زين صحي الصبح و نزل راح المطبخ
زين: صباح الخير
عم محمد: صباح الفل
زينه: صباح النور خمس دقايق وهيبقا الفطار جاهز
زين: لا انا مش هفطر اعمليلي بس كوبايه قهوه و هخدها معايا
زينه: حاضر
زين طلع خد دوش و لبس بدله سوده و سرح شعرو ل وراه وكان في كامل إناقته بعد كده نزل اخد كوبايه و ركب عربيتو و وراه عربيه حراسه و اتحرك للشركه
ــــــــــــــــــــــــــــــــــــــــــــــــــــــــ
لينا صحيت بعد نص ساعه نزلت لقت زينه نازله من اوضه زين
لينا: صباح الخير
زينه: صباح النور نمتي كويس
لينا: اه الحمدلله
زينه: اجهزلك الفطار
لينا: لا مش جعانه
زينه: هو محدش ناوي يفطر انهارده ولا اي
لينا: ليه هو محدش فطر
زينه: لا عم محمد لسه ماشي راح ل بنتو هيقعد معاها يومين و نزل من غير فطار و استاذ زين مرضاش يفطر بردو
لينا بهزار: يلا وفرو
زينه بضحك: علي رايك تعالي ندخل المطبخ نعمل حاجه نشربها ونقعد نرغي انا مش هسيبك غير لما اعرف قصتك
لينا: ماشي يلا
هما دخلو المطبخ عملو قهوه و نسكافيه و خرجو قعدو في الصاله
زينه: يلا ياستي احكيلي بقا اي الي جابك هنا وازاي انتي من ايطاليا و كل كل حاجه
لينا بضحك: هحكي اهدي (لينا خدت نفس طويل وبدات تحكي) بوصي ياستي انا مامتي ايطاليا و بابا مصري كان مسافر ايطاليا دراسه وشغل و اعجب ب مامتي و اتجوزو و استقرو هناك بعد كده انا اتولدت و عشت في ايطاليا ل مده 10سنين بعد كده نزلنا مصر و كان معانا خالي وده اصلا اكبر مني ب7سنين ف نزلنا مصر و قعدنا عند عمي هو اخو بابا الوحيد يعني و ماما مكنش ليا غير اخوها الصغير المهم احنا كنا نازلين زياره و راجعين تاني
زينه: علشان كده شكلك مش مصريه
لينا بضحك: متكبريش الموضوع انا مش حلوه اوي كده
زينه: مش حلوه اي انتي ماشاء وشك ابيض زي البدر وملامحك حلوه و اه مشوفتش شعرك بس هتلاقيه اصفر كده زي الاجانب بس مش ده المهم المهم دلوقتي انك جيتي هنا ازاي و ليه
لينا: قبل ما نرجع ايطاليا كنت نازله انا و زيزو الي هو خالي نجيب حاجه حلوه ليا بس اتخطفنا
زينه بخضه: يخراشي و بعدين
لينا: قعدنا 3اسابيع مخطوفين لغايط ما الي خاطفنا قالنا ان بابا وماما ماتو بحدثه عربيه و المفروض هما كانو جايين بلفلوس علشان ياخدونا بس للاسف ماتو بعديها ب اسبوع عمي جالنا و دفع الفلوس للراجل و خدنا وداني المستشفى علشان كان دراعي اتكسر و خالي رجلو مكسوره و فعلا طلع بابا و ماما ماتتو الراجل مكنش بيكذب و عمي و مراتو خدونا بيت تاني في الجيزه بيت بعيد و قال انو مش هيقدر يقعد في بيت القاهره علشان في ذكريات مع اخوه وكده المهم عدا سنتين كانو كويسين و عمي ومراتو مهتمين بينا اوي وبيمثلو انهم بيحبونا لغايط ما جت منحه ل زيزو و سافر امريكا يدرس هندسه لمده خمس سنين و هيخرج يتعين في شركه علطول
زينه: كملي و بعدين
لينا: زيزو سافر من هنا و عمي بان علي حققتو انو بيكرهني هو ومراتو و اهانه و ضرب واي حاجه تيجي في دماغك
زينه: و ليه كل ده و معملش كده من الاول ليه
لينا: زيزو كان شخصيتو قويه و الكل بيخاف منو و عمي كان بيكرهني علشان بيكره ابويا علشان كان ناجح اكتر منو وكده و طنط سماح مراتو مكنتش بتحبني علشان عمي كان بيكرها فيا
