ﺟـبـࢪوته‍ـ۾ وڪسࢪتـﻲ

٢٢

مساء الخير ورداتي 💐

رجعت وياكم بعد طول غياب بسبب الظروف
بلحلقه ٢٢ من جبࢪوتهم وكسرتي

اتمنى تعذروني وادري بيكم حبابين وتتحملوني 🥺
بس شنو بأيدي اسويه حالتي الجسديه والنفسيه حيل تعبانات بسبب الي جاي امر بيه اتمنى مره لاخ ان تعذروني

ونبتدي بأسم الله
"" "" "" "" "" ""

طلعت من الغرفه اضحك على سوالف خديجه وجان يصير بوجهي اياد حالته مدري شلونها ومتبهذل شافني وگف بمكانه شفته بلع ريگه وعيونه تحجي خايف.. قلقان.. شي ما فهمته
:- اياد شبيك؟؟

قاطعني صريخ امي بغرفتها درت نظري لغرفه امي ورجف گلبي ركضت وانه الهج  :- ابوييي... بويييه

فتحت الباب وشفت امي وحدها گاعده بلگاع وتبجي وتدگ على وجهها  بصريخ..

:- شبيج يممه؟؟؟

بدون ما تباوعلي  :- يمه نهجم بيتنا... يمه تخصمنا وتلطمنا

ذهب وخديجه صارن يمي وانه اسأل امي وما ترد عليه بس تحجي هل حجي

جريتها من دشداشتها  :- ولججج يمممه ابويييي بي شييييي احجييييي

رفعت راسها الي وگالت  :- يا كسرتج يا يمه.. يا مظلومه يا يمه

كلام امي مجاي يدخل عقلي خديجه سألت امي واسمع صوت هلاهل بصوت كوثر

گامت بسرعه امي هاده عليها  :- ولجججج تهلهليييين

دخله ابوي علينه خلتني اتبسمر بمكاني  هذا ابوي عليمن تبجي وتصرخ امي اباوعله حالته حاله شبيهم
لزم امي وگال  :- مو وگتها فاطمه

:- تهلهل... تهلهل

باوعلي وگال  :- عوفيها... فضه بابا؟؟؟؟

عيوني عليهم امي تصرخ وملخت الوجه اياد حالته حاله  ومدنك راسه ابوي شكله مدري شلون صاير حسيت صاير شي.. بس شنو هو؟؟؟

ما اجه بالي ولا فكرت بلحظتها عقلي احسه طفى ما يشتغل اذني احس صارت ثگيله ما اسمع بيها
تقرب لزمني من جتفي وبلع ريگه نظراتي على ابوي حفضت كل رمشه وكل نقطه عرگ طاحت من جبينه واحنه بلشتاء عيونه الي يفتحهن بتعب ويسدهن ويرجع يفتحهن
شفايفه الي عليهن كلام رافض يطلع ويرجع يبلع ريگه لزمته الي من جتفي بحنيه خلت گلبي يرجف حيل عيوني بعيونه وگلت  :- شكو بويه ؟؟؟

سعد  :- بنتي انتي مؤمنه صح؟؟؟

طاح گلبي بلگاع وبدت تهفت روحي رجعت گلت بضعف  :- شكوو؟؟

امي علت صريخها سمعت ابوي حجه عين على ابوي وعين على امي شهگه خديجه وصيحه ذهب خلتني ادور عليهن اياد بصفهن واگف مدنگ الراس

صوت بنيه وهيه تگول  :- ربيييي رحمك جبيررره يربيييي... فدوه لعينك يربي بردت گلبي بيها بعد وبعد بيوتجن تفرغ ان شاء الله.. شهگت وگالت  :- فدوووه رحتلك ربيييييييي