انا لك وطن وانت لي امان

19

< انا لك وطن وانت لي امان >
تعريف بسيط عن ال هيّاف
الجد : عبد الحاكم  متوفي
زوجته الجده : مزنه
عيالهم
مشبب (ابو مبارك)
سعد ( ابو البندري و رواف ومسعود )
خالد ( ابو ثنيان وعبدالله وفهد ماعنده خوات )
سعود (مطلق وسبع بنات )
محمد ( ابو صالح واربع بنات )

عبدالملك اخو عبد الحاكم متوفي
مارزقه ربي بعيال
بناته
مهره ( ام عبدالملك)
سلمى ( ام ثنيان)
منيره ( ام صالح )
حليمه ( ام مطلق )
عزيزه ( ام البندري)

نعرّف وضائف العيال
مطلق ورواف وصالح : في مكافحة ال.م.خ.د.ر.ا.ت
ثنيان وعبدالملك : فالشرطه

( سبب رفض عبدالملك مايبي اخته تدخل بين مشاكل ابوه واعمامه )

" يوم جديد "
زواج فهده
الساعه 7:00 صحو البنات وتقدمت مها وناديا للمطبخ يجهزون لهم فطور ومي وشوق يجهزون الفساتين وريماس ولميس ياخذون شور وريهاف باقي نايمه
تقدمت شوق تدق الغرفة الي نايمه فيها ريهاف وفتحتها وتقدمت : ريهاف
ريهاف : ...
شوق هزتها : ريهاف
لفت شوق للباب الي فتح وناظرت لميس طالعه ولافه روبها وكرشتها بارزه ولفت بحنيّها : لميس اولدي بسرعه مرهه ابيهم
ضحكت لميس وهي تمسح بطنها : اهخخ بديت اتعب صدق ودي اولد وافتك
ريهاف وهي تمثل النوم : لا تكفين مو الحين اصبري ماشبعت نوم
ضحكت شوق وابتسمت لميس : احس ابيهم بسرعه
ضحكت ريهاف وهي تجلس : اقول اتركوا كل شيء مابغا احظر الزواج
شوق : وانا بعد بس غصب وعدنا خاله ساميه
وقفت ريهاف وقالت بضحك : جعلها تولد
ضحكوا البنات وكلمت لميس : استغفري ياحيوانه
دخلت ريهاف لدورة المياه بتاخذ شور وطلعت شوق للبنات بالصاله وقفت لميس تلبس بجامتها وطلعت للبنات وناظرت مي الي تستشور شعر ريماس : بنات
لفو عليها وكملت : متى بنطلع؟
مها وهي تحط مناكيرها : اتوقع الساعه ٦ المغرب لانهم بيقدمون الزفه
جت شوق وهي تضحك وجلست بالصاله : اهخخ ريهاف المجنونه تقول ان شاء الله تولد بوسط الزفه
ضحكت مها : امين يارب
لميس : لا يابنات تكفون اخاف مني انا
ضحكت شوق: اهخخ يارب تولد وياخذ ربي حق سنيننا منها
مي ضحكت وهي تستشور شعر ريماس : ياشماتتتي فيها لو تولد
ضحكت ريماس : مين يحط لي مناكير؟
مها ابتسمت : انا عيوني الثنتين احط لك تعالي
كانت بتروح ريماس و مسكتها مي : تعالي بحط لك مكر
لفت شوق : لا يحماره بيعورها اتركيها
راحت ريماس عند مها ومدت يديها وحطت لها مناكير ولفت مي للشوق : مين باقي ما استشور ؟
وقفت لميس : بستشور انا
شوق لفت : لالا سوي شعرك ويفي بيطلع بيرفكت
لميس ناظرتها : ايي ايي عارفه بس بستشور وبعدين بسويه ويفي ابي الفوليوم
وكملوا البنات تجهيزاتهم وشوي طلبوا القهوه وشغلوا اغاني فالتلفزيون وسووو ميكبهم وبدو يلبسون فساتينهم وكعوبهم وطلعوا ووقفت شوق على المرايه وصورت نفسها وضحكت مي وهي تناظرها : افا بدوني ؟
ضحكت شوق وتقدمت مي وصورت معها وصرخت شوق : بنات
ردت عليها مها بنفس الصراخ : هلا
شوق ضحكت: صوره ؟
ضحكت ريهاف وهي تسبق ناديا : جايككك
ضحكت شوق من هبالهم وقفوا كلهم قدام المرايه وبدوا يصورن بعضهم وشوي دق جوال لميس وردت : هلا
رقم السجن : لميس معي ؟
طلعت لميس من عند البنات من عرفت الصوت و ابتسمت لميس: ايي
ابتسم عناد : كيفك؟
ضحكت لميس : قصدك كيفكم ؟
ضحك عناد : كلكم كيفكم؟
ابتسمت لميس وهي تمسح على بطنها  : كلنا بخير واوضاعنا تمام الحمدلله
ابتسم عناد : الحمدلله انتبهي لنفسك ولهم واي شي تحتاجينه كلميني او امي وابوي ومابيقصرون
