ကျုံးစစ်ချောင်နှင့်တွေ့ပြီး ပြန်လာသည့်လမ်းတစ်လျှောက်လုံးတွင်လည်း ဝိန်းရိဖန်က စန်းရန်၏ Blind Date အကြောင်းကိုသာ တွေးနေခဲ့သည်။ ဟုတ်ပါ၏ ၊ သူမနှင့်ဘာမှမသက်ဆိုင်သောကိစ္စ ၊ စန်းရန်၏ သူ့အကြောင်းသာဖြစ်သည့် ကိစ္စပင်။
သူ့မိသားစုအမြင်တွင် သူဟာ သင့်တော်သည့်အရွယ်တစ်ခုရောက်နေပြီဖြစ်သည့်အတွက် လက်တွဲဖော်တစ်ယောက် စီစဥ်ရှာဖွေပေးသည်မှာ လွန်စွာကျိုးကြောင်းသင့်လှပါသည်။ သူမအနေဖြင့် အရင်ကအတိုင်း နားထောင်ပေး၍သာ ပြီးသွားသင့်သည့်ဖြစ်ပြီး မေးကြည့်နေစရာအကြောင်းလည်းမရှိသလို ဝင်ရောက်စွက်ဖက်နေဖို့ရာလည်းမသင့်။
သို့သည့်တိုင်အောင် ယနေ့ညတွင် အဘယ်ကြောင့်မှန်းသေချာမသိပါဘဲ သူမ၏အမူအကျင့်များဟာ အတော်လေးကို ထိန်းချုပ်မှုကင်းမဲ့နေကြောင်း သိရှိိလိုက်ရပါတော့၏။
ဤလုပ်ရပ်ဟာ မကောင်းသည့်အကြောင်း အမြဲတမ်းခံစားသိရှိနေသည့်အတိုင်း ကျူးလွန်လိုက်ဖို့ရာလည်းမသင့်။ လုပ်ရပ်လေးတစ်ခုကြောင့်ဖြင့် လုံခြုံနေသည့်အကွာအဝေးလေးတစ်ခုကို ချိုးဖောက်ပစ်နိုင်သည်မဟုတ်လား။ သူမပြောလိုက်သည့် စကားတစ်ခွန်း ၊ လုပ်ရပ်တစ်ခု ၊ ဖော်ပြမိသည့်ခံစားချက်တစ်ခုချင်းစီတိုင်းအတွက် အားလုံးဆီလျော်နေရန်မှာလည်း ပို၍ပင်မဖြစ်နိုင်ပါချေ။
သူမတွင်လည်း ခံစားချက်ဟူ၍ရှိသည်။
မမျှော်မှန်းထားရဲသော စိတ်ဆန္ဒများလည်း ရှိပါသည်။
သူမသည်လည်း သူ့အနားသို့ အနည်းငယ်လေးမျှဖြစ်ဖြစ် နီးကပ်သွားကြည့်ချင်ပါသေးည်။
ထို့အပြင် အကွာအဝေးဟာ သိပ်ခြားနားလွန်းနေမည်ကိုလည်း တွေးကြောက်မိပါတော့သည်။
စန်းရန်၏မိသားစုအခြေအနေမှာ ကောင်းမွန်လှပြီးပြည့်စုံသည့်ဘဝမျိုးကိုပိုင်ဆိုင်ထားရသည်။ အသက်ငယ်ငယ်ဖြင့် ဘားတစ်ခုကိုဖွင့်ထားနိုင်သည့်အပြင် လက်ရှိတွင် အသက်တူရွယ်တူများထက်သာသည့်အလုပ်အကိုင်မျိုးပါ ရှိထားသည်။ သူ လုပ်ချင်သည့်ကိစ္စရပ်တိုင်းကို အခက်အခဲမရှိ လွယ်လွယ်ကူကူကျော်ဖြတ်လုပ်ဆောင်နိုင်ပြီး မည်သည့်အဆင်မပြေမှုမျိုးကိုမှလည်းတွေ့ကြုံနေရသညမျိုးမဟုတ်။
VOCÊ ESTÁ LENDO
နှင်းဦးဝေဝေ [ ဘာသာပြန် ]
Romanceဒီလောက်နှစ်တွေအကြာကြီးကြာခဲ့တာတောင် ကိုယ် အခုချိန်ထိ မင်းတစ်ယောက်တည်းကိုပဲ သဘောကျနေခဲ့တာပါ -စန်းရန်-
Chapter 43.2
Começar do início