندنا بكره خلصانه
لينا بإستغراب: ليه
اركان: هو كده اجباري ولو مجتيش معاهم هدفعك ايتاوه
لينا بضحك: لا ياعم خلاص هاجي
اركان: خلصانه
لينا: خديجه الي هتطبخ؟
اركان بصوت واطي: هجيب بيتزا متقلقيش
خديجه وهي ماسكه اللاب توب: بتقول حاجه ياحبيبي
اركان: هاا لا ياحببتي بقولها انك هتعملي بيتزا
لينا بضحك: طب سلام انا بقا
اركان بضحك: سلام
لينا قفلت و ريما جت
لينا: طلع بخونك
ريما بإحراج: احم كان نايم
لينا مقدرتش تمسك نفسها و فضلت تضحك و ريما ضحكت معاها
لينا بضحك: قولتيلو اي
ريما: اول ما رد فضلت ازعق واقولو انت بتخوني وانا مش عاوزه اكمل معاك وانت خاين وانت وانت و في الاخر لقيتو بيقولي حرام عليكي بقا انا كنت نايم
لينا: طب يلا يختي ننام احنا كمان
ريما: يلا
لينا و ريما لمو الحاجه و دخلو الاوضه ينامو
ريما: يلا تصبحي علي خير
لينا: وانتي من اهل الخير
البنات مقعدوش كتير و نامو و لينا نامت من التعب علشان كده صاحيه بقالها يومين
ـــــــــــــــــــــــــــــــــــــــــــــــــــــــــــــ
لينا صحيت تاني يوم وسابت ريما نايمه وطلعت البلكونه وفتحت الوتساب لقت العيله عامله جروب واتساب و اركان بعت انهم هيتجمعو انهارده و فضلو يرغو و كملتش كتير و زين رن عليها
زين: صباح الخير
لينا: صباح النور
زين: عامله اي
لينا: الحمدلله تمام
زين: فطرتي؟
لينا: لا انا لسه صاحيه..وانت؟
زين: لا بردو
لينا: شربت قهوه و سجاير اكيد
زين: اه اي لا
لينا: يابني هيحصلك حاجه من السجاير دي
زين: علفكره انا شبه بطلتها دي هي سجاره في اليوم
لينا: سجاره بردو
زين: هما بلظبط تلاته و هبطلهم خلاص
لينا: جدع بطلهم بدل ما اجي اشرب معاك
زين بحده: نعم!
لينا: خلاص بهزر
زين: طب هتعملي اي
لينا: مستنيه ريما تصحى و هقعد معاها شويه و هروح السكن تاني و علي بليل هروح العزا
زين: ينفع اسالك سوال
لينا: امم
زين: هو انتي بتقفي ليه في العزا فين اهلها
لينا: طنط سماح مكنش ليها قرايب كتير اصلا ف انا لازم اقف
زين: ربنا يرحمها
لينا: يارب
زين: خلاص هعدي عليكي اوديكي السكن بس ميرال و دليلا مش هناك
لينا: اه كلموني امبارح دليلا استغلت الفرصه وراحت لاهلها و ميرال معاكو
زين: اه و هنروح ل اركان بعد العزا
لينا: شكلو هيبقا يوم متعب
زين: عيب عليكي العبره في النهايه
لينا: يامسهل
زين: هقفل انا بقا علشان ورايا اجتماع
لينا: خلصانه سلام
زين: سلام
لينا قفلت معاه وفضلت سرحانه في السما لغايط ما ريما جت
ريما: صباح الخير
لينا: صباح النور
ريما: اي الي مصحيكي بدري كده
لينا: بدري اي العصر قرب بأذن
ريما بصدمه: والله!
لينا: اه والله ويلا بسرعه نتوضا ونصلي الظهر قبل ما العصر ياذن
ريما: اشطا يلا
لينا و ريما لقو سحر صاحيه و واقفه بتعمل الفطار بس سابتو و راحت معاهم و اتوضو وصلو الظهر و مكملوش كتير و العصر أذن وصلوه بعد كده قعدو يفطرو و بعد كده لينا جهزت و كلمت زين و جيه خدها و وداها السكن
زين: هتتاخري
لينا: لا ليه
زين: خلاص هروح البيت اغير و اجي اخدك و نروح العزا
لينا: ماشي...اومال ذاك فين
زين: عند ادم كلهم هناك اصلا
لينا: خلصانه متتاخرش بقا وانت جاي
زين: حاضر يلا سلام
لينا: سلام
لينا نزلت و دخلت السكن و دخلت من غير ما تكلم حد وطلعت اوضتها ودخلت خدتش دوش علشان تفوق من الي بيحصل وتستريح و بعد شويه كانت خلصت و طلعت لبست جيبه و شيميز اسود و كانت قربت تخلص بعد كده ميرال رنت عليها
ميرال: اي ياليلي عامله اي دلوقتي
لينا: الحمدلله بقولك اي صح انا في السكن لو عاوزه حاجه
ميرال إستغراب: ادا مش انتي عند ريما صحبتك
لينا: لا زين خدني و جيت السكن علشان كنت عاوزه اغير وكده
ميرال: اه والله عندك حق
لينا: طب اجبلك حاجه
ميرال: مش عاوزه اتعبك والله
لينا: قولي يابنتي
ميرال: طب افتحي دولابي كده
لينا: فتحتو
ميرال: هاتيلي الدريس الاسود هتلاقيه علي ايدك اليمين كده
لينا: اه لقيتو
ميرال: وهاتيلي بقا اي دريس للبيت وطرحه
لينا بإستغراب: ليه
ميرال: علشان هنروح ل اركان انتي متعرفيش ولا اي
لينا: لا عارفه بس معرفش انكم هتباتو
ميرال: طب اديني قولتلك هاتي بقا معاكي هدوم ليكي
لينا: خلصانه
ميرال: خلصانه سلام بقا علشان هنمشي اهو
لينا: اشطا سلام
لينا قفلت و لمت الهدوم في الشنطه وجابتلها هدوم و جهزت و زين رن عليها و نزلت
لينا اول ما نزلت مريم استقبلتها و حضنتها
مريم: البقاء لله
لينا: ونعمه بالله
مريم: انا هخلص بس كام حاجه و اجي وراكي علي العزا
لينا: متتعبيش نفسك
مريم:دي اقل حاجه والله بس قوليلي انتي عامله اي
لينا: احسن الحمدلله
البنات في السكن راحو سلمو علي لينا و عزوها و قالولها انهم جايين مع مريم معادا كاميليا و صحابها طبعا المهم لينا خلصت معاهم و خرجت لقت زين وذاك قاعدين في العربيه ف راحتلهم وركبت وره
لينا: السلام عليكم
ذاك و زين: وعليكم السلام
زين اتحرك ولينا بصت ل ذاك
لينا: اي الي جابك ياض
ذاك: ياض!
