منشاوي بصدمه: فيروزه!!
فيروزه حضنتو وهي بتدمع وباين عليها التعب
فيروزه بدموع: وحشتني اوي ياجدو
منشاوي طبطب عليها
منشاوي بقلق: اهدي اهدي تعالي ندخل
المنشاوي خدها ودخلو جوه و الرجاله كانو وراه و ادم شال شنطتها وهما مستغربين ومش فهمين حاجه بس ادم كان بيشبه عليها وحاسس انو شاف العيون دي قبل كده بس مش فاكر فين
اول ما دخلو و فيروزه شافت هدى راحت عليها بسرعه حضنتها وهدى بدلتها الحضن بإشتياق
هدى: فيروزه وحشتيني جوي
فيروزه بصوت متعب: وانتي كمان
هدى و فيروزه بعدو عن بعض
هدى: فين امك يابت مبقتش تسال خالص
فيروزه بصت في الارض
هدى بقلق: في اي
ادم: خليها تقعد ترتاح الاول وبعدين اتكلمو ياتيته
هدى: ماشي
هدى خدت فيروزه وقعدو كلهم وكان الكل مستغرب و بيفكرو في مين دي وقطع تفكيرهم المنشاوي
منشاوي: دي فيروز تبقا حفيده بنت عمتي
الكل بصلو بإستغراب وعدم فهم
منشاوي: عرفين ستكم نعمه
الكل: اه
منشاوي: بنتها شاديه بقا فيروزه تبقا بنتها فهمتو
الكل: اه
هدى بصت ل فيروزه الي كانت قاعده جنبها وباين علي ملامحها الحزن
هدى: علفكره انا زعلانه من امك
فيروزه بإبتسامه بهته: ليه
هدى: كده متسالش عليا كل المده دي
فيروزه كانت الدموع في عنيها محبوسه واتكلمت بخنقه
فيروزه: كانت تعبانه
هدى بزعل: الف سلامه عليها مالها
فيروزه: كان عندها فشل في الكبد
هدى بصدمه: ياحببتي يابنتي ودلوقتي عامله اي
فيروزه بصت في الارض و دموعها بدات تنزل و الكل قلق
منشاوي بقلق: حصل اي يابنتي
فيروزه بخفوت: ماتت
الكل اتصدم وزعل عليها هما اه ميعرفوهاش بس الخبر يزعل اي حد و زعلو علي فيروزه
منشاوي بصدمه وزعل: حصل امتا الكلام ده و ازاي معرفناش
فيروزه بخفوت وعياط: بابا و عمر خلوني مقولش لحد
منشاوي بعصبيه مكتومه: نهار الي جابوه اسود ده اتجنن خالص!!
فيروزه معرفتش تقول اي وكانت بتعيط في هدوء ف هدى خدتها في حضنها وفضلت تطبطب عليها
ادم شاف ان الدنيا بقت متوتره اوي وان فيروزه محروجه
ادم بص ل هدى
ادم: خديها تستريح فوق ياتيته زمانها تعبانه
هدى: حاضر يابني.. يلا يابنتي
هدى خدتها وطلعت و المنشاوي شاور للبنات تطلع معاهم
ــــــــــــــــــــــــــــــــــــــــــــــــــــــــــ
زين: انا مش فاهم حاجه
ادم بتفكير: حاسس اني شوفتها قبل كده
منشاوي: انت جيت معايا الفرح الي كان في القاهره وساعتها كانت هناك هي وامها و انت سلمت عليهم
ادم بتفكير: لما جيه شاب وفضل يزعق؟
منشاوي: اه
اركان: هي دي الي ابوها نبيل!!
منشاوي بيأس: للاسف
ذاك: هما كلهم فاهمين معادا انا ولا اي
زين: ولا انا فاهم حاجه
منشاوي: دي فيروزه ابوها يبقا نبيل حمدي رجل اعمال
زين باستغراب: اول مره اسمع اسمو
منشاوي: علشان هما في اسكندريه مش في القاهره
زين: اي قصتو ده و ليه فيروزه جايه معيطه كده
ذاك: تحسها جايه هربانه
منشاوي: ده احتمال كبير...شاديه اتجوزت نبيل جواز صالونات...شافها في فرح اعجب بيها اتقدملها و وافقو عليه...شاديه مكنتش مراتو الاوله نبيل اتجوز قبلها وجاب ولد بس للاسف مراتو ماتت ف اتجوز تاني علشان ابنو...ابنو اسمو عمر
ادم: يعني الي زعق ده كان عمر
منشاوي:اه
ادم: طب ليه زعق في الفرح لما جم سلمو عليك
منشاوي: عمر قاسي وبيكره شاديه و فيروزه
أركان: ليه
منشاوي: اهمال ابوه وموت امو اثرو فيه و حولوه ل شيطان لدرجه انو خلا شاديه تقطع علاقتها بينا
ذاك: طب ابو وام شاديه سكتو؟
منشاوي: شاديه كانت مخبيه عليهم الي بيحصل ومع الوقت ماتو وبعد ما ماتو قطعت علاقتها بينا نهائي (بعد كده بص ل ادم) لما شوفتهم في الفرح كانت صدفه وبعديها شاديه حكتلي ان عمر مانعها انها تكلم اي حد من اهلها وانها شغاله هناك اكنها خدامه عندهم
ادم: ونبيل سكت!!