ابتسمت لميس: آن شاء الله
قفلت لميس منه وناظرت البنات الي بعبايتهم : الحين؟
ابتسمت مها : قاعتها اخر الدنيا ومع زحمة الرياض زين ان وصلنا بدري بعد
ابتسمت لميس :تم انتظروني بلبس عبايتي
هزو روسهم البنات وطلعت مها وهي تشغل سيارتها وناظرت سيارة رشيد الي وقفت ونزلت ام رشيد : خلصو البنات؟
هزت راسها مها وطلعوا البنات وانقسامهم زي كل مره الي تحت حماية الميتم مع ام رشيد وركبت ناديا وريهاف وريماس وسيارة مها لميس وشوق ومي
طلعوا وحركت مها خلف رشيد وكلموا الين وصلوا القاعه ودخلوا البنات ودق المندوب على مها وبلغها ان الهديه وصلت وطلعت مها تاخذ بوكيه ورد وقلاده بسيطه من سوار فيسكي ودخلوا القاعه وناظرو الحظور الكبير وتقدمت مي والبنات للطاوله الفاضيه وجلسوا وابتسمت ام رشيد: كل شي يهبل ماشاءالله
ضحكت شوق : والله الصدق حلو بس لانها فهده فا يفشل
ضحكت مي: البعير لا حقد
ضحكت شوق واخذت علبة الفاين الصغيره ورمتها على مي : انقلعي يالحمار
ضحكوا البنات وشوي بدت الاغاني تشتغل فالقاعه والحظور يرقصون وصرخت مي بصدمه : بناعععت
لفوا عليها وكملت : شوفو ام اصفر ذي
لميس صغرت عيونها تناظر : وينها اي وحده
ضحكت بعلو صوتها مي : يابنتي
وهي تاشر :  ذي ذي
لفوا عليها وكملت مي بضحك : شاهره مديرة الميتم حق الشرقيه
ضحكت شوق: يع والذوق اصفر فالشتاء
ريهاف وهي تناظر : بنات ماتلاحظون مافيه احد منهم يعرف يلبس
ام رشيد ابتسمت : الا شوفو خواتها ماشاءالله
ناظرتهم شوق ورجعت تلف لهم : الملابس حلوه لكن الملامح تمرض
ضحكت ام رشيد : بس ياشوق بس خلقة الله
ضحكت مي : ودي اشوف وِصال اذا ولدت كيف بتصير بعد ماحشت امها في خليقة الله كلهم
عضت شوق اصبعها : استغفر الله الله يسامحني
ضحكت مها : بعد ايش ؟
ضحكوا البنات وسكتوا من ابتدت الزفه وناظرو فهده الي بدت تدخل وتنزف خطوه خطوه
وقفت فهده بنص الزفه من حست بموية الجنين تنزل ولفت على ام رشيد حلّها الوحيد وناظرتها ام رشيد من شافت وجهها وقفت ام رشيد بصدمه وتوسعت عيون البنات بصدمه وقفوا مع ام رشيد ومسكت ام رشيد فهده وطلعتها برا وهي تتصل على رشيد ووقفت مي وهي تنادي العاملات يمسحون المويه من الارض وطلعت شوق لهم وهي ماسكه نفسها ماتضحك وناظرت في فهده وناظرتها فهده : قولي لهم يلغون كل شي ويروحون يتعشون او يطلعون
هز راسها شوق ودخلت وشوي صرخت فهده بالم وصل رشيد وتقدمت ناديا وريهاف يعطونها عبايتها الي وصتهم ام رشيد يجيبونها وقفت ام رشيد : رشيد برا يالله نطلع
وقفت فهذه بألم وطلعت مع ام رشيد
دخلت شوق  للمسرح وهي تتبختر وتضحك وطلعت للمطربه واخذت المايك : ياحبايبي انتهى الزواج تعشوا والله يستر عليكم
نزلت وهي تتبختر وتضحك
ناظروها البنات وهي تضحك وضحكت لميس : مبسوطه الحيوانه
وقفت مها : تبغون ناكل هنا؟
ريماس : لاتكفون نبي ماك من زمان ما اكلناه ضحكت شوق من خلفها : عيوني لك
مها ضحكت : اوكي بس ترا بنتزاحم بالسياره لان رشيد الي وداهم
ضحكت شوق وهزت راسها وطلعوا البنات واخذوا عباياتهم
ولفت ريهاف على مي : بنت
لفت مي تناظرها وكملت ريهاف  : ناخذ صحن الحلا؟
ضحكت مي : اي واحد ؟
ولفت ريهاف : البلجيكي
هزت راسها مي ولفت للبنات : اطلعوا دقايق وبنطلع
طلعوا البنات للسياره واخذت مي صحن الحلاوة البلجيكي وطلعوا السياره ناظرتهم مها بصدمه وضحكت بعلو صوتها: عشقييي
تقدموا البنات يركبون وضحكت شوق من ناظرت الصحن : غنيمة عرسها