زينه: لا إله إلا الله كملي
لينا: محصلش حاجه جديده يعني غير اني كنت شغاله عندهم شغاله ومش بيقولو قدام الناس اني بنت اخوه لا كانو بيقولو اني الشغاله بتاعتهم و كانو بيجبولي باقي هدوم قديمة وكده و الكليه دخلتلها بسبب درجتي ف مكنتش ببقا عاوزه مصاريف علشان كده عمي سابني ادخلها وكمان كنت بشتغل مع دراستي ف كنت بصرف علي نفسي
زينه: واي الي جابك هنا
لينا: كانت صفقه بين شركة عمي و زين و عمي خسر و المفروض يدفع فلوس بس بدل ما يدفع اداني ل زين مقابل الفلوس
زينه: ياوااطي
لينا: بس دي الحكايه
زينه: ده انتي حكيتك حكايه
لينا: الحمدلله علي كل شئ... قومي يابت بلاش اكتئاب تعملي نعمل فشار و نتفرج علي فلم
زينه بضحك: يلا يختي
ــــــــــــــــــــــــــــــــــــــــــــــــــــ
زين نزل من العربيه و دخل الشركه تحت انظار الجميع و تحياتهم لي زين
كريم (سكرتير زين ودراعو اليمين): صباح الخير
زين: صباح النور إسلام جاب الورق؟
كريم: اه حطتهولك علي المكتب
زين: و إسلام فين
كريم: في مكتبو
زين: خليه يجي مكتبي
كريم: تمام
بعد خمس دقايق باب المكتب خبط
زين: ادخل
إسلام دخل : صباح الخير ياستاذ زين
زين وكان واقف عند شباك المكتب ب سرحان: صباح النور اقعد يا إسلام
إسلام قعد واكنو متعود: ابدا ب مين
زين: احمد ناصر
إسلام من غير ما يمسك الورق: احمد ناصر ابن ناصر المهدي رجل اعمال شغال في الحديد و بيشتغل في المخدرات بيحمل المخدرات مع شحنات الحديد و الحكومه عارفه ناصلهم بس يمسكوه متلبس و احمد بينجح كل سنه علشان ابوه بيرشي الدكاترة و كمان العميد و متبرع ب رقم كبير اوي للجامعه و ناصر هيستلم شحنه مخدرات بعد تلات سعات علي طريق صحراوي وده كفيل يجبلو 20سنه سجن او اكتر
زين رجع قعد علي الكرسي بإستماع: و ساره
إسلام: مامتها ميته و ابوها عندو مصنع ملابس و شغلو تمام بس هو بتاع نسوان ومش مهتم ب بنتو و علطول بيديها فلوس وبس ف هي راحت في سكه الهيروين و البودرة هي و صحبتها ملك و ملك دي تبقا بنت عمها و حاليا شبه ساره ماماتها مش بتهتم ب حاجه غير السفر و الخروج و منظرها و ابوها بيهتم بالشغل وبس و علطول في خناقات في البيت و كل يوم بليل بيبقو في ديسكو و اوقات كتير بيبقا معاهم احمد بس هو مش بيشرب مخدرات هو بيشرب كحول بس
زين: و العميد
إسلام: العميد خالد رأفت متعين من اربع سنين راجل مش بيهتم بلدراسه علي قد ما بيهتم بلفلوس و متجوز علي مراتو عرفي و حالتو الماديه كانت وحشه لغايط ما اتجوز واحده غنيه ضحك عليها و ممثل انو بيحبها و معندوش عيال علشان هو مش بيخلف و الورق الي قدام حضرتك فيه كل حاجه انا قولتها...و حصلت خناقه امبارح في الكليه تبعهم ضد بنت اسمها لينا و كل الجامعه شبه اتفرجت علي الخناقه و كمان ناس كتير صورت ف كلو بقا عارف و البنت اتمنعت من حضور الامتحانات السنادي مع العلم انها من المتفوقين كل سنه ودي مش اول مره يتخانقو علشان عرفت انهم كانو بيتنمرو عليها كتير و احمد كان بيضحك عليها ومرتبط بيها والموضوع كلو عشان كانو بيلعبو الشايب و اتحكم علي احمد انو يرتبط بيها ويخليها تحبو بس كده
زين: معاك فيديو للخناقه
إسلام: اه
طلع الموبيل وشغل فيديو الخناقه و زين خد الموبيل يتفرج و بدات ملامح الغضب تبان بلتدريج لغايط ما احمد ضرب لينا و اهانها كان زين في قمه غضبو و إسلام عرف ان في مصيبه هتحصل
زين ساب الموبيل و اتكلم بغضب مكتوم: هات الورق و تعالا معايا
إسلام: تمام
نزلو و إسلام ركب مع زين العربيه و عربيه الحراسه اتحركت وراهم وراحو الجامعه الي كان فيها محاضره ل لينا بس هي طبعا محضرتش و زين عارف انهم هيبقو في الجامعه انهارده
ــــــــــــــــــــــــــــــــــــــــــــــــــ
بعد ساعه كان وصل الجامعه زين نزل من العربيه بكل شموخ و ملامحه الحاده و كان ماشي جنبو إسلام بكامل ثقتو و جماله و ماشين وراهم حارسين
زين دخل مكتب العميد بطريقه موفجاه و العميد كان لسه هيزعق بس لما شاف زين سكت و ارتبك و زين دخل قعد علي الكرسي بكل برود و قدامو إسلام و حارسين وقفو علي الباب من برا
العميد خالد: اهلا وسهلا زين بيه اي الموفجاه دي
زين ببرود يرعب: قدم استقالتك
خالد بصدمه: اي ليه
زين: هو اي الي حصل في خناقه امبارح
خالد: اها دي كانت خناقه بسيطه وانا حليت الموقف
زين: وانت شايف الي عملتو كفايه للي حصل
خالد فكر ان زين تبع احمد و ساره: اهدا يازين بيه لينا خدت عقوبتها ولو عاوزني امنعها من الكليه كلها و متتخرجش منها هعمل كده
زين: امم واي كمان
خالد نظره خبيثه: متشغلش بالك يازين باشا ولو عاوزني اعملها اي حاجه هعملها كده كده اهلها مش هيسالو عليها
زين قام وقف قدام خالد ببرود ومن جواه بركان
زين: واي كمان
خالد: ولو عاوزها او احمد بيه عاوزها انهارده بليل تبقا تحت رجليك...
كان لسه هيكمل كلامو بس زين ضربو بوكس جامد في وشو و نزل لمستواه و مسكو من ياقه القميص
زين بحده وعصبيه :فكر تتكلم عليها تاني العالم هيتفرج علي ابشع طريقه قتل...علي الله تجيب سيرتها ولا اسمها يجي علي لسانك فاااهم
خالد بخوف ووجع: فاهم فاهم قولي عاوز اي وانا هعملو
زين رجع قعد علي الكرسي ببرود مرعب: هتقدم استقالتك والباقي انا الي هعملو بس هاتلي احمد و ساره و ملك دلوقتي
خالد بخوف: حاضر
خالد بعت جبهم و مكملوش عشر دقايق ودخلو من غير ما يخبطو و ملك وساره فضلو بصين علي زين و إسلام علي جمالهم واناقتهم و احمد خد بالو و اتغاظ
احمد بغيظ: عاوز اي
زين: انا الي عاوز
احمد: وانت تبقى مين
خالد وماسك منديل بيوقف النزيف الي في وشو: ده استاذ زين المنشاوي يا احمد بيه
احمد: حصلنا القرف
زين قام وقف قدامو ببرود: هو انت لسه شوفت قرف و بعدين مش عيب بردو تمد ايدك علي بنت
احمد: اهاا قصدك علي لينا
زين قطعو بجمود: اسمها ميجيش علي لسانك فاهم
احمد: والله لساني وانا حر (كمل بعدم مبالاه) واصلا وانت مالك بيها
زين: تبعي وتخصني
ساره: ايوه يعني عاوزنا نعمل اي
زين رجع قعد وحط رجل علي رجل: خليها موفجأ احسن
احمد: متقدرش تعمل حاجه
زين بص ل إسلام
