Chapter (58) Arc 4
သွေးပိုးကောင်
ထိုလူ၏ ခွန်အားသည် သေမျိုး အသွင်ပြောင်းခြင်းနယ်ပယ် အဆင့် (၈) ဆင့်သာ ရှိပြီး ပျံသန်းတာတွေလည်း မလုပ်နိုင်ပေ။ ဒီလောက်လေးနဲ့ သူ့ကို သတ်မယ်တဲ့လား။
သူက သေမျိုးအသွင်ပြောင်းခြင်းနယ်ပယ် အဆင့်၇သာ ရှိပေမယ့် သူ့ခွန်အားက တခြားလူတွေနဲ့ မတူဘူးလေ။ ဒီခွန်အားက တခြားသူဆီက အနိုင်ကျင့်ခံရမယ်တဲ့လား။
ထန်း!
ပီသပြက်သားသော အသံနှင့်အတူ ဓားဖျားသည် လုရွှမ်၏ ခေါင်းထက်တွင် ရပ်သွားပြီး လုရွှမ် သူ့လက် တစ်ဖက်တည်းဖြင့် ဖမ်းထားလိုက်သည်။
"ဟေးဟေး... ကျုပ်က နောက်နေတာပါ... သူရဲကောင်း လုရွှမ်က တကယ်ကို ချောမောပြီး ခွန်အားကလည်း သာလွန်ထူးကဲတယ်... လောကမှာ နံပါတ်တစ်ပဲ... ကျွန်တော် ရုတ်တရက် ဆေးမသောက်ရသေးတာကို သတိရလို့ ဆေးအရင် ပြန်သွားယူလိုက်ဦးမယ်..."
လူတိုင်း အံ့အားသင့်သွားစဥ် လုရွှမ်က ထိုလူကို ပြန်ကန်ထုတ်လိုက်လေသည်။
ယန်ရှီးဘေးက လူတိုင်းလည်း သည်းမခံနိုင်တော့ဘဲ ကျယ်လောင်စွာ ရယ်မောလိုက်ကြသည်။
"အဟားဟား...."
"ငရဲကို သွားလိုက်တော့!"
ဓားအလင်းတစ်ခု ရုတ်တရက် လွင့်ထွက်လာပြီး လေထဲ၌ လှည့်ပတ်ကာ ဆုတ်ခွာသွားရသော လူကို နှစ်ပိုင်း ဖြတ်ပစ်လိုက်သည်။
သွေးတွေ ဖျန်းခနဲ စီးကျလာပြီး ထိုလူရဲ့ခေါင်းက ခပ်မြင့်မြင့် ပျံထွက်သွားကာ လုရွှမ်ရဲ့ နံဘေးကို လိမ့်ကျလာခဲ့လေသည်။ ယန်ရှီးနဲ့ တခြားသူတွေကလည်း အဲဒီလူရဲ့ မျက်နှာပေါ်က ဝမ်းနည်းစရာကောင်းတဲ့ အပြုံးကိုတောင် ရှင်းရှင်းလင်းလင်း မြင်လိုက်ကြရ၏။
ခဏအတွင်း သူ့ဦးခေါင်းက ခန္ဓာကိုယ်ကနေ ရွေ့သွားရမယ်လို့ မထင်ထားဘူး။ လုရွှမ်ရဲ့ အကြည့်တွေလည်း ရုတ်တရက် အေးစက်သွားတော့သည်။
ဒီက???
လုရွှမ် အဲဒါကို တွေးတောင် မတွေးတော့ဘဲ သူ့လက်ကို ဝှေ့ယမ်းလိုက်ပြီး အခင်းအကျင်း တံဆိပ်ပြား တစ်ခုကို ပစ်ချလိုက်သည်။ စိတ့ဝိညာဉ်စွမ်းအားတွေ လွင့်စင်သွားကာ သူ့ခန္ဓာကိုယ် တစ်ဝိုက်ကို ပိတ်ဆို့စေတဲ့ စွမ်းအင် အကွက်တစ်ခုကို အမြန်သတ်မှတ်လိုက်ပြီး သေးငယ်တဲ့ အခင်းအကျင်း တစ်ခု လျင်မြန်စွာ ဖြစ်ပေါ်လာခဲ့၏။
JE LEEST
ပြန်လည်မွေးဖွားလာသောဧကရာဇ် (book 3)
FantasyArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