ضحكوا البنات وضحكت مي : بناعت ازحفوا
سحبت شوق ريماس وجلست بحضنها ولفت عليهم لميس : هاتوا ريماس عندي قدام
رفضت مها : لا لا خلوها
لفت على ريماس: تعالي اجلسي على التكايه هنا
هز راسها ريماس وجلست على التكايه بين لميس ومها وركبت مي والبنات جنبها وقفلت الباب وحركت مها ولفت لهم : تبغون ننزل نتعشى ؟
ضحكت شوق: ايي ايي امانه
للميس ضحكت : لا لا تطلب درايف ثرو
مي ضحكت : لا لا امانه بننزل
ريماس بصدمه : بفساتينكم ؟
ضحكت ريهاف : لابسين عباياتنا ياعيوني عادي
ضحكت مها وحركت لماك ونزلوا البنات بفساتينهم وكعوبهم ودخلت لميس تطلبهم بما انها كانت اهونهم من ناحية اللبس والشكل والميكب ولا كانت لابسه كعب كانت لابسه فلات طلبت واعطتهم رقم الغرفه ورجعت للبنات
بداية اليوم عند ال هيّاف
وصلت الموافقه ثنيان من مشبب لكن كان ضمنها من كلام مشبب ( بنتي لو يصيبها شي بكيتك يا ولد خالد والله لا ابكيك ولا تجلس عندها ولا تشوفها عينك )
كانت هذي كفيلة انها تهد حيل ثنيان بس كان عاجبه الوضع اهم شي تكون قريبه من عينه ويتطمن عليها قطع عليه دخول عبدالملك وقفت ثنيان بابتسامه: ارحب يالنسيب
عبدالملك بغضب وحده : تعقب
سكت شوي وكمل : الوضع بيكون كالتالي انا وانت ايام دواماتنا تختلف الايام الي انت تداوم فيها انا بروح لساره والايام انا اداوم بتروح انت وسلطان غيرها بتنثبر
شد على قبضة يده ثنيان بقهر بس هز راسه بتسليك علشان يفتك من الوضع لين تصير ساره حلاله طلع عبدالملك واخذ جواله ودق على لمى وقالها تلبس عبايتها وتطلع وطلع عبدالملك من المركز وحرك لبيت ابوه وركبت لمى وحرك عبدالملك للشقته ونزل بغضب وفتح الباب ودخل ودخلت خلفه لمى ودخلوا الشقه وجلس عبدالملك ومسك راسه وجلست لمى قباله رفع راسه عبدالملك يناظرها بهدوء وناظرته : شصار ؟
ابتداء عبدالملك يقولها وش صار لانه دايم يقولها وهي كانت دايم تسمع له وتعطيه رايها وتشور عليه وكمل الين نطقت لمى : ابوي كلّم ساره امس بس ماقال لها انها في خطر ولا شي
عقد حاجبه عبدالملك واعتدل في جلسته : كيف؟
لمى: امس ناداني ابوي انا وساره وعمتي هيله وقال لنا ثنيان خطب ساره وناظر ساره وقالها بين ثنيان واخوانك مشكلة بتوافقين تاخذينه ؟ وتنهين لي بينهم ولاماتبغين وتكبر المشاكل بينهم وسكتت ساره تفكر ورفضت عمتي هيله ولف لها ابوي وسكتها قال الكلام لساره يا ايه واحلف لها مايقربها ولا يعترضها وبتجلس في شقتها ولا ترفض وتجلس واخوانها رجال بيقومون بها وشوي وقفت عمتي هيله وزعلت وطلعت ولف ابوي علي وتنهد وقال كيف خوات ثنيان قلت ماعنده خوات وثنيان ما اعرفه الا بخيره بس
عبدالملك: طيب وش قالت ساره؟ تحسينها انجبرت ولا لا
هز راسها لمى : ايي احسها وافقت علشانكم وبعدين هي تعرفه؟
هز راسه عبدالملك: شافها الحيوان بملكة ناصر
شهقت لمى وكمل عبدالملك: اففف لا تنجبر ياخي
لمى يحزن : ابوي قال الملكه الليله المغرب ويتعشون وياخذها
فز عبدالملك : بذا السرعه؟؟؟
لمى وقفت : عبدالملك اهدا وانت قلته زواج على الورق وانت بتستلم عندها مره وسلطان مرهه وثنيان باحلامه باخذها اهدا
بس اخواني من قالهم ؟ احد قالهم
هز راسه عبدالملك: انا قلت لهم بالمستشفى
لمى جلست وجلس عبدالملك: وش قلت؟
عبدالملك اخذ نفس: ولاشي ابوي قالهم اخوكم طريح فراش وحلو للمستشفى وقلت لهم الحقوا ابوي بيزوج ساره ثنيان لا تخلونها تروح له وبعدها مدري ما اتصلت عليهم.
