صباح الخير ورداتي
رجعت وياكم بلحلقه ١٨ من جبࢪوتهم وكسرتي
اتمنى الكم متابعه ممتعه
نبدي بأسم الله
🌺🌺🌺🌺🌺🌺
ادور وراسي مفتر ما خليت مكان ما دورت حتى جوه المغسله جوه الغساله ودموعي تصب وشهگتي واصله لوين امي شافتني
گالت بتسأل :- فضه شبيج؟؟؟باوعت الها وبجيت بحرگه :- حلقتي ومحبسي ماكوووو
:- ليش هنه وين؟؟
گلت وانه أأشر على المغسله :- توضيت وعفتهن على المغسله كل مره اسوي هيج والبسهن بس هسه نسيتهن ومن اجيت اخذهن ما لگيتهن
امي گالت :- شني يمه وين يرحن تلكيهن مدخلتهن لغرفه وياج دوريهن عدل
گلت وانه اصيح وامشي للغرفه :- اكلها هنااا... هنااااا عفتهنننن
دورت الغرفه گلبتها گلاب ما خليت كنتور جربايه فراش حتى جوه الفراش مال الگاع دورت وابجييي
:- والله يمه على المغسله عفتهن والللله
ورجعت طلعت ادور وامي ضلت تدور وياي حتى عمه ليلى وذهب نخبصنه خبص
طلعت بيبي من غرفتها تتجه على العوجيه مالتها وگفت و
گالت :- هييي شمالجن مخبوصات خبص؟؟؟عمه ليلى گالت :- ذهب فضه ضايعات
گالت :- شنيييي؟؟؟ جا مو هذن هنه!!!
ليلى :- لاااا عمه... ذهبها... ذهبها. محبسها وحلقتها مال نيشانها
دارت وجهها وگالت وهيه تمشي للهول :- اي وعاد هو شلون ذهب الي يسمع هنجلتجن يگول ملاوي وكرسي چابر...
گلت وانه ابجي :- حتى لوووو شبه انه راضيه بيهن
دارت وجهها علي وگالت :- وانه شعلي منج يطبج مرض... شوفي وين ضيعيهن.. چا هيه الفاهيه شيطلع منها
امي صاحت :- عمممه شبيج صدك جذب؟؟
:- وعمه العماج وموت اللفاج كم مره گتلج لا تگليلي عمه شني يمه عرف ولف
امي دارت وجهها وگالت :- يا صبر ايوب... امشي يمه امشي ندورهن
ضربت على وجهي وگلت :- ماكوووو... ماكوووو صارلنه ساعتين ندور وما لگيناهن
گالت :- نلگاهن وين يولننن...
گلت :-جا لو ما لگيناهن يمه؟؟؟ شگل لمتيم ولخالتي لو سألوني عليهن؟؟
گالت :- ما يسألونج واذا عود ما لگيناهن انه اخلي ابوج يشتريلج بس كافيج من النويح صطرتينا صطر
ضربت رجلي بلگاع وگلت :- مااااا.... انه اريد محبسي وحلقتي الي جابهن متيم
بعدنه نحجي واجت كوثر بعباتها من بره شافتها هيج راحت يم عمتها ودك سوالف