منشاوي: نبيل قاسي ومش بيهمو حاجه غير الشغل و منظرو قدام الناس ف مكنش فارق معاه ابنو وبنتو ولا اي حد غير شغلو وبس وطبعا لما عمر كبر ابوه خدو معاه الشغل وفهمو كل حاجه و خلاه قاسي اكتر و خلا عمر يتحكم في كل حاجه ويتحكم في اختو ومرات ابوه عادي علشان بيحب خلفه الولاد... كان فاكر انو لما يعلم القسوه ل عمر كده هيطلع راجل بس النتيجه كانت شيطان....
ـــــــــــــــــــــــــــــــــــــــــــــــــــــــــــــــ
البنات كانو بيحاولو يواسو فيروزه ويهدوها بس لينا كانت حاسه ان في سبب تاني خلا فيروزه تيجي
لينا: فيروزه في حاجه تانيه حصلت خليتك تيجي؟
الكل بصلها بحده وانها مينفعش تقول سوال زي ده
فيروزه بدموع: اه...عوزين يجوزوني ل واحد قد ابويا او اكبر
هدى بصدمه: يامصيبتي!!
فيروزه بعياط و شهقات: هربت منهم يوم كتب الكتاب
لينا حضنت فيروزه علشان تهديها
لينا: استهدي بالله اكيد هنلاقي حل
فيروزه بعياط: مش هيسبوني
خديجه: واحنا مش هنسيبك متخافيش
موبيل فيروزه رن فطلعتو لقتو عمر اخوها ف اتوترت
فيروزه بخوف: ده عمر!
ميرال: اقفلي عليه...احنا لازم نحكي ل جدو
هدى: انا هناديه
هدى راحت نادتو و هو طلعلهم
ميرال: جدو انت لازم تتصرف
منشاوي: حصل اي؟
هدى: تعالو معايا يابنات
هدى و البنات خرجو ونزلو قعدو تحت مع الرجاله وفضل فوق منشاوي و فيروزه
ـــــــــــــــــــــــــــــــــــــــــــــــــــــــــــــــ
المنشاوي قعد علي الكرسي الي قدامها
منشاوي بحنيه: حصل اي يابنتي
فيروزه خدت نفس طويل وبدات تحكي بوجع
فيروزه: كنت في يوم انا وماما في المول كنا بنجيب حاجات نقصانا يعني...ماما ساعتها تعبت خدتها ورحنا المستشفى واكتشفنا انها عندها فشل في الكبد...جبت علاج لماما وروحنا...مكنتش عاوزه تحكي لحد وقعدنا مده ساكتين انا كنت رافضه الموضوع بس هي اصرت عليا اني مقولش
منشاوي: بعد كده
فيروزه: العلاج خلص وماما حالتها سائت اكتر ساعتها مقدرتش اسكت وروحت قولت لبابا انها تعبانه ولازم تروح المستشفى تتحجز...رد عليا بكل برود انو مش فاضي للعب العيال ده...قعدت اقنعو و اتذلل علشان يوافق ولما بدأ يوافق عمر دخل قال اننا ملناش خروج من البيت و نبطل دلع وانها ست كبيره ومسيرها تموت ف بلاش دلع... فضلنا محبوسين لمده 3اسابيع من غير حتا موبيلات اقدر اوصل لحد يساعدنا ...و ماما مستحملتش(كملت بخفوت) وماتت
منشاوي بخفوت وصدمه:{ ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ }
فيروزه: بعد ما ماما ماتت مخلوش اي حد منكو يعرف ولا انا كنت عارفه اوصل لحد فيكو... بعد موت ماما ب أسبوع جالنا رجل اعمال قد ابويا كده علشان يعزي بابا و للاسف شافني وعجبتو...ف اتقدملي
Flash back
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
