مهـࢪة الفـهـد (شهڪة ؏ـشك)

البارت ال18

والبعض لو بقي غريبا، لكان أهون للقلب

ــــــــــــــــــــ

طلعت من المدرسة وشفت اياد بوجهي خزرته ومشيت للبيت جان ويايه زينب و فاطمة و رفل صديقاتي الجديدات ضل ورايه بس ميكدر يحجي عفته وفتت للبيت سلمت وصعدت سبحت وطلعت 
صليت الظهر من بعد الي صار ويايه صرت بعد كل صلاة اسجد واشكي ربي كلت::

.... ربي عبدك الضعيف بين ايدك وانت ارحم عليه من امي الي ولدتني ربي بكلبي وجع وحدك الي عالم بي ربي انت 
تدرى ماتت مشاعري تجاه بس اكو وجو بكلبي اكو مواقف وذكريات محفورة بعقلي اكو تعب ديأكل بروحي ربي اني ضعيفة وامتحانك صعب وعزتك وجلالك اذا امتحانك هذا اختبار الصبري صبرني وكون ويايه يامعين واذا عقاب عل ذنب 
او معصيه سويتها اغفرلي ياغفور يارحيم رفعت راسي واني احس براحة بصدري مددت بفراشي ورجع انعد الكلامه بأذني (عيونج هدت حيلي وحيل اهلي)

كمت باوعت لنفسي بالمرايه وركزت على عيوني ابتسمت وبعدها وعيت على نفسي كلت وتالي مهرة بعد كلبج ما طاب ولا انسى الصار اصحي ولتعيدين الصار مرة ثانيه انتى اقوى من لمعة عيونه وكلامه الي يجنن ضحكت على نفسي ورجعت لفراشي توني مغمضة

وصار مداهمة على غرفة زينب حشت كرشها واجتي كلتلها شبيج هو هيج عركة ويه الباب كولي اكو بشر يريد ينام بالغرفة

زينب:
..... اووه انسي ويايه نفر ترف ونومه 
خفيف بسرعه يفز

مهࢪة:
.... الله يعين اسامة شلون راح يتحملج ولو لايك هل جدر على هل قبق

زينب:: 

.... بأبتسامة هبلة مثله فديت الجدر مالتي

صفنت عليها وكلت::

.... ماكو فايدة

لفيت الحاف عليه واسمع نبع الحنان ضربت الباب كمت

مهرة::
.... شكو ناوين على موتي اليوم شبيكم وياه الباب

امي::
.... كومي اكلي ونامي

مهرة::
.... مااريد اكل من اكعد

امي::
.... تكومين لو احطج بالغسالة واطلع ضيم نمر بيج

مهرة::
.... هدي يمه كايمه شبيج اتشاقة وياج

نزلت سحل اكلت على سريع اني واكفه

امي علياء::

.... هاا مبين نازلة غصب علمود تأكلين من وكفتج هااي

مهرة::

.... مو بس هيج وتحت تهديد انحط بالغسالة

ضحكت وراحت واني غسلت وطرت لفراشي وهل مره نمت بأمان الحمدلله وتمت عل خير

ــــــــــــــــــــــــــــــــــــــــــــــــــ
ننطﻲ آلقلم لعمو يأمن🤍

كمل بيتنه واهلي رجعو بي الحمدلله وبعد ما استقرينه قرر علي يتزوج بلشو يشترون نيشان وهاي السوالف كلت لعلي