👰🏼 အနောက်တိုင်းမင်္ဂလာဆောင်တွေမှာ သတို့သမီးတွေ ဝတ်လေ့ရှိကြတဲ့ ခေါင်းဆောင်းပဝါအပါးလေးကို
အင်္ဂလိပ်လို veil (ဗေးလ်) လို့ ခေါ်ပါတယ်။👿 သတို့သမီးကို နတ်ဆိုးတွေ နဲ့ ကံဆိုးမှုတွေကနေ အကာအကွယ်ပေးဖို့ဆိုတဲ့ အယူရှိကြသလို
ခရစ်ယာန်ဘာသာမှာ လက်မထပ်ခင် အတူမနေရတဲ့အတွက် အပျိုစင်သတို့သမီးရဲ့ အပျိုမြှေး (hymen) ကို ကိုယ်စားပြုတယ်လို့လည်း ဆိုကြပါတယ်။🧕🏻 ဒါ့အပြင် ခရစ်ယာန်သီလရှင်တွေ ဝတ်ကြရတဲ့
ဦးခေါင်းခြုံထည်ကိုလည်း veil လို့ပဲ ခေါ်ပါတယ်။
ခရစ်ယာန်ဘာသာမှာ သီလရှင်တွေဆိုတာ ယေရှုခရစ်တော်ရဲ့ သတို့သမီးတွေလို့ မှတ်ယူကြလို့ ဖြစ်ပါတယ်။⛪ ဒါကြောင့် take the veil ဆိုရင် "ခရစ်ယာန်သီလရှင်ဝတ်သည်" လို့ အဓိပ္ပာယ်ရပါတယ်။
👀 တစ်ခါ တစ်ခုခုကို မမြင်ရအောင် ဖုံးကွယ်ထားတဲ့ အလွှာပါးမှန်သမျှကိုပါ veil လို့ ခေါ်လာကြပါတယ်။
🌁 The bridge is hidden beneath a veil of mist.
တံတားကို မြူလွှာဆိုင်းက ဖုံးကွယ်ထားတယ်။🤫 ဒါ့အပြင် ကိစ္စတစ်ခုခုကို မသိရလေအောင် ဖုံးကွယ်ထားတဲ့အရာတွေကိုလည်း veil လို့ပဲ တင်စားခေါ်ဝေါ်ကြပါတယ်။
☢️ The Manhattan Project was carried out behind a veil of secrecy.
အမေရိကန်တွေရဲ့ ပထမဆုံးအဏုမြူဗုံးစမ်းသပ်မှုတွေကို သတင်းအမှောင်ချပြီး သိုသိုသိပ်သိပ် လုပ်ဆောင်ခဲ့ပါတယ်။🫣 veil ကို ကြိယာအနေနဲ့ သုံးရင် "မျက်နှာကို ပဝါနဲ့ကာသည်"/ "တစ်ခုခုကို တစ်ခုခုနဲ့ ဖုံးအုပ်သည်" လို့
အဓိပ္ပာယ်ရပါတယ်။🌥 The sun was veiled by clouds.
နေကို တိမ်တွေက ဖုံးထားတယ်။↔ veil ရဲ့ ဆန့်ကျင်ဘက်ကြိယာအနေနဲ့
unveil နဲ့ reveal ဆိုပြီး နှစ်မျိုးရှိပါတယ်။🎉 unveil ကို ရုပ်တု၊ အဆောက်အအုံ၊ မော်ကွန်း၊ စာတန်း စတာတွေကို အခမ်းအနားနဲ့ ဖွင့်လှစ်တာ၊
ကုန်ပစ္စည်းအသစ်တစ်ခုခု၊ အစီအစဉ်တစ်ခုခုကို
လူအများရှေ့မှောက်မှာ မိတ်ဆက်တင်ပြတာတွေ
အတွက် သုံးပါတယ်။📱 Apple unveils a new iPhone every year.
Apple က နှစ်တိုင်း iPhone အသစ်တစ်မျိုးကို
မိတ်ဆက်လေ့ရှိတယ်။🕵🏼♂ reveal ကိုတော့ သတင်းအချက်အလက်တွေနဲ့
ပုန်းနေ၊ ဖုံးနေတဲ့အရာတွေ ပေါ်တာ၊ ဖော်တာတွေနဲ့
စပ်လျဉ်းပြီး သုံးတတ်ပါတယ်။reveal a secret = လျှို့ဝှက်ချက်ကို ဖော်ထုတ်သည်။
reveal the details = အသေးစိတ် ထုတ်ပြောသည်။
reveal the darkside = အမှောင်ခြမ်းကို ထုတ်ပြသည်။👙 ဒါကြောင့် ပုံမှန်ထက် ပိုဖော်ထားတဲ့ အဝတ်အစားတွေအတွက် revealing ဆိုတဲ့ Adj ကို သုံးလို့ရပါတယ်။
a revealing skirt = တိုလွန်း၊ ဖော်လွန်းသည့် စကတ်။
With love,
YKL
28 Jan, 2023
DU LIEST GERADE
Let's learn English
SachbücherEnglish vocabularyများ နှင့် grammar တစ်ချို့ ကို လေ့လာသင်ယူနိုင်စေရန်