لينا: متغيرش الموضوع
ذاك: يخربيت كرامتي الي متبعطره
لينا: ايوه فين الاجابه
ذاك: هدومي عند الزفت زين ف روحت اجيبها
زين: وانا مالي ياعم
لينا: افتكرتك هتقول جيت اشوفك ولا اطمن عليكي حتا
ذاك بمحن: كفايه عليا اني سمعت صوتك
لينا بإبتسامة كبيره: حياااتي
زين: العشق الممنوع بدأ
ذاك: غيري مني و ولعي
زين: دي ناس راحه عزا دي
لينا: علفكره الحزن في القلب وبعدين ربنا مديني قدره علي اني بعرف اخفي حزني و انا بحمد ربنا عليها
زين: اي يابنتي بهزر
لينا: عارفه بس انا بحب اقلب دراما
ذاك: فطرتي؟
لينا: اه الحمدلله
ذاك: وانت
زين: لا
ذاك طلع لسانو لزين: انا هدهد فطرتني
زين: نينينيني
لينا: يابني زين بيشرب سجاير لكن يفطر استغفرا الله
زين: والله انتي ظلماني
ذاك: لينا تعمل الي عوزاه
لينا: اخويا اقسم بالله
ذاك: حبيبي ياباا
زين: اللهم لا اسالك رد القضاء ولكني اسالك اللطف فيه
لينا:اقعدو ساكتين بقا علشان مصدعه
هما قعدو في سكوت لغايط ما وصلو ولينا كانت سرحانه طول الطريقه وباصه من الشباك
زين: يلا يالينا
لينا لسه سرحانه
ذاك: ليناااا
لينا فاقت من سرحانها: اي اي
زين: يلا وصلنا
لينا: ماشي
هما دخلو و قابلتهم كلهم و خديجه و اركان جم و سلمو عليها بعد كده كل واحد راح مكانو و بعد مده مريم جت وكان معاها كذه بنوته و عزوها و قعدو و ريما كان عليها مشوار شغل خلصتو وجت و عدا الوقت والناس روحت و العزا خلص و الستات خرجت قبل الرجاله و كانو واقفين قدام العربيات و دليلا اخوها جيه خدها و ريما روحت و بعد مده لينا شافت عمها وهو خارج من المسجد و كان جاي عليها وباصص في عنيها بتحدي و هي راحت نحيتو بثقه مزيفه
عمر مد ايدو وسلم عليها: البقاء لله
لينا مدت اديها وسلمت: ونعمه بالله
عمر قرب علي ودانها و اتكلم بتحدي ممزوج بإستهزاء: حسام راجع و راجع وقريب اوي وساعتها ابقي سلميلي علي سماح
ذاك رجع لينا وراه و وقف قدامها و الرجاله كانت وره ذاك ولينا كانت في النص
ذاك بحده: في حاجه
عمر بإستهزاء: لا خالص (بعد كده بص ل لينا) سلام يا...بنت اخويا
عمر مشي و ذاك لف ل لينا الي كانت اتجمدت في مكانها ومش عارفه حتا تتكلم
ذاك: لينا انتي كويسه
لينا هزت راسها ب اه
زين: كان بيقولك اي
لينا بقلق: ولا..ولا حاجه
ادم: الراجل ده مش هيجيبها ل بر و عاوز يتحطلو حدود
لينا ردت بسرعه و كانت بتتكلم بقلق و خوف: لا بلاش...ملناش دعوه بيه
زين بعصبيه خفيفه: في اي يالينا
لينا: م..مفيش حاجه
المنشاوي: طب يلا نمشي مش مكان نتكلم فيه
اركان: يلا فعلا
هما مشيو و وزعو بعض علي العربيات وكان وراهم الحراسه و كلهم اتحركو ناحيه فيلا اركان
ـــــــــــــــــــــــــــــــــــــــــــــــــــــــــــــــ
البارت خلص يااخواتي اعملو ڤويت علي البارت و كومنت و فكرو اي الي هيحصل؟
واي قصه حسام؟
وهل فعلا هيرجع؟
طب لو رجع هيعمل اي؟
ومين حسام اصلا؟
وليه لينا خايفه كده؟
واي علاقتو بعمها؟
يلا اقابلكم في البارت الجديد
الكاتبه" چنا عمرو "
مشيت .. وكأنه راح مفعول البنج في وسط الجراحة وصريخي طالع من الأوضة
مِسَمَّع في أوضة الاستراحة
سنين من الكدب أضعف
من لحظة صراحة
- أحمد الطحان
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
