"မနေ့ညက ငါ အိပ်နေရင်းလမ်းထလျှောက်တဲ့အချိန် နင် ပြန်ရောက်နေပြီလား"
စန်းရန်၏ 'အင်း'ဆိုသည့်အသံတစ်ခု။
"...."
ဝိန်းရိဖန်က ဆက်၍ ;
"အဲ့ဒါဆို နင် တရေးနိုးပြီး အပြင်ထွက်လာအိပ်လိုက်ရတာလား"
စန်းရန်က တစ်ချက်သန်းလိုက်ပြီး ထပ်၍ 'အင်း'ဆိုသည့်စကားတစ်ခွန်း။
ဝိန်းရိဖန်က ဘေးနားမှ အပေါ်ဝတ်အင်္ကျီကိုလှမ်းယူပြီး စန်းရန်နှင့် ကောင်းကောင်းမွန်မွန်စကားပြောဆိုမည်ဟု ဆုံးဖြတ်လိုက်ကာ ;
"ဒါမှမဟုတ် ဒီလိုလုပ်ပါလား ၊ နောက်ဆိုရင် နင် မအိပ်ခင် အခန်းတံခါးကိုသော့ခတ်လိုက်လေ....ရတယ်မလား ၊ အဲ့လိုဆိုရင် ငါ သေချာပေါက် နင့်အခန်းထဲ ဝင်လို့ရမှာမဟုတ်တော့ဘူး ၊ အဲ့ဒါမှပဲ နင်အိပ်နေတာကိုမနှောက်ယှက်မိတော့မှာ"
စန်းရန်က ဂရုမစိုက်သည့်ဟန်ဖြင့် ;
"မင်း သော့ဖျက်ပြီးဝင်လာရင်ရော"
ဝိန်းရိဖန်က စိတ်ရှည်လက်ရှည်ဖြင့် ရှင်းပြလိုက်၏။
"ငါ့မှာ ဘယ်လိုလုပ်ပြီး အဲ့လိုအစွမ်းအစမျိုးရှိမှာလဲ"
"ကိုယ့်ကို အခွင့်အရေးယူပြီး အကြမ်းဖက်ဖို့အတွက်....."
စန်းရန်က မျက်ခုံးကို ဖြေးဖြေးချင်းပင့်ပြကာ အေးအေးဆေးဆေးဖြင့် ;
"မင်း မလုပ်နိုင်တာမျိုးမရှိရင်ရော"
ဝိန်းရိဖန်၏မျက်တောင်များမှာ ပုတ်ခတ်ပုတ်ခတ်။
နည်းနည်းလည်း မိုးကြိုးပစ်ချခံလိုက်ရသလိုလို။
အဲ့ဒါဆို သူမ အိပ်နေရင်းလမ်းထလျှောက်တဲ့အချိန် တကယ်ပဲ သူ့ကို အကြမ်းဖက်တာလား.....
သူမ တကယ်ပဲ အဲ့လိုလုပ်ရပ်မျိုးတွေ လုပ်မိထားတာလား.....
ဝိန်းရိဖန်သည် တစ်စစနှင့် စန်းရန်အား နားမလည်နိုင်ပါတော့ချေ။
တကယ်ပင် ထိုကဲ့သို့ကိစ္စများရှိနေပါရက်ဖြင့် အဘယ်ကြောင့် တံခါးကိုသော့မခတ်ထားရပါသနည်း။
YOU ARE READING
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 46
Start from the beginning