"လုရွှမ်.... ထွက်လာခဲ့စမ်း မင်းခေါင်းကို ဝှက်ပြီး အမြီးကိုပဲ ထုတ်ပြနေတာ မင်းဘယ်လို ယောက်ျားလဲကွ!!"
လုရွှမ် အဘိုးအိုရှေ့တွင် အေးအေးဆေးဆေး ပေါ်လာခဲ့သည်။
"မင်းရဲ့သမီးက ဘယ်သူလဲ ငါမသိဘူး ဒါပေမဲ့ ငါသတ်လိုက်တာ ဆိုရင်တော့ သေဖို့ထိုက်တန်လို့ပဲ"
ခပ်ဝေးဝေးက ပုန်းအောင်းနေတဲ့ လူတွေက ထိုစကားကြားတော့ လန့်ဖျပ်သွားကြသည်။
လုရွှမ် ရက်စက်တယ်လို့ နာမည်ကြီးကာ သူ၏ လက်ရှိနာမည်မှာ လူသတ်နတ်ဘုရား ဟူသည့် ကျော်ကြားမှုကို ရရှိထားသော်လည်း သူမည်သူ့ကိုမျှ အနိုင်ကျင့်ခြင်း မရှိသည်မှာ အမှန်ပင်။
ဆန့်ကျင်ဘက်အနေနှင့် တခြားသူများကမူ သူ၏ ကျင့်ကြံမှုကို အလယ်အလတ် အဆင့်ဟု မှတ်ယူကာ အခွင့်ကောင်း ယူချင်ကြသည်။ ဒါကြောင့် သူကိုယ်တိုင် မီးရှို့ပစ်တာပင်။
လုရွှမ် ဒီလိုပြောတဲ့အခါ တကယ်ပဲ အဓိပ္ပာယ် ရှိသလိုပဲ။
သူပြောတာက အဘိုးကြီးရဲ့ ဒဏ်ရာပေါ် ဆားနဲ့ပက်နေသလိုပင်။ သူက ဒေါသတကြီးနဲ့ ဟောက်လိုက်ကာ အသက်ရှုသံတွေ တဟုန်ထိုး ထွက်နေပြီး လုရွှမ်ကို လှမ်းဖမ်းလိုက်သည်။
"အားလုံးအတူတူ သေလိုက်ကြရအောင်!"
သူ့ခန္ဓာကိုယ်ပေါ်ရှိ အလင်းရောင်သည် လင်းထိန်နေပြီး အသွင်အပြင်က ထင်ရှားလာရာသလို မြေကြီးပါ တသိမ့်သိမ့် လှုပ်ခါလာတာကြောင့် သူ့ကိုယ်သူ ပေါက်ကွဲတော့မည်မှာ ထင်ရှားလေသည်။
သို့သော် သူ အော်ဟစ်လိုက်ပြီးနောက် သူ့လက်တွေ ရုတ်တရက် တုန်ခါသွား၏။ အဘိုးအိုသည် လုရွှမ် ခန္ဓာကိုယ်မှ ကြီးမားသော စွမ်းအားများ ထိုးထွက်လာတာကို သိသိသာသာ ခံစားလိုက်ရသည်။ ထိုစွမ်းအင်သည် ကြီးမားပြီး မခံမရပ်နိုင်ဖြစ်ကာ သူ့ခန္ဓာကိုယ်ကို ထပ်ခါထပ်ခါ တုန်ရီလာစေသည်။
ဝုန်း!
ပေါက်ကွဲသံတစ်ခု ထွက်လာပြီး သွေးမိုးများ ရွာကျလာသလို လူတစ်ယောက်ရဲ့ ခန္ဓာကိုယ်ဟာ ပေါက်ကွဲသွားတော့သည်။ လုရွှမ် လက်တစ်ချက် ဝေ့ယမ်း၍ အဖိုးအို၏ ခြေရာလက်ရာ အားလုံးကို သုတ်ပစ်လိုက်သည်။
YOU ARE READING
ပြန်လည်မွေးဖွားလာသောဧကရာဇ် (book 3)
幻想Arc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 4🗡113🗡သူတော်စင်တစ်ပိုင်းသို့ ရောက်ရှိခြင်း
Start from the beginning
