صباح الخير ورداتي 🌺
طبعا أتاخرت عليكم بس والله توني سويت عمليه وتأذيت بكل معنى الكلمه وادري بيكم منتظريني بس الظروف مجاي تنطيني مجال وهذه السنه هوايه تعبتني ارجو منكم تعذروني لو تعرفون الي دا امر بيه جان عذرتوني
ورغم كلشي كتبت وكملت البارت ونمسح نصه مدري ليش وهذا البارت هديه مني الكم حد ما اكمل الباقي وان شاء الله بس اطمأن على ابني واشوفله جراح زين اكمل القصه بسرعه بس ادعوه الله يسهل عمليه ابني
جديات حتى ما اعرف اعبر لئن حيل تعبانه نفسيتي وداخله حاله ما اعرف شنو اوصفها اكتأب.... ما اعرف ضغط نفسي... ما اعرف حاله نفسيه بحيث كمت الليل ما انامه
اتمنى تعذروني ورداتي وان شاء الله اعوضكم
نبدي بأسم الله 🌺🌺🌺
"" "" "" "" "" "" "" ""
وصلنا للبيت اني وذهب ونزلنا اول ما دخلت انجريت من عباتي وطحت بلگاع وما اعرف الدفرات منين تجيني صارت الدنيا سوده بعيني وما حسيت بشي شويه واسمع
صوت زياد يصيح
:-بت الگلب تردين تصخمين وجوهتنا
وبنُيه تگول :-مالهن رداد وضالات يلعبن
اريد ارفع راسي ما اگدر من الضرب صوتي اختفى من الصياح امي اسمعها تبجي وتدگ :-يمه راح يموتون بتي
سمعت اياد يصيح بيهم :-لااااا زياد... ولككككك خرب عرضك ليشششششش
اجه بسرعه وسحبني منهم وانه بس نفس يصعد وينزل :-نعلى على اهلك ولك ليشششش هيجججج
زياد :-توليييي نزلت من سياره لوحدها وتتمضحك تريد تصخم وجهنا
امي حاجزينها بلمطبخ وسادين الباب وتصيح من يمها :-صخم الله وجهك كون توها اجت من المدرسه واختها وياها ليش تتبلى عليها
زياد :-تجذبينيييييييي؟؟؟
فاطمه :- اكبر جذابببببب وحقيررررررر
بنُيه :-اي علميهن.. علميهن على طيحان الحظ جا هنه منين يجيبنها خالتهن ذبتها ها كبرها على حماها شتترجين منهن ومن تربيتجن الخره
كوثر اسمعها تغلط علينه وعلى تربيتنا وزياد زايد بلضرب عليه اخر شي ختمه بجره حجابي من راسي وبيده سجين وجر قصيبتي وبترها من النص وشمرها بلگاع
بين الواعيه وبين روحي جاي تنسحب مني من الضرب نسحلت شلون ومنو سحلني ما دريت بس صرخات امي علت وضلت تدك اسمعها تصيح : لاااا سعد لاااا يموت بيدكم
درت وجهي واشوف ابوي وعمي حسن وغمضت عيوني بعد ما فتحتهن الا بمي بارد نرش على وجهي
نشغت من البروده وگعدت على حيلي امي گبالي حالها حال وابوي وعمي يفورون غيض وذهب بلزويه تبجي
جسمي يون وراسي يوجعني
شافني ابوي گعدت حضني وگال
BINABASA MO ANG
ﺟـبـࢪوتهـ۾ وڪسࢪتـﻲ
General Fictionولنا ايضا حكايه نرويها لكم عن طغيان بعض البشر وجبروتهم