عند مشبب وعياله
بعد صدمة العيال
دخلوا وبسرعه اتجه مبارك ليزيد الي يلعب بلاستيشن: وين ابوي؟
هيله من خلفهم : فالمجلس
انطلقوا العيال وفتحوا المجلس وتقدم عزام : بوي وش السالفه ؟ الكلب خطب ساره وانت وافقت؟
ناصر : يعقب والله ماياخذها
مشبب : ليه من بيمنعها؟ لايكون انتو
فهّاد بغضب ورفع صوت : اييه انا والله انه ماياخذها الا على جثتي
مشبب بنفاذ صبر : من الحين اقولكم تجهزو المغرب بيجون يخطبون والعشاء بتروح معه
جن جنون نيّاف: يبه يبه نفداك انت تسمع وش تقول ؟ بوي ساره ساره بتروح !
فهّاد جلس وهو ماسك راسه ورفع نظره مبارك على ابوه : وش الي يستاهل علشان تعطيه ساره
وقف مشبب وهو يقول الكلام لعياله : ساره زوجتها ولد عمها وبتروح هي موافقه وانا موافق وطلعوا لي ثنين منكم يشهدون
ختم كلامه وطلع وترك وراه ٦ اشخاص يفورون غضب وصاح فهّاد بقهر : اي عم اي ولد عم اختي ذي اختي
مبارك مسك راسه وهو بينفجر وقف من تذكر : ولد انت وياه
لفوا عليه كلهم ونطق : ولد ساره نسيناها
وقفوا كلهم وبدوا يركضون لغرفة ساره ودقوا الباب وفتحت لهم ودخلوا وناظروها وتقدم يزيد : انتي موافقه عليه ؟ تبغينه ؟
هز راسها ساره وتقدم مبارك يمسك كتوفها : قولي الصدق ؟ والله لو تقولين لا انه لا وان قلتي ايه والله ما اعترضش وان اخليش تكملين
ساره : ايه
ماتحملت اكثر وبكت ساره وفزو اخوانه بمنطوق واحد يتعزون: وانا اخو ساره
وقف مبارك وهو يحضنها وعرفوا العيال انهم ضغطوا عليها وبكت ساره وباس راسها مبارك : دامش تبغينه وذا رايش والله ماوقف بطريقش
طلع فهّاد ونيّاف وهم يحملون غضب الدنيا وتوجهوا للمقلط مكان نومهم وكل واحد ماسك راسه من الصدمه
عند البنات الي فالمطعم
كانوا ساكتين ودخل العامل ونزل طلبهم وناظرتهم مي كلهم ساكتين وابتسمت تناظرهم وناظروها وفهموا وضحكت شوق يعلوا صوتها وانفجرت مها بعدها وضحكت لميس وهي تحاول تسكتهم علشان ما يزعجون الناس فالمطعم: بس بس حسبي على ابليسكم بس
كانت تحاول تسكتهم بس طاحوا البنات ضحك وبدت عيونهم تدمع من الضحك وريماس جالسه فوق الطاوله تاكل بطاطسها وتضحك معهم وهي ماتدري وش يضحكون عليه حتى
حاولوا البنات ياكلون وهم كلما تذكرو انفجرو يضحكون وقفت مي الي ماقدرت تاكل وهي تمسح دموعها بس ماقدرت وانفجرت تضحك مره ثانيه وبعد مرور ساعه تقريبا قدرو ياكلون الي ياكلون وغسلوا وطلعوا وركبوا السياره وحركت مها وفي نص الخط ضحكت مي بعلو صوتها وضحكوا البنات لميس ضحكت : مييي بنت خلاص
ضحكت مي: بنات الهديه يبغا لنا نغير كرتها من مبروك الزواج لمبروك النونو
ضحكت شوق بعلو صوتها : اهخخ مقدر بطني يوجعني
ضحكت ريهاف : ربي نصرني واستجابت دعوتي
حركت مها تطلع لجنب الخط وقفت السياره وهي تضحك واخذت فاين ومسحت دموعها : بس تكفون ماتحمل
ريماس بحسن نيه : هي توها تزوجت كيف جاها نونو صغير؟
وانفجروا البنات يضحكون من جديد وقاطع ضحكهم شاشت السياره الي توضح ان فيه احد دق وردت مها بسرعه على ام رشيد: بنات
ردت مها بضحك : لبيه
سمعت ضحكهم ام رشيد وابتسمت : بس يابنات بس يالله سكت رشيد عندي
ضحكوا البنات من جديد وماتحملت ام رشيد وضحكت : وصلتوا للبيت؟
مها بضحك : قربنا من البيت بنرجع الحين
ام رشيد ضحكت : انتبهوا في دربكم واذا وصلتوا طمنوني وبس من الضحك
مها ضحكت : من عيوني