إسلام ببرود و ثقه: طب انا مضطر ابوظ الموفجأ بس العميد متجوز علي مراتو عرفي و عقبال ما يروح هيبقا الخبر وصل ل مراتك و ابوها و ساره و ملك هيروحو مصحه يتعالجو فيها من القرف الي بيشربوه وده مش اختياري و انت يااحمد يادوب تلحق تجيب محامي ل باباك علشان بعد شويه هيبقا في السجن
كلهم فضلو مصدومين
احمد بعصبيه وعدم تصديق: انت متخلف اي الي انت بتقولو ده
ساره بخوف: انا مش هروح في حته
ملك بخوف: ولا انا انتو مجانين
احمد بص ل زين بعصبيه: بوص بقا يالي اسمك زين انت متعرفش انا ممكن اعمل اي فيكو ولو متعرفش اسال علي احمد المهدي وهيعرفوك و علي لينا قولها ان وربي ما هسيبها و مبقاش احمد لو مخلتهاش تيجي تبوس رجلي علشان اسامحها
زين كان بارد في الاول بس اول ما جاب سيره لينا اتعصب
زين قام وقف قدام احمد بعصبيه مرعبه و مسك دراعو لفو وكسرو وضربو في رجلاه وقعو
زين بزعيق وعصببه ترعب: قولتلك متجبش اسمها علي لسانك و المرادي انا كسرت ايدك علشان مديت ايدك عليها بس ورحمه ابويا لو جبت سيرتها تاني مش هكتفي ب موتك فااهم
بعد كده بص ل ملك و ساره
زين بحده: انهارده بليل هتجلكم عربيه توديكم وده اجباري و ارحملكم فاهمين
ساره وملك بخوف: فاهمين
زين و إسلام خرجو من المكتب وسايبين احمد بيتوجع علي الارض و خرجو و رواهم الحارسين وراحو ركبو العربيه
زين: عاوزك تمسح فيديو الخناقه من علي كل الصفح في اسرع وقت
إسلام: تمام يافندم
زين رن علي شخص
زين: اي ياادم اخبارك اي
ادم: اخيرا افتكرتني انا كويس يازعيم انت عامل اي
زين: كويس المهم عاوزك في موضوع
ادم بجديه: قول
زين: ناصر المهدي هيسلم شحنه مخدرات بعد ساعه ونص عند***
ادم بهزار: يااااه اخبارك قديمه احنا عارفين
زين: طب كويس
ادم: بس اي علاقتك بيه
زين: ولا حاجه
ادم: طب هتيجي للحج امتا
زين: مش عارف لسه انت فين
ادم: عند جدك ولو مجتش المرادي هدهد حلفالك
زين: متقلقش جي هخلص بس موضوع كده واجي
ادم: ماشي يلا سلام
زين: سلام
وقفلو
زين: إسلام ابعت الاوراق زي ما قولتلك و ابعت الاوراق ل ادم
إسلام وهو باصص في اللاب توب بتركيز: تمام
ـــــــــــــــــــــــــــــــــــــــــــــــــــــ
عند لينا و زينه
لينا: انا زهقااانه
زينه بضحك: اي الي مصحيكي بدري مدام زهقانه
لينا: فرااغ يختي المهم انا عاوزه اروح ل واحده صحبتي
زينه: ماشي بس قولي ل استاذ زين
لينا: ليه
زينه: علشان مينفعش تخرجي من غير ما تقوليلو
لينا: اووف وانا هفضل مستنياه يجي
زينه: رني عليه
لينا: مش معايا رقمو
زينه: هدهولك
لينا خدت الرقم و رنت عليه
لينا: احم الو
زين: اي يا لينا
لينا بصدمه: عرفت منين اني لينا
زين: من صوتك
لينا: احم ماشي
زين: نعم
لينا: عامل اي
زين: الحمدلله الي بعدو
لينا: بعدو اي
زين: قولي طلبك
لينا: احم هو انا ممكن اروح ل صحبتي
زين: اسمها اي
لينا: ريما ليه
زين: قولهي اسمها رباعي
لينا: ريما محمد حسن معرفش تاني هي عموما شغاله دكتوره
زين: شويه و هقولك تروحي ولا لا
لينا بضيق: ماشي سلام
وقفلت
زينه: قالك اي
لينا بتقلد زين: شويه و هقولك تروحي ولا لا..اووف بارد
زينه فضلت تضحك
لينا: اضحكي اضحكي
زينه بضحك: شكلك مسخره وانتي بتقلديه
لينا ضحكت معاها
لينا: اه صح عاوزه اسالك سوال
زينه: اسالي
