ခွန်းယံက စိုင်းသော်ရာကို ပြောလိုက်သည်။
"ငါ့ official page တော့ မဖြစ်ဘူး...
အဲ့ဟာက ငါ့ မိသားစု စီးပွားရေး ကြော်ငြာအတွက် ဖွင့်ထားတာ... ငါက brand ကိုယ်စားပြုဖြစ်နေလို့ အဲ့ page က run ဖြစ်နေတယ်ဆိုရုံပဲ...
ပြီးတော့ ငါ ကိုယ်တိုင်သုံးတာလည်း မဟုတ်ဘူး company ကပဲ post တင်ဖို့ သုံးတာ"
သူ့ရဲ့ ကိုယ်ရေးကိုယ်တာ ပြဿနာကြောင့် သူ့ အဖိုးရဲ့ လုပ်ငန်းကို ရိုက်ခတ်သွားတာမျိုး ခွန်းယံက အဖြစ်မခံနိုင်ပေ။
ဘယ်လောက်ပဲ မိသားစု စီးပွားရေးလုပ်ငန်းပဲ ဆိုဆို သူ့အနေနဲ့ တာဝန်မဲ့တဲ့ လုပ်ရပ်မျိုး မလုပ်နိုင်ပါ။
သူ့ အဖိုးက နားလည်ပေးနိုင်ရင်တောင် လက်ရှိ company ကို ဦးစီးနေသူက သူ့ အဒေါ်၏ မိသားစုဖြစ်သည်။ နဂိုကတည်းကမှ သူ့ကို ဖယ်ထုတ်ချင်နေသည့် သူ့အဒေါ်သည် သူ့ရဲ့ ဇာတ်ရှုပ်တွေကြောင့် Brand ရဲ့ နာမည်ကို ထိခိုက်ခံမှာ မဟုတ်ပေ။
"အဲ့ဒါက အရေးကြီးလို့လား ? အခုခေတ်ကြီးက မိနစ်ပိုင်းအတွင်းမှာတင် အရင် ဆယ်နှစ် နှစ်နှစ်ဆယ်က အရှုပ်တွေကိုတောင် ပြန်ဖော်လို့ရတဲ့ ခေတ်...
နောက်ပိုင်း ဖျော်ဖြေရေးနယ်ပယ်ထဲရောက်မှ မင်းရဲ့ ကိစ္စတွေပေါ်သွားရင် ပိုဆိုးမှာနော်...
နောင်ရှုပ်မယ့် ကိစ္စတွေကို အခုကတည်းက ရှင်းထားတာ ပိုမကောင်းဘူးလား ? "
ခွန်းယံက ယတိပြတ်ငြင်း၏။
"အဲ့နည်းကတော့ လုံးဝ မဖြစ်နိုင်ဘူး....
သူ မကျေနပ်ဘူးဆိုလည်း ငါ စင်ပေါ်မတက်တော့ရုံပဲပေါ့ "
စိုင်းသော်ရာက မိနစ်ဝက်လောက် တိတ်ဆိတ်နေပြီးမှ သက်ပြင်းချလိုက်ရင်း...
"ခွန်းယံ... ငါ မင်းကို အစက ဒီလောက်ထိပြောဖို့ စိတ်ကူးမရှိခဲ့ပေမယ့် အခုတော့ ပြောမှကို ရတော့မယ်...အခုကိစ္စက တကယ်ဆို လိုင်းပေါ်ထိပြန့်သွားပြီးမှ သတင်းတွေ ဖုံးဖိခံလိုက်ရတာ မင်းလည်း အသိပဲ...လူတိုင်းက မင်းရဲ့ နောက်ခံနဲ့ မင်း အမေရဲ့ လက်ချက်ဆိုတာ သိနေပြီးသား...ထုတ်မပြောတာပဲရှိတာ...ပြီးတော့ ဉာဏ်အံ့ထူး ဘက်ကနေ အကုန်လုံးက မခံနိုင်ဖြစ်နေကြတာ... မင်းသာ ဒီလို ဆက်ခေါင်းမာနေမယ်ဆိုရင် အကုန်လုံးက မင်း အလွန်လို့ပဲ မြင်ကုန်တော့မှာ ငါလည်း မင်းဘက်ကနေ ဆက်ပြီး ကာကွယ်ပေးနိုင်တော့မှာ မဟုတ်ဘူး "
YOU ARE READING
VEILS OF MINZARI
Mystery / Thrillerလူတိုင်းက သူ့ကို နောက်နှစ်အနည်းငယ်အတွင်းမှာ မဥ္ဇရီမြို့ရဲ့ ပြဇာတ်ခုံတွေ အားလုံးကို သိမ်းပိုက်စိုးမိုးမည့် နတ်ဘုရားငယ်အဖြစ် ယုံကြည်ထားကြသည်။ 'ထိုက်ဟုန်စစ်' ထိုသူက သူ့ရဲ့ သေဆုံးခြင်းကို မဖော်ထုတ်ခင် အချိန်ထိ ခွန်းယံဟာ သူ့ရဲ့ ကကြိုးတွေက မရဏလမ်းမှ လူမျ...
Part (19)
Start from the beginning
