ﺟـبـࢪوته‍ـ۾ وڪسࢪتـﻲ

الحلقه ٦

صباحو ورداتي 🌺🌺🌺🌺

رجعت وياكم بلحلقه ٦ من جبࢪوتهم وكسرتي

لا تنسون التصويت والتفاعل بين الفقرات نهائيا مجاي اشوف اي تفاعل

يالله نبدي بأسم الله

🌺🌺🌺🌺🌺🌺

"" "" "" "" "" "" "" "" "" "" ""
زينب...
..........

نزل حسن وانه امشي وراه دخلنه لهول جبير بيه قنفات هذا البارحه گعدنه بيه انه وفاطمه

وحاطين صينيه جبيره گاعدين عليها المره الجبيره وثنين زلم وبنيه صغيره بحدود ١١ لو ١٢ سنه وگاعده من جهتها وحده تجي بعمر الـ٣٠ تقريبا ويمها ثنين ولد صغار بلعمر

ذول شفتهم اول ما نزلت من الدرج وعيني عليهم اتفحصهم

تقربنا وسلم حسن بس حسيته من وره خشمه

: صباح الخير

گام واحد من الزلم سلم عليه وباسه وباركله والثاني بس رفع راسه وگال

: صباح النور

اما المره الجبيره ما حجت شي ولا كأن ابنها متزوج هاي الي تگوم تهلهل تفرح ولا جنها خبزتها على رجلها وتغمس بهل گيمر لگمتها بكد جف الايد

جفلني صوت هلهوله من ورانا درنا انه وحسن وشفناها جليله

سلمت وباركت واخذتني بلحضن وتسأل شصار وشسوينه

گالت : حسن خويه اصبلك ويه مريتك تصعد فوك تتريك لو هنا

حسن : لا هنا شكو معلگين فوك... سعد وين؟؟؟

: سعد طلع مدري شيجيب وهسه يجي

گلت بسرعه : فاطمه نزلت؟؟

ابتسمت وگالت : اي هسه اسويلكم ريوك وتريكن سويه هنا

ما صدمني بس رد المره الجبيره وهيه تزمخ بجليله : شنييي يجليله اضنه بيتج وتتصرفين بكيفج... من شوكت الجناين ياكلن ويانه

باوعت الها وگالت : يمممه عرايسسس بعدهننن

شفت حسن خله وطلع من الهول من حجت امه وگالت

: بلمطبخخخخ شني الجاك تالي عگبك

: يمممممه

باوعت الها بخزره وگالت : ويعه ابوووووي

رحت بدون كلام ودخلت بلمطبخ فارشات فرشه بلگاع ومخليات صينيه نسوان ثنين بعدهن شابات وياهن فاطمه وگاعدات يتريگن

سلمت وكامن يسلمن عليه وعرفن على نفسهن وحده منهن مره خليل اخو حسن الجبير اسمها ناديه تجي بعمر ٢٨ او ٢٩ سنه والثانيه تجي بعمر ٣٢ او اكبر هاي ليلى مره محمود اخوهم الميت لابسه اسود من فوك لاجوه كعدت يم فاطمه واكلت لكمتين وجان نسمع صوت المره