لينا: انتي مخطوبه
زينه: اه و فرحي بعد مده كده
لينا: مبروووك
زينه: الله يبارك فيكي انا اصلا هسيب الشغل لما اتجوز انا دلوقتي هنا علشان الزهق وكمان بجهز نفسي
لينا: وعلي كده هتتجوزي فين
زينه: في البلد
لينا: وانتي بلدك اي
زينه: سوهاج لو تعرفيها
لينا: اه ده انا نفسي ازورها اوي
زينه: بس كده من عنيا
لينا: حببتي
زينه: مليش دعوه هتحضري الفرح
لينا: وانا اجيلك ازاي يختي
زينه: معرفش بس هتحضريه حتا لو هتيجي مع استاذ زين كده كده هيبقا هناك
لينا: كده كده ليه
زينه: ما جدو و ستو عايشين هناك ده جدو يبقا العمده الحج المنشاوي
لينا: اهاا طب ابوه و امو و اخواتو فين
زينه: ابوه و امو الله يرحمهم ماتو في حادثه و معندوش غير اخ واحد اصغر منو
لينا: اممم
ـــــــــــــــــــــــــــــــــــــــــــــــ
زين بعد ما قفل مع لينا بعت كريم يجي
كريم: نعم يافندم
زين: خد الاسم ده ابعتو ل إسلام يشوف اخبارو
كريم: تمام
وخرج
زين قعد يفتكر ذكريات و اتكلم بسرحان: لو مكنتش ماتت كنت قولت انها انتي
بعد كده كمل شغل و كريم بعد نص ساعه خبط وزين سمحلو بلدخول
كريم: البنت تمام هي شغاله دكتوره نفسيه و عندها عياده في اكتوبر
زين: تمام
كريم: بعد اذنك
خرج و زين رن علي لينا
لينا: هاا اروح
زين: اه و متتاخريش
لينا بعفويه و فرحه: شكرا جدااا يلا سلام علشان الحق اروح
زين وهو مبتسم: ماشي سلام
وقفل معاها و بص علي الفون و ضحك
ـــــــــــــــــــــــــــــــــــــــــــ
لينا طلعت لبست و نزلت تروح و حازم و ياسر كانو معاها و اقل من ساعه كانت وصلت وطلعت عياده ريما و اول ما ريما فتحت لينا حضنتها وهي يتدمع بعد كده دخلو يقعدو
ريما: حصل اي يابنتي وكنتي مختفيه فين ولا بتردي عليا ولا يتحضري الجلسات
لينا: حصل حاجات كتير اوي ياريما
لينا: طب استني هقوم اعمل كوبايتن نسكافيه و اجي تحكيلي
ــــــــــــــــــــــــــــــــــــــــــــــــــ
ريما: صحبت لينا من زمان كانت جارتها بعد كده عزلت هي اكبر من لينا ب اربع سنين يعني عندها 25سنه و مخطوبه وهي دكتوره نفسيه و بتعالج لينا و تعرف عنها كل حاجه في حياتها وهي بير اسرار ل لينا
ـــــــــــــــــــــــــــــــــــــــــــ
لينا قعدت تحكي كل حاجه حصلت وهي بتعيط و ريما قاعده مستمعه بصدمه
لينا بعياط: يعني انا دلوقتي عايشه مع راجل غريب و كمان اتمنعت من امتحاناتي و هتروح عليا سنه و احمد الواطي هزقني قدام الجامعه كلها هو وملك وساره انا مبقتش عارفه اعمل اي ياريما مبقتش عارفه
ريما خدتها في حضنها:طب اهدي كل حاجه هتتصلح وهتبقا كويسه
لينا: مفيش حاجه بتتصلح كلو بيتكسر صدقتيني لما قولتلك ان البشر دول حاجه مقرفه انا قولتلك عاوزه اعيش لوحدي وانتي قولتي لا تعاملي مع الناس وان لسه في ناس كويسه قولتلي احمد ممكن يبقا كويس و يبقا بيحبك بجد طلع في الاخر لعبه انا كنت لعبه في اديهم ياريما و زين الي الله اعلم هيعمل فيا اي ماهو مشتريني مستنيه منو اي
ريما: مش يمكن يبقا راجل بجد و يقف جنبك
لينا: انا خايفه و متلغبظه و مش عارفه اعمل حاجه
لينا نفسها بدا يقطع و تدوخ
ريما بخضه: لينا مالك!
