صباح الخير ورداتي 🌺🌺🌺
رجعت وياكم بلحلقه ٩ من جبࢪوتهم وكسرتي
لا تنسون التفاعل
التفاعل لا تنسون
تنسون لا تفاعل
تفاعل تنسون لااااا
لا تصيرون صنم تقرون بصمت اريد تفاعل اريد اشوفكم متفاعلين علمود يصيرلي واهس اكمل لئن راح ندخل بصلب القصه
نبتدي بأسم الله
🌺🌺🌺🌺
------الفرحه العندي ما اطيها لاحد...
گعدتي ببيت ما اسمع بيه دعاوي بنيه من الصبح..
ولا اشوف وجه جليل..
ولا حقد كوثر تسوه عندي الدنيا..
صح مفتقده فاطمه وناديه بس هم اكول هنه اهون مني محد شد وياهن گدي
گمت بكل نشاط الملم واعدل رغم ما عندي اغراض هواي بس هيج احب اصير ام بيت
ماكو شويه والله واندك الباب لفيت حجابي على راسي وطلعت ولن عمي وعمتي سوده عليه محملين علاليك وفرحتهم من فرحتي ضيفتهم وكعت احجي وياهم بضحك من شافوني هيج افترهو بقو يمي بلساعه وراحو
كمت عزلت المسواك ورتبته بسلال لئن ما عندي ثلاجه وسويت غده وصليت وانه اشكر برب العالمين على هل نعمه
عدت يوم والثاني ولن تصفط سياره باب البيت هم عمي وعمتي
بس هل مره نزلو ثلاجه وطباخ وميز صغير فراش وجدوره واغراض كومه
شفتهن وبجيت حضنتني عمتي وگالت : اخوتج ما رضو تطبخين على جوله ولا تخلين مسواكج يخرب من الحر
رتبنه انه وعمتي الاغراض وعمي يسولف ويه الجهال فتره ويجي حسن تفاجا وغده وجهه اصفر من المستحه بس عمي حاجاه وقنعه
وگله : هاي هدايه زواج بتنه ما جبنالها من عرست هسه اجه وقتهن
ضلو يمنه للغده تغدو وشربو الجاي وطلعو وهمه يوصون بحسن عليه ويحلفونه لو شما يحتاج ما يرده الا لسانه
بدت حياتي ببيتي الصغير وعائلتي الصغيره براحه البال حتى حسن احس بيه مرتاح لطلعتنا مناك صار ما يتعارك على كلشي ولا نفسيته مثل ذيج الايام وجهها بشوش ويضحك ويانه ويسوالف فاطمه وسعد بين فتره وفتره يجون لليل يالله يرحون
بيوم من الايام سويت كبه ودزيت لام فوزي هاي المره الورده الي كل يوم تمر عليه الصبح من تروح للسوك
: يمه محتاجه شي من السوك؟؟.... يمه ادز البنيات يعاوننج؟؟.. يمه خافن ما عندج مصيرف.؟؟؟..
مره بالف مره بحياتي ما شايفه هيج حنيه بس عد عمتي سوسن ويمها
وكمت من احتاج شي من السوك اوصيها.
دزيت الكبه الها وشويه وجت متعجبه بلكبه مالتي ووصتني اسويلها وشكد تكلف اكلها
سويت الها مجموعه جبيره ووديته الها بيد الجهال
يوم يومين وهم رادت لبناتها المتزوجات
.. ومن بناتها لخواتها..
ولحمواتها...
وولقرابتهم...
ومن واحد لواحد صرت ام متيم ام الكبه كمت بليوم ابيع اكثر من ٢٠٠ كبايه صار عندي مصروف انطي لجهالي واشتريلهم قللت على حسن المصاريف وعاونته على البيت
زعل وما رضى وسواله سالفه قنعته لا اني الطالعه ولا احد شايفني بلبيت بدل ما كاعده اصفن الهي روحي وهم مستفاده شويه شويه اقتنع خاصتا من قل المصرف عليه وضل عليه بس اجار البيت وقليل اذا ردنه منه شي
محسن اقترح عليه يجي يشتغل وياه بلمحل ورزقهم على الله بلبدايه ستهضم بعدين وافق بعد ما قوت علاقته بيه
عدت السنه واحنه مرتاحين جهالي السنه ثنينهم اول وفرحانه بيهم