قفلت ام رشيد وضحكت مي : حتى رشيد يضحك
لميس ضحكت :  تلاقينه هارب من خاله ساميه علشان ماتهزئه
شوق ضحكت : اهخخخ بنات بكيت
ضحكوا البنات وحركت مها لشقه وصلوا البيت ونزلوا البنات بضحك ومي شايله صحن الحلاوه البلجيكية ودخلوا الشقه وفتحت لميس الباب ودخلوا البنات ينزلون عباياتهم ودخلوا يجلسون بالصاله وضحكت مي : لو انا مكان فهده ولدت بنص الزواج سويت نفسي مغمى علي
ضحكوا البنات وضحكت لميس : مايمديها تمثل بكل الحالات بيشوفونها بتولد
شوق ضحكت: يع يع يع
ريماس ناظرتهم : بروح انام وراي مدرسه بكره
البنات بضحك: نوم العوافي , نامي حبيبي
سكتوا البنات شوي وناظرو صحن الحلاو الي على الطاوله ورجعوا ينفجرون ضحك وقفت مها وهي تمسح دموعها: بركب قهوه سعوديه
هزو روسهم البنات وقفت لميس وهي تضحك وراحت تبدل ملابسها ورجعت الصاله وقفت ناديا بعدها وبدلت ملابسها ورجعت وبعدها ريهاف وبعدها مها ومي وشوق لازالوا يضحكون طلعت مها للمطبخ واخذت القهوه وصلت الصاله : بنات شيلوا الطاوله علشان نجلس على الارض
شالوا البنات الطاوله وجلسوا على الارض وصبت لهم مها من القهوه وفتحت مي الحلاوه : قام حضكم على واجب الحفيده الجديده
ضحكوا البنات وشرقت شوق بالقهوة وقامت ريهاف تدق ضهرها وهي تضحك
وقفت شوق وهي بتموت من الضحك ودخلت دورة المياه وغسلت وجهها وطلعت للغرفه وبدلت فستانها ولبست بجامتها السودا الحرير وطلعت لهم : اهخخ كل شي يعورني
صرخت مي بضحك : بناعععت تعالوا شوفو النونو
فزوا البنات كلهم لجوال مي وناظرو الصوره الي ارسلتها ام رشيد وضحكوا من تعليق ام رشيد الي كاتبه على الصوره ( شوفو النونو الي تضحكون عليه كيف جميل)
ضحكت شوق: جميل ويننن وامه فهده وابوه عبدالعزيز
ضحكت ريهاف : ياعمري عليه يحزن
ضحكت لميس : حدكم تغلطون على عم عيالي
لفوا عليها من تذكرو انه يصير اخوا عناد ورجعوا ينفجرون ضحك من جديد
عند مشبب وعياله
حضر ثنيان واخوانه لان ابوه رفض يدخل مجلس مشبب والشيخ وصل وتم عقد قران
"ساره بنت مشبب ال هيّاف & ثنيان بن خالد ال هيّاف "
واعلانهم زوج وزجة وتعشوا الرجال وقف ثنيان وطلب اذنهم وقفوا عيال مشبب
عزام بحده : مايحتاج نوصي صح؟
هز راسه ثنيان وكمل مبارك: والله انها لا تشتكي من شي لا اصلي بك شرق والناس قبله سمعت؟
نيّاف بحده تقدم : والله والله اني ذبّاحك لا يصير لها شي
ثنيان اخذ نفس: اذا خلصتوا ودي اطلع
يزيد : انقلع بالي مايحفظك
فهّاد بحده ليزيد : دقاق اختك معه يالغبي
ابتسم يزيد واستغفر
نزلوا ثنيان واخوانه
فهد : وش حدك على بنت مشبب ؟
ثنيان تنهد : حبيتها ياخي حرام؟
عبدالله ضحك : اجل تحمل الله يعينك اخوانها ٧
ابتسم ثنيان من شافها جايه واخوانها وراها ولف على النور الي اجهره ونزل عبدالملك من سيارة سلطان  وتقدم يسلم على ساره وشال شناطها : اركبي ورا
ولف علي ثنيان : حرّك
تقدم عبدالملك وركب قدام بجانب ثنيان
وساره خلف وحرك ثنيان الي انقهر من حركة عبدالملك وناظره : من اول دقيقه نشبت لي
عبدالملك بحده : باقي ماشفت شي
كمل ثنيان وهو يسوق ويناظر السياره الي خلفهم ولف لعبدالملك: من الي ورانا ؟
لف عبدالملك بسرعه واخذ جواله ودق على سلطان وهو يناظر ثنيان : غيّر دربك لين اشوف
هز راسه ثنيان ورد سلطان وكمل عبدالملك: ولد انت ورانا ؟
سلطان عقد حاجبه : لا ماني بوراكم
