صباح الخير ورداتي وكل عام وانتو بالف الف الف خير
سنه سعيده عليكم ويارب تكون سنه تحقيق الاماني للجميع
رجعت وياكم بلحلقه الثانيه. من جبࢪوتهم وكسرتي
رغم ما شفت اي تفاعل بلحلقه الاولى وهل شي كان سبب بضوجتي وكسر واهسي لئن جاي اتعب بلكتابه ومجاي الاكي محصودي المهم راح اكمل نشر والي عاجبه يتفاعل براحتكم
حبيت اكمل النشر لئني وعدتكم
نبتدي بأسم الله 🌺🌺🌺
"" "" "" "" "" "" "" "" "" "" "
ولئن قلوبنا اعتادت الخذلان اتهموها بلتحجر...
"" "" "" "" "" "" "" "" "" ""
واگفه اسوي غده وبالي راح لبعيييييييييد لبعيد حيلل بذاك البيت لمه الاهل وضحكه من الگلب طالعه ونحجي على ذاك وهذا....
فززني صوت
: يمه شبيج صارلي ساعه احجي وياج
درت وجهي عليه : اعذرني يمه ما انتبهت.. ردت شي
جر الجفجير الخشب الي احب اطبخ بيه من ايدي ورجعاه على الطباخ باس ايدي وگال بحنيه
: عوفي منج الطبخ انا اجيب من بره لا تطبخين وانتي مالج خلگ
ابتسمت بدموع وگلبي انعصر عصر باوعتله وخليت ايدي على خدي
: يعبد گلبي يا يمه خليني الهي نفسي بشي احسن من ما اطلع حرگتي بلگاعدين يضحكون وما همهم شي
: ماما
درت باوعت الها : ها حبيبتي؟؟
: تعالي اكعدي مشطيلي شعري وانا اكمل الغده
لميتهم بحضني حيل واشم بريحتهم طاحت دمعتي من لمحته واگف گدامي مبتسم
: تعال لحضني بعد امك لا تضل بعيد
ابتعدو مني وهمه يباوعون الي مستغربين.......
"" "" "" "" "" "" "" "" "" "" "" "
امتحانات عدنه وانه كلشي ماكو لا طبه ولا ربه
: ولج هو شنو الي ما اعرف چا انتي مو صرتي بلثالث متوسط وهذا بكلوريا ؟؟
: عفيفه عليج بروح ابوي عليچ بروح امي خليني ابطل ما اريدها هيه گوه
لزمتني من اذني حيل وفرتها : والحسين من كون اسمع منچ هل چلمه مره الاخره العب بيچ لعب ادرسي وخلصينه يالللللله
وخرت منها وانه افرك بذني توجعني ضلت
: هسه الي يشوفني يگول راح اصير دِكتوره لو مهندسه
: دنچبي نچبي ودرسي وروح ابوي اكضچ اكظيچ كظيان صغيرونه تتعاركين ويه مره اخوچ ماتستحين
گلت وانه معصبه : چا ما شفتيها لسانها شطوله علي شني هيه اخير مني ام الوسخ
ضربتني فطيم على راسي : كفينه من لسان شرييفه لا ومحمد بس يجي العربانه تدرفعه علينه.... كفينه
YOU ARE READING
ﺟـبـࢪوته‍ـ۾ وڪسࢪتـﻲ
General Fictionولنا ايضا حكايه نرويها لكم عن طغيان بعض البشر وجبروتهم
