"ကျီးကန်း... ဒါမှမဟုတ် မင်းသူ့ကို ခေါ်ထားပေးပါလား?"
လုရွှမ် ပြုံးလျက် ဆိုလိုက်သည်။
ဒီကလေးလေးရဲ့ အထောက်အထားက တကယ်ကို ထိလွယ်ရှလွယ် လွန်းလို့ လုရွှမ်သူမကို မိန်းကလေး၅ယောက်ဆီ ပို့ပေးချင်လေသည်။
မိန်းကလေးတွေက သူမကို သူတို့ညီမလို ဆက်ဆံကြမှာ သေချာလေ၏။ သို့သော်လည်း အခုအချိန်မှာ မြို့ထောင်ချီမဟာမိတ်က ရုန်းရင်းဆန်ခတ် ဖြစ်နေတဲ့ အချိန်မို့ ဒီကောင်မလေး ရှိနေတာကို တစ်ယောက်ယောက်က သိသွားရင် မိန်းကလေး ငါးယောက်တောင်မှ အန္တရာယ် ရှိလိမ့်မည်။
ယခု သူတို့သည် အရိပ်လူသတ်ခန်းမ၌ နေထိုင်ကြပြီး ထျန်မိသားစုမှ လူများသည် ကလေးမလေးကို အန္တရာယ်ပေးလာနိုင်မလား ဘယ်သူက သိမလဲ။ ဒါကြောင့် အကောင်းဆုံး နည်းလအ်းကတော့ ကျီးကန်းကို သဘာဝအတိုင်း ကလေးမလေးအား ခဏလောက် ခေါ်သွားစေပြီး ကျောက်စိမ်းထဲမှာ ဝှက်ထားပြီး ဖြည်းဖြည်းချင်း လေ့ကျင့်ပေးခြင်းပင်။
သူမ သူတော်စင်တစ်ပိုင်း ဖြစ်လာသောအခါ အန္တရာယ် အားလုံးကို သဘာဝအတိုင်း ဖယ်ရှားပြီးသား ဖြစ်သွားလိမ့်မည်။
ထိုအခါ ကျီးကန်းက အော်ဟစ်လာ၏။
"ငါ ကမ္ဘာပေါ်မှာ အလှပဆုံး အကောင်းဆုံး ဝိုင်ကို လိုချင်တယ်"
ကျီးကန်းက အရက်သမား ဖြစ်တာကို သိသဖြင့် လုရွှမ် လျင်မြန်စွာ သဘောတူခဲ့သည်။ ကလေးမလေး နိုးလာသောအခါ လုရွှမ် အတိုချုံးရှင်းပြပြီး ကျောက်စိမ်းပြားထဲသို့ ပို့လိုက်သည်။
လုရွှမ်သူ၏ အသွင်အပြင်ကို ပြောင်းလဲကာ လာရာလမ်းအတိုင်း တိတ်တဆိတ် ပြန်လှည့်သွားခဲ့သည်။ အဝေးကနေ ဦးစွာ အကဲခတ်ကြည့်လိုက်တော့ မျက်နှာဖြူ အမျိုးသားတစ်ဦးသည် သူ့နောက်တွင် အစောင့် တစ်ဒါဇင်ကျော် ဝန်းရံထားတာ တွေ့လိုက်ရ၏။
အစောင့်များ အားလုံးမှာ ထူးကဲသော ခွန်အားများရှိပြီး သေမျိုးအသွင်ပြောင်းခြင်းနယ်ပယ် အဆင့်၉ များ ဖြစ်ကြသည်။ မျက်နှာဖြူ လူငယ်ရဲ့ ဒေါသအရှိန်အဝါကို ခံစားမိတာကြောင့် အနားကို ဘယ်သူမှ မချဉ်းကပ်ရဲကြချေ။
YOU ARE READING
ပြန်လည်မွေးဖွားလာသောဧကရာဇ် (book 3)
פנטזיהArc 3 chapter (160) ရဲ့ အဆက်ပါ Arc 3 chapter (160) ရဲ႕ အဆက္ပါ
Arc 4🗡72🗡ယွမ်စံအိမ်နဲ့ဆက်ဆံရေး
Start from the beginning