لينا: هاتي البرشام بسرعه
ريما: تعالي نروح المستشفى بالله
لينا: لا هاتي البرشام يلا
ريما قامت جابتو بسرعه و ادتهولها و لينا قعدت شويه بعد كده هديت
ريما: هتفضلي كده كتير يالينا
لينا: اه لغايط ما اموت
ريما بعصبيه: كده هتموتي بجد
لينا: ده المطلوب
ريما بصتلها بزعل علي حالها
لينا: الحمدلله علي كل شئ متبصيش كده انا بس كنت تعبانه وماصدقت اكلمك
ريما: عامله اي دلوقتي
لينا: احسن الحمدلله
ريما: بوصي انتي حاولي متتعامليش مع زين كتير و تبعدي عنو احنا منعرفش بردو نيتو هو اه الناس بتقول عليه راجل كويس و محترم بس بردو احتياطي
لينا: حاضر انا هروح وهبقا اكلمك
ريما: ماشي هتيجي تاني؟
لينا: مش عارفه بس هحاول
ريما: ماشي هقوم اجبلك العلاج
لينا: ماشي
ريما قامت جابتها علبه علاج شكلو غريب و شريط برشام
ريما: اتفضلي
لينا: تسلمي يلا سلام
وسلمو علي بعض و نزلت ركبت العربيه و روحت وفضلت تخبط كتير علي الباب ومحدش بيفتح لغايط ما عم لطيف الجنايني جالها
عم لطيف: اي يابنتي محدش بيفتح ولا اي
لينا: اه شكل زينه نامت
عم لطيف: اه صح دي بتنام في الوقت ده طب تعالي ادخلك من باب المطبخ
لينا: ماشي
وراح دخلها ومشي وهي طلعت اوضتها خدت دوش وغيرت و خدت كشكول الرسم و القلام و الالوان ونزلت قعدت في الصاله وشغلت الشاشه و قعدت ترسم فساتين و تصمم موديلات مختلفه و تلونهم لغايط ما زينه صحيت و كانت الساعه 3كده
زينه: مساء الخيرر
لينا: مساء الفل اي يابنتي ده انتي طلع نومك اتقل مني
زينه بضحك: عيب عليكي اه صح انتي دخلتي ازاي
لينا: عم لطيف دخلني من باب المطبخ الي وراه
زينه: طب كويس انتي جايه من امتا كده
لينا: من 1كده
زينه: ودلوقتي كام
لينا: 3العصر
زينه: طب انا هروح اعمل الغداء
لينا: ماشي انا جايه معاكي
لينا سابت حاجاتها علي التربيزه و راحت معاها المطبخ
لينا: هتعملي اكل اي انهارده
زينه: مكرونه بلبشامل و صنيه فراخ
لينا: اوباا شكلك ناويه تتخنيني
زينه: اه لازم تتغذي كده
لينا بضحك: ماشي ياستي
زينه: عارفه انا عاوزه اكل اي
لينا: اي
زينه بروقان: صنيه كيكه بلبرتقال و كوبايه شاي
لينا: بس كده من عنيا احلا كيكه هتكليها انهارده
زينه: بتعرفي تعمليها
لينا: عيب عليكي انا كنت شغاله في مطعم وانا الي كنت بعمل الكيك هناك
زينه: خلاص انتي اعملي الكيكه وانا هعمل الغدا
لينا: خلصانه
وقفو و عملو الاكل و جهزو السفره و زين جيه
زين: السلام عليكم
لينا و زينه: وعليكم السلام
زينه: احط الغداء يااستاذ زين
زين: اه
زين طلع اوضتو خد دوش و نزل كانو حطو الاكل علي السفره وهو نزل قعد علي اول السفره في مكانو المعتاد
زين: زينه تعالي كلي معانا
زينه: بس يااستاذ زين..
