.
إمَرأه يصَنعُها الوجَع ، لا تنكسِر بسَهوله .
* ايي شفت يستاهل
* عابت يول بس باعي صدك انطي فرصه خطييه مبين يحبج
مارديت كلامها ظل لازك بالي وظليت افكر بي ليش ماا اعرف
كتب علي
* ماعليج منها هاي كلشي متفهم فاهيه
دزيتلهم
* يمعودين كافي لاتتعاركون انوب مصار شي الله كريم عود افكر واشوف موضوعه وسالفته شنو ماشنو
كتب علي
* يعني هم ناويه تراسليي ؟
* ماا اعرف
كتبت تقئ
* ايي عفييه افضل حل راسلي وشوفي شيكول
طفيت الموبايل ونمت باجر جمعه وورانا دراسه
كعدت الجمعه على بوسات بابا فتحت عيوني باوعت اله وضحكت وهو يدغدغ بيه بس شافني كعدت باس خدي وحجه
.. يلاا بنيتي كومي
هزيت راسي وحجيت بنعاس
.. صباح الخيرر
.. صباح النور اميرتي كال هيج وطلع من الغرفه ضحكت اكيد رايح يكعد باقي اخواتي هيج
رحت للحمام توضيت ورجعت للغرفه صليت
ومشطت شعري ولميته وحطيت عطر ونزلت
جوه الله لكيتهم محضرين الريوك
جبن وكاهي وصمون حار وعسل ودبس وأشكال
حجيت واني اكعد
.. يعنيي بس من يجي بابا هل دلال يطلع
باوعت الهم يضحكون برطمت وسميت بسم الله وكعدت اكل قبل لايجن اخواتي الهوايش ياكلن وياي
ويخلصن الريوك كله
كعدوا كلهم وكعدنا حش وضحك على الاوادم خطييه شكد ضحكنا عليهم
وكل شويه واحد غاص لو واحد مختنك لو واحد واكفه اللكمه بلعومه لو واحس عاطس لو ضاحك ودموعه نازله
وكدوها عليه كهههيي كهييي كهييي
بس كملنا الريوك كل واحد راح على شغله اني عزلت المطبخ والمواعين سفطتهن
وزينب غلست المواعين وحوراء ورقيه نظفوا البيت
وحمزه ابويه طلع يغسل الطرمه
بس كملت شغل صعدت لغرفتي
طبعا هيه مو بس غرفتي اني لاا اني وحوراء ورقيه وزينب بس هنه نادرا ينامن بيها اغلب وكتهن جوه بالصاله يم التلفزيون
توضيت ولبست الجادر قريت شويه من سوره الكهف وصدقت وسديت القران بسته ورجعته لمكانه
والجادر والمصلايه بصفه
وتمددت علئ الجربايه اكلب بالموبايل شويه لكيت السطل دازلي رساله
* هلاا حبيبي حبيت اكلج اني رايح احضر حفله واحد من اصدقائي بغداد وارجع بعد كم يوم
دزيتله هاذا الايموجي اولا
*😒😒
ورجعت دزيتله رساله
* واني شكو حتئ تكولي امك اختك حبيبتك او شنو اني شعليه بيكك
دزلي
* اني وتالي ويه لسانج
كتله
* وشبي لسااني انشالله اشوو يخبل وينكط عسل
دزلي
* ماشاء الله حييل واثقه
عفته يدز رسائل وطلعت ملييت منه
ذبيت الموبايل وصفنت بالسكف ظليت افكر بكلام تقئ انو انطي فرصه واتعرف عليه وهاي السوالف وعجبتني السالفه
شويه وسمعت اصوات ابويه واخواني الاغلب اجوي من الصلاه
نزلت جوه وساعدت امي ومرت ابويه بتحضير الغده وأخواتي هم ويانا
حطيت الجدر علئ الصينