وجعني كلبي من تذكرت لو مزوج جان هسه بنتي تقريباً بعمرها لان اهلي يزوجون من وكت بس اني واخوتي بعدنه خفت اخاف اتعلق بيها ومينطوها واتأذه واخاف ترفضني لان اهوايه اختلافات بينه واولها العمر زنفرت الدخان مال الجكارة وصعدت لغرفتي سبحت وبدلت نمت وهيه بالي
كال ابوية .... اخذها بطريقك عادي تأخر شوية اجنبت اوصلها حتى لا اشوفها وحرام عليه الى هسه ما نسيت تفاصيلها وهذا حرام بس ابوية اصر والصحيح فرفح كلبي عل شوفتها
طلعنه وصلتها للمدرسة نزلت نور واني اباوع للشارع اتأملها تجي هزيت راسي انفض افكاري ومشيت بس بعدني عيني عل شارع بلكي المحها بس ما صارت رحت للمحلات وشفت الولد وتأكدت من الشغل تمام ب12
خابرت نور ..... كالت تعال اخذني من المدرسه الباقي مشغولين وابوية كال خابري يامن فرحت واستلمت لكلبي المتلهف يشوفها وابتسمت عل افكار ابوية واني ادري اخواني ما مشغولين بس حتى اشوفها واعرفها اكثر وصلت للمدرسة وبلشو يطلعون البنات تباوع عليه ويتبسبسن ويبتسمن وانيي
واني اتجنب اباوع عليهن الى ما طلعت هيه سبحان الخلقها اليوم لابسه حجاب ابيض هيه بيضه ولابسه ابيض طالعه تضوي بيه ارتاحيت لابسة حجاب بس الشباب يباوعون عليها ونظراتهم زعجتني شلون يباوعولها عجبتني
من متباوع وعينها بالكاع عكس البنات رفعت عينها فجأة وشافتني بس بسرعة نزلت عيونها
واني ما مبين اباوع الها لان لابس نظارة نظرتها الي ثواني بس اكلت كلبي بكل تفاصيلها هدوئها ضحكتها ثكلها رمشت
لاختي طلعت وحركت السيارة وراها واني الى حد الان ما اعرف اسمها
نور .... اشو منا طلعت
يامن .... الشارع الرئيسي مسدود ديشتغلون بي
واني جذب حتى اعرف وين ساكنه شفت دخلت لبيت بعد المدرسة بفرعين فرحت لان اعرف اهلها كلهم تقريباً بقه بس اعرف شنو اسمها وبت منو بالضبط وهذا مو صعب مادام عرفت بيتهم
وصلت اختي للبيت ورحت لجماعتي تغدينه على شط وكعدة حلوة وسوالف وضحك
كال عمي
.... اشوفك مفرفش وتضحك وتصفن وتبتسم خيرك وغمز
يامن ..... ماكو شي سلامتك وغمزتله اني هم علاقتي ب عمي كلش قوية لان اعمارنه متقاربه وصداقة قوية بينه
Oops! This image does not follow our content guidelines. To continue publishing, please remove it or upload a different image.