زين قاطعها: مش بس انتي علطول بتتحججي ب عم محمد وهو دلوقتي في البلد يلا تعالي
لينا: يلا يابنتي الواحد جعاان
زينه باستسلام: حاضر
وقعدو كلو في هدوء وزي كل مره لينا قامت اول واحده ومكلتش كتير بعد كده كلو قام و زينه و لينا شالو الاكل و زينه واقفه بتغسل المواعين و لينا واقفه بترجع الحاجه مكانها
زينه: لينا قولي ل استاذ زين يشرب قهوه ولا شاي
لينا: حاضر
و خرجت لقتو ماسك في كشكول الرسم بتاعها بيتفرج علي التصميم بتاعها
لينا: انا اسفه انا نسيت اشيلهم
و شالت حاجتها
زين: انتي الي رسماهم
لينا: اه
زين: التصاميم حلوه اشتغلي عليهم
لينا: يامسهل اه هتشرب قهوه ولا شاي
زين: قهوه هو انتو عاملين كيكه
لينا: اه انا عملت اجبلك
زين: هاتيلي ده انا شامم ريحتها من ساعه ما جيت
لينا بضحك: اذا كان كده يبقا احلا كوبايه قهوه و طبق كيكه يبقو عندك
زين بضحك بس بسيط: تسلمي ياستي
لينا طلعت اوضتها تشيل حاجاتها بعد كده نزلت علي المطبخ
زينه: اي قالك اي
لينا: قهوه و عاوز من الكيكه
زينه: اه ما هو بيحب الحلويات
لينا: اهااا طب اعملك كوبايه الشاي دلوقتي ولا لما تخلصي
زينه: اعمليها كده كده بحبها بارده
لينا: اشطات
لينا وقفت عملت الشاي و القهوه و حطت الكيكه و راحت توديه ل زين و حطتهم قدامو علي التربيزه ووقفت قدامو مستنيه يقول رأيو و زين مسك طبق الكيكه و كل منو
زين: اهممم طعمها حلو ومظبوطه اكني في مطعم
لينا بفخر: اه منا كنت شغاله في مطعم علشان كده بعرف اظبها طب و القهوه
زين شرب من القهوه: امم حلوه و وشها مظبوط
لينا بطفوليه: تديني كام من عشره
زين بابتسامه: عشره من عشره
لينا سقفت بفرحه طفوليه
زين: عاوزك تذاكري كويس الامتحانات بعد يومين
لينا بضيق: قولتلك اني اتمنعت من الامتحانات
زين: هتحضري عادي اعتبري مفيش حاجه حصلت
لينا بصدمه: قول والله
زين: والله
لينا بضيق: طب و الفيديو
زين: مبقاش موجود
لينا بفرحه: انا بجد مش عارفه اشكرك ازاي شكرا بجد
زين: شكرك ليا انك تنجحي وترفعي راسك بفخر ديما مهما كان الي حصلك
لينا: حاضر بعد اذنك
زين: اتفضلي
لينا جريت وهي بتنادي علي زينه بفرحه
لينا: زينهههه زينههه
زينه: اي اي في اي
لينا: انا هحضر امتحاناتي عادي ومش هعيد السنه
زينه: بجد
لينا: اه والله
زينه حضنتها:الف مبروووك
لينا: الله يبارك فيكي هاتي الشاي وانا هجيب الكيكه و تعالي نطلع اوضتي نقعد شويه قبل ما انام
زينه: ماشي يلا
و جابو الشاي و الكيك و طلعو الاوضه و زين كان راح مكتبو يشتغل
بعد ساعتين كده زينه نزلت من عند لينا علشان هتنام و اول ما زينه خرجت من الاوضه لينا طلعت برشامه خدتها بعد كده نامت و زينه لما نزلت لقت ان زين نام ف روقت البيت و راحت اوضتها تنام
ـــــــــــــــــــــــــــــــــــــــــــــ
كده البارت خلص قولولي رايكم
تفتكرو لينا بتفكر زين ب مين؟
وهل قصه لينا كامله ولا ناقصها جزء؟
و علاج اي الي لينا بتاخدو؟
"چنا عمرو"
♕إن اقرب الناس للعقل والحكمة هو من يدرك نواقص نفسه♕
YOU ARE READING
لن اتخلى عنكِ
Romanceلم تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
