ခန့်မှန်းရခက်သည့် မျက်နှာအမူအရာနှင့် ဉာဏ်အံ့ထူးကတော့ သူ့နေရာမှာ သူပြန်ထိုင်ပြီး စိုင်းသော်ရာက ခွန်းယံဆီသို့ တန်းတန်းမတ်မတ်လျှောက်လာသည်။
"အခြေနေ ဘယ်လိုလဲ ? မင်းတို့ ရန်တွေဘာတွေတော့ မဖြစ်ခဲ့ဘူးမလား ? " စောမာန်ဟိဏ်းက မေး၏။
"မဖြစ်ခဲ့ပါဘူး..."
သူတို့ နှစ်ယောက် ကျောင်းမှာ ရုပ်ပျက်မည့် ကိစ္စမျိုး မလုပ်ဘူးဆိုတာခွန်းယံ အစကတည်းက ခန့်မှန်းမိပြီးဖြစ်သည်။
ဉာဏ်အံ့ထူးနဲ့ စိုင်းသော်ရာလိုမျိုး စံပြကျောင်းသားနေရာအတွက် ပထမနှစ်ကတည်းက အပတ်တကုတ်ကြိုးစားနေခဲ့ကြတဲ့ သူနှစ်ယောက်က အခြားသူတစ်ယောက်ကြောင့် မကောင်းတဲ့ မှတ်ချက်ရမယ့် အလုပ်မျိုး လုပ်မှာ ဘယ်တော့မှ လုပ်မှာ မဟုတ်ပေ။
"တော်သေးတာပေါ့ ဒါဆို ငါ EC ကို သွား ဖြောင့်ဖျလိုက်ဦးမယ် ခွန်းယံ မင်းလည်း ဘာမှ စိတ်မပူနဲ့နော် "
စောမာန်ဟိဏ်းက စိုင်းသော်ရာ ရောက်လာပြီမလို့ ခွန်းယံအတွက် စိတ်ချသွားဟန်ဖြင့် ဉာဏ်အံ့ထူး အနားသို့ ရောက်သွားတော့သည်။
"ခွန်းယံ..."
စိုင်းသော်ရာက စကားစသည်။
"မင်း ဉာဏ်အံ့ထူး စိတ်ကျေနပ်အောင် တောင်းပန်ကြည့်လိုက်ပါလား...
တကယ်လို့ မင်းသာ စင်ပေါ်တက်ခွင့်မရတော့ဘူးဆိုရင် ဒီနှစ်တွေ အတွင်း ကြိုးစားခဲ့တာတွေ အကုန် အလကားဖြစ်ကုန်လိမ့်မယ် "
"ငါ သူ့ကို ပြောကြည့်ပြီးပြီ... သူက လက်မခံတာ "
"ခုဏက ငါ သူနဲ့ ညှိကြည့်တော့ သူကပြောတယ် တကယ်လို့ မင်းသာ Social media ကနေ သူ့ကို တရားဝင်တောင်းပန်ရင် ဒီကိစ္စကို မသိသလို ကျော်သွားပေးမယ်တဲ့ "
"Social Media က...? "
"ဟုတ်တယ် ဘာမှ ခက်ခက်ခဲခဲမဟုတ်ပါဘူး မင်းရဲ့ official page ကနေ post တစ်ခုလောက် တင်လိုက်ရုံပဲလေ "
ခွန်းယံ ဉာဏ်အံ့ထူးရှိရာကို လှမ်းကြည့်လိုက်တော့ ဉာဏ်အံ့ထူးကလည်း သူနဲ့ စိုင်းသော်ရာ ဘက်ကို လှည့်ကြည့်နေသည်။
အကြည့်ချင်းဆုံသွားသည်နှင့် ဉာဏ်အံ့ထူးက ခွန်းယံကို "ဘယ်လို သဘောရလဲ"ဆိုသည့် ဟန်ဖြင့် မျက်ခုံးပင့်ပြ၏။
YOU ARE READING
VEILS OF MINZARI
Mystery / Thrillerလူတိုင်းက သူ့ကို နောက်နှစ်အနည်းငယ်အတွင်းမှာ မဥ္ဇရီမြို့ရဲ့ ပြဇာတ်ခုံတွေ အားလုံးကို သိမ်းပိုက်စိုးမိုးမည့် နတ်ဘုရားငယ်အဖြစ် ယုံကြည်ထားကြသည်။ 'ထိုက်ဟုန်စစ်' ထိုသူက သူ့ရဲ့ သေဆုံးခြင်းကို မဖော်ထုတ်ခင် အချိန်ထိ ခွန်းယံဟာ သူ့ရဲ့ ကကြိုးတွေက မရဏလမ်းမှ လူမျ...