عبدالملك لف يناظر: اجل من الي ورانا
سلطان وقف : اسال ثنيان طلب رفع حمايه ؟
لف عبدالملك على ثنيان : انت رفعت طلب حمايه؟
هز راسه ثنيان وكمل عبدالملك لسلطان وهو يقول له وقاله سلطان يتصل ويتاكد من السياره وفعلا اتصل ثنيان وعرف ان السياره الي واره سيارة عسكر الحمايه
وحرك ثنيان لين وصل للفلته الكبيره المكونه من ثلاث ادوار ونزل عبدالملك ومعه ثنيان وناظرو سياره الحمايه الي وقفت بعيد عنهم بالطرف الثاني وتقدم عبدالملك وهو يفتح باب ساره وتقدم ثنيان بيشيل شنطتها وعقد حاجبه عبدالملك: توكل بس
تنهد ثنيان وتقدم يفتح الباب وهو وده لو بس يناظرها ويشوف عيونها بس عارف ان عبدالملك بيلعن وجهه تقدم يفتحه وناظرت ساره العاملتين وتقدم عبدالملك يعطيهم الشناط ولف لساره : خذي راحتك البيت بيتك
ثنيان لف يناظره : مو المفروض انا الي اقوله
عبدالملك بحده : انت المفروض تنكتم
ولف له : تعال نشوف للبيت
ثنيان ابتسم : حاط اجهزة انذار ورابطها مع الشرطه لو فيه احد دخل كان وصلت الدوريات
طلع ثنيان وناظره عبدالملك: على وين؟
ثنيان وهو يبغى يثير غضب عبدالملك: بنخلي العروس تناظر بيتها
تقدم عبدالملك يطلع الدرج وهو يحضن ساره بيد وحده وهمس لها : تقدرين تفتحين نقابك
تقدمت ساره وفتحت نقابها وكملوا يطلعون للقسم الي ثنيان واقف عنده وتنح ثنيان يناظرها وتنحنح عبدالملك: عينك قدام لاتناظر
صد ثنيان بغضب وتقدم عبدالملك ومد للسارة شنطتها الي جابتها العامله ودخلها عليها : خذي راحتك ونامي وانا عند الباب مابتحرك من هنا
لف ثنيان عليه بصدمه : مابترقد
ضحك عبدالملك: اذا قررت انك ترقد انت رقدت انا
تقدم عبدالملك للصاله وسحب منها كرسي وحطه عند غرفة ساره وناظره ثنيان بصدمه وتجاهله عبدالملك: وش بتسوي مع الحمايه ؟
ثنيان بغضب : مالك شغل بيني وبين زوجتي
لف عبدالملك بعصبيه : بطلع زوجتك من بين عيونك
لفوا على جوال عبدالملك الي اتصل وابتسم ثنيان بنصر وقف عبدالملك وهز راسه ولف على ثنيان : جاء بلاغ من المركز عن عدنان  دقايق وانا عندك
ثنيان رمى مفتاحه ومسكه عبدالملك : علشان توصل بسرعه
اخذه عبدالملك وطلع بسرعه وهو يركب السياره ويحرك للمركز واما ثنيان دق الباب على ساره وخاف ان ساره تخاف وقرر يقولها : ساره انا ثنيان
تكلمت ساره من خلف الباب : وش تبغى ؟
ثنيان ابتسم  : بكلمك
ساره بحده : مابيينا كلام
ضحك ثنيان وتنهد وقال بهمس: اخت عبدالملك وش بننتظر
جلس على الكنبه ثنيان وهو مبتسم ان اخذ ساره
فالمركز
وبين شغل سلطان الي تراكم عليه من بعد سالفة اطلاق النار ناظر علبة المويه الي نزلّها العمال وكان مكتوب عليها لمى ضحك وناظره العامل وتنهد سلطان : وش يقول الشاعر ياصديق؟
ابتسم العامل وضحك سلطان : يقول الشاعر
من قال ان العين ما تسرق القلب ؟
من شفت عيونه انا وقلبي انسرقنا
ضحك العامل وقال بتسليك وهو مافهم اللهجه : الله الله
ضحك سلطان بعلوا صوته : الله الله
قطع عليه دخلوا عبدالملك وناظره سلطان : ارحب
عبدالملك: البقى
وقف سلطان وتقدم يجلس معه وناظر العامل الي طلع وقفل الباب : وش صار
عبدالملك: ثنيان الكلب ماخذ اجازه ومضبط وضعه
سلطان تقدم : طيب ؟ ترا ثنيان رجال والله انه رجال لكن
ناظره عبدالملك وكمل سلطان : لكن ما هو بثقه يعني انتبه لاختك بس بنفس الوقت لا تضغط عليه
عبدالملك تنهد : والله مدري جزء مني مرتاح وجزء مني خايف ومتوتر
سلطان : خذ نفس وتوكل على ربك واركب سيارتك وروح اطلب رضاء بوك
ناظر ساعته عبدالملك: ماضنيت اني بلاقيه صاحي ذلحين
سلطان : انت روح وشوف ولا دق على اخوانك وشوف لهم
وقف عبدالملك ولف وضحك من تذكر : ماخذ مفتاح ثنيان
ضحك سلطان وقف : قلت لك والله انه يجي منه خير
ضحك عبدالملك وناظر سلطان : اجل الحقني بعطيه مفتاحه واركب معك
هز راسه سلطان وهو يمشي جنبه : لو تقوله ذلحين بنام في بيتك انجلط
ضحك عبدالملك وركب السياره وشغلها وحرك لبيت ثنيان وخلفه سلطان وصلوا بيت ثنيان وتقدم عبدالملك يدق الباب وفتحت العامله وضحك عبدالملك: يسلام يعني لو انه عدنان الي داق الباب فتحتوا
رفع صوته ثنيان: شايفين وجهك مع الكاميرا يحمار انا الي قايلهم يفتحون
تقدم عبدالملك ورمى عليه المفتاح : والله مالحمار الا انت
اخذ المفتاح ثنيان : الواحد يقول شكرا وانت داخل بيتي تداهم
عبدالملك: اقول انقلع بيت اختي ولا يكثر
سكت ولف له : وبعدين انا طلبتك مفتاحك؟ لا انت نطيت ها انقلع
صد ثنيان بابتسامه ودق عبدالملك الباب : ساره اذا صاحيه افتحي انا عبدالملك
فتحت ساره وطلعت للعبد الملك وناظرها عبدالملك: اذا جايعه ولا عطشانه دقي علي انا ولا واحد من اخواني نجيب لك ذا
اشر على ثنيان : لاتاخذين منه شي ولا تستغربين منه اذا سممك
هز راسها ساره وتقدم عبدالملك يبوس راسها وضحك ثنيان : بكره وانت جاي وش ذالسلام
لف عليه عبدالملك: ماودك تنكتم
سكت عبدالملك وتودع من ساره وقفلت الباب ساره من خلفه بالمفتاح ورفع صوته ثنيان بضحك : ما اكل اودام انا
ابتسمت ساره من خلف الباب ودخلت لفراشه تنام وتاركه ثنيان وراها
عند عبدالملك
ركب مع سلطان وحرك وناظر سلطان : ناصر يقول صاحي خلني اروح له
حرك سلطان : ابشري بي
حرك سلطان للعماره وقف عندها ونزل عبدالملك بعد ماسلم على سلطان نزل ودخل العماره وصل شقة ابوه ودق الباب وفتح يزيد وناظره عبدالملك وكانه زعلان وربت على كتفه : روق روق
يزيد بضيق : كيف اروق واختي هناك مادري تبكي ولا تضحك ولا ادري وش وضعها
ضحك عبدالملك وهو يقفل الباب خلفه ويدخل للصاله: توي جاي من عندها تضحك
ابتسم يزيد وتقدم عبدالملك: ابوي
رفع راسه مشبب يناظره وتقدم عبدالملك يبوس راسه : اعذرني ان كان رفعت صوتي عليك والله انه من خوفي عليها بس يشهد الله
مشبب هز راسه وناظر عياله : اخر مره اقولها ان قلت كلمه تتنفذ غصبً عنكم كلهم سمعتوا
هزو روسهم وناظر نيّاف عبدالملك: انت ركبت معهم؟
ضحك عبدالملك وهز راسه : انتوا تدرون انه زواج على الورق صح؟
هزوا روسهم وكمّل عبدالملك بضحك : حماية لساره ولي ولكم ابغاكم بكره تاخذون فطوركم وتصبحونهم انا جلست معهم للين الحين وتاكدت ان ساره بخير وبتنام وجيتكم
ابتسم فهّاد : ازهل فطور بكره علي
ضحك عبدالملك: ثنيان ماخذ اجازه شهر علشان زواجه تكفون لاتخلونه يتهنى فيها
ضحك مبارك : والله لا اطلعها من بين عيونه
ضحك عبدالملك وقف : اجل بكره اذا جيتوا تروحون قولولي ارسل لمى عليكم واجلسوا اخوان لوحدكم هو بيفهمها وبيذلف
ضحكوا وطلع عبدالملك وتنهد مبارك : انحلت المشكلة الحمدلله
مشبب وقف : وانتوا رقدوا لا تسهرون
هزوا روسهم وقف مبارك واخذ جواله وارسل لشوق ( باقي عندش حليب ؟)
