شلـونـك بلتراب شلون كاضيه؟
هيج بصُورتك ضليت احاجيه.
المفروض الوَرد يندفن بلبُستان.
اجابك للكُبور شَعرفك بيها؟؟
يَاابو ضحك الحلو هاي تاليته...
رحنه للدكتورة وطمنت عل وضع الجنين بي نبض والوضع مستقر الحمدلله وكلشي تمام انطتني علاج وفيتامينات ورجعت للبيت التحق يامن وره اسبوع لان دوامه اسبوع نزول واسبوعين دوام تقريباً تعلمت وتأقلمت ويه الوضع بلش الدوام واني سادس
ويامن يوصي بيه اقرا واكل لان اني روحين وما اهمل نفسي و دراستي تخربط علي 💔
كلش خابروني وكلولي خابرت يامن ابجي واكله اريد اروح اشوفه لتخليني بنار هنا وصدك رحت عليه وجان سودة عليه متخربط حيل والمرض ضرب عيونه وبعد ميشوف فرفحت من كثر ماابجي اتصل يامن احجيله وابجي وهو يهون عليه ويكلي لازم تبقين قوية هو يستقوي بيج من يشوفج هيج تهبط معنوياته وبمرض هذا هم شي نفسيته حاول اتماسك واكون قوية وياه واكون طبيعية بس مو بيدي من اشوف ميشوف ومرات ينسى اتمنى احط المرض بيه
وهو يكوم ماشاف شي بحياته خلصها هموم وتعب ضليت عشرة ايام يمهم نسيت دوامي ونسيت عيالي ونسيت اني حامل نسيت الدنيا وهمي الوحيد علي خايفة عليه ميته خوف واقوي روحي واجذب عل نفسي فترة ويكوم مثل كل مرة نزل يامن من دوامه
واجه عليه سلم وكعد ويه علي بس علي ميتذكره باوعتله واني دموعي تنزل هو يشرلي اهده علمود ليحس بيه سلمت عليه حتى اروح كلتله
يلا بسرعه صير زين حتى من انجح من سادس تنفذ وعدك الي ونروح سوه للعمرة شفته فاقد وناسيني همست بغصه لتكسرني بيك بداعت اعزاز كلبك سندي انتَ طلعت واني مااريد اتركه ابد بس مااكدر عندي دوام ويامن هم تعبان صار شكد متبهذلة اني هم بس كلشي يهون لخاطر علي
سلمت عل عمة (ام علي) كلتليحجاية طلقة بكلبي:
.... ادعي الله يرحمه ويخفف عنه علي اهوايه تعب بهل مرض
مهرة:
اني تخبلت وكمت اصيح شلون ينطيج كلبج تدعين عليه هذا ابنج
كالت:
... ولج بعد ميذكر ولا يشوف المرض اكل كل جسمه
صيحت واني فاقدة:
... لو يبقى بس النفس يصعد وينزل يكفيني لتكولين هيج انتي مو ام شلون تسوين هيج سحبني يامن وطلعني واني فاقدة ابجي واصيح عبالك جنت كتمتها وانفجرت صعدني بالسيارة وهو يحاول يهديني واني بس اكول من عمري عل عمره بيه المرض ولا بي فصلت وهل شي مو بيدي علي اهوايه يعنيلي وما اتخيل حياتي بدونه وصلنه للبيت واني الشهكة شكت صدري نزلني يامن وهو ساندني سلمنه عليهم وفهمهم الوضع وصعدنه للغرفة فتح شالي
واني مددت بالفراش وغمضت عيوني سبح وبدل ورجع حضني راد يحجي همست اششش مااريد اسمع شي اريد انام ماحجه هو هم نام كعدت العصر بست راسه كمت من حضنه باوعت لروحي بالمرايه وجهي شاحب وعيوني مورمة وحمرة وضعفانه حييل تنهدت واخذت ملابس وفتت سبحت
ŞİMDİ OKUDUĞUN
مهرة الفهد (شهڪة ؏ـشك)
Romantizmأُحِبهُ لأنه يشبه سَمار الجَنوب بـ ملامحهُ الخشنة وعفويتهُ حين يقسم ( وعليّ أحبچ ) وحين يغار يقول : ( أحرڪه الليّ يفڪر يتدنالچ ) يامن: ... هو الحب ميخلني نشوف عيوب الي انحبه حسيت قصدني طكيته بجيه بكل قوتي وصرت اشاهك وكفنه يم الشط وكلتله: ...
