သူမအနေဖြင့် ထိုယုံတမ်းမျိုးကိုမကြားဖူးထားသော်ငြား ထိုစကားတစ်ခွန်းကြောင့်ဖြင့် ခုဏလေးကအဖြစ်ကို ပြန်တွေးပြီးမြင်ယောင်လာတော့၏။ ဝိန်းရိဖန်၏ပါးနှစ်ဖက်မှာ တဖန် ပူပြင်းတောက်လောင်လာပြီး စန်းရန်အား ဤကိစ္စနှင့်ပတ်သတ်၍ ပြောရနိုးနိုးတွေးကြည့်နေရင်း တစ်ဖက်သို့လှည့်လိုက်ရာ စန်းရန်သည်လည်း ထိုစုံတွဲအား စူးစူးစိုက်စိုက်ကိုလိုက်ကြည့်နေလေသည်။
နောက်တစ်စက္ကန့်တွင် စန်းရန်က အကြည့်လွှဲလိုက်ပြီး သူမနှင့်မျက်ဝန်းများနှင့် ဆုံစည်းလိုက်၍ ;
"သွားမယ်"
သူ့အမူအရာမှာ ထိုစုံတွဲ၏စကားကို စိတ်ထဲပင်မထည့်သည့်ပုံ။
ဝိန်းရိဖန်က ခေါင်းသာငြိမ့်ပြလိုက်ပြီး စိတ်အားလျော့ခြင်းမမြည်သည့် သက်ပြင်းတစ်ချက်ချရုံသာချလိုက်၏။ လက်ထဲတွင်ကိုင်ထားသည့်ဖုန်းအား စန်းရန်ဘက်သို့ တိုး၍ပြလိုက်ရင်း ;
"ဒါဆို အခု ငါတို့ရုပ်ရှင်သွားကြည့်...."
သူမ၏စကားမဆုံးသေးခင် စန်းရန်က မေးတစ်ချက်မော့ပြပြီး ပြောင်တင်းတင်းအမူအရာဖြင့် ;
"နောက်တစ်ခါ ထပ်ထိုင်မယ်"
"...."
စန်းရန်က နောက်ပြောင်နေခြင်းလား ၊ အမှန်တကယ်ပြောနေခြင်းလားပင် မခွဲခြားတတ်ပါတော့ပေ။ သူမက နေရာ၌သာရပ်နေပြီး ရှင်းရှင်းလင်းလင်းမကြားလိုက်သည့်အလား နှေးနှေးကွေးကွေးတုံ့ပြန်မိလိုက်၏။
"အမ်....ဘာ...."
နှစ်ယောက်သား လျှောက်လာခဲ့ကြသည်မှာ အတော်လေးလှမ်းလာခဲ့ပြီဖြစ်သည်။
စန်းရန်က ဝိန်းရိဖန်အားဆွဲခေါ်ကာ လက်မှတ်အရောင်းဌာနဘက်သို့ ဦးတည်၍ ;
"ချားရဟတ်.."
"...."
ရုတ်တရက်ဖြစ်လာခဲ့သည့်အခြေအနေကြောင့် ဝိန်းရိဖန်တစ်ယောက် ထိုစုံတွဲပြောသွားခဲ့သည့်စကားကို မနေနိုင်အောင် ပြန်တွေးကြည့်မိတော့၏။ အနည်းငယ်ရှက်နေမိပါသော်ငြား မဖြစ်မနေလည်း မေးချင်မိတော့သည်။
![](https://img.wattpad.com/cover/354800938-288-k108778.jpg)
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 53
Start from the beginning