ناظرها اولاين وابتسم وردت بسرعه ( لا تشتري لي؟)
ضحك مبارك: ( ابشري بسعدش )
ضحكت شوق ( البس عبايتي واجي؟ )
تنهد مبارك من تذكر العامل ( لا اهجدي انا بجيبه لش)
شوق ابتسمت ( انتظرك عن الباب )
تنهد مبارك واخذ جواله يدخله بجيبه ونزل واما شوق انطلق تاخذ عبايتها وانطلق للباب وطلعت وناظرته نازل وضحك : ما امداني
ضحك شوق : جاء بخاطري اطلع
مد كفه مبارك وتقدمت شوق تمسك كفه وتقدموا يطلعون من العماره وابتسمت شوق : ماداومت اليوم؟
هز راسه بالنفي وكملت شوق : ليش؟
مبارك ابتسم: تزوجت ساره اختي
وقفت شوق بصدمه : متى؟
كمل مبارك وهو ماسك كفها : الليله بس زواج ورق
شوق : ياعمري
تقدموا للبقاله ولف مبارك يناظر شوق وناظرته شوق باستغراب: شفيك؟
مبارك اخذ نفس: اتطمن على حجابش
ضحكت شوق وناظرها مبارك : ياويلش لو اسمع ضحكتش ذي داخل
هزت راسها شوق وتقدمت مع مبارك داخل البقالة واخذت كرتون حليب فانيلا وتقدمت بتحاسب بس سبقها مبارك مبارك ولفت له : مبارك
ابتسم مبارك: عيونه
تنهدت شوق وطلعت وطلع خلفها مبارك وهو شايل الحليب : شفيش؟
شوق بضيق : دفعت انت المره الاولي بدفع انا الحين
مبارك ابتسم: وانا قايل لش مابين العاشقين حساب
تنهدت شوق بتمشي ولف مبارك عليها : تعالي تعالي والله ماتروحين زعلان تعالي
تقدمت معه وجلسوا على الرصيف وتقدم مبارك وفتح كرتون الحليب واخذ واحد وفتحه ومده لها وابتسمت شوق تاخذه وناظرها وناظرته : اقول لك شي؟
ابتسم مبارك: قولي لي اشياء مو شي واحد
ابتسمت شوق: ترا كان باقي فيه حليب بس انا ابي اطلع
ضحك مبارك : حتى لو قلتي لي باقي فيه طلعتش ناخذ
ضحكت شوق وابتسم مبارك : المقصد شوفتش والعذر حليب فانيلا
ضحكت شوق بعلو صوتها وابتسم مبارك وناظرها : شوق
لفت له بابتسامه خجل : ودش تقدم زواجنا ؟
عقدت حاجبها شوق: ليه ؟
ابتسمت مبارك وهو يعدل جلسته ويناظرها : ابي ناخذ شهر العسل كامل قبل رمضان
سكتت شوق بتفكير : بس مايمديني اتجهز 
مبارك : انتي تجهزي على الي تقدرين عليه
شوق بتفكير : كم باقي على رمضان ؟
مبارك : باقي شهر واسبوعين
شوق سكتت وكمل مباوك : نخليه الجمعه الجايه؟
لفت عليه بصدمه وضحك مبارك شوق : بعد زواج اخوك ؟
هز راسه مبارك: بعد زواج ناصر بيوم
شوق سكتت ولف مبارك : ها وش قلتي ؟
شوق ابتسمت: مدري بس بفكر
مبارك ابتسم: لاتفكرين قولي ايه ولا لا
ابتسمت شوق وهزت راسها وضحك مبارك وقفت شوق : نرجع؟
هز راسه مبارك: نرجع
تقدموا يمشون وضحك مبارك وابتسمت شوق تعض شفتها وكملوا الين وصلوا وتقدمت شوق بسرعه للباب شقه وضحك مبارك: حليبش
تقدمت شوق تاخذه وتدخل وتقدمت تناظر مي: خير الكرتون الاول جديد
تقدمت تناظر الكرتون : هالمره انتي لوحدك؟ مافيه الا كرتون واحد مقفود
قاطعتها شوق : زواجي الجمعه الجايه
شهقت مي : ايش؟ منجدك
شوق بصدمه : اأجله ؟ خايفه
هزت راسها بالنفي مي : لا لا يويلك خليه
شوق : صدق؟
هز راسها مي : حلو بعد قبل رمضان
ابتسمت شوق: وهو يقول يبيه قبل رمضان علشان شهر العسل بس مابي اترك لميس لوحدها
عقدت حاجبها مي : مو لوحدها مها معها وانا والبنات يوميا ً عندنا يعني مافيه شي تخافين عليه
ابتسمت شوق وقفت تروح بفراشها تنام ودخلت خلفها مي الي ابتسمت : تصبحين على خير ياعروسه
ابتسمت شوق
وبكذا انتهى يوم حلو على ابطالنا 🥺

حسابي انستا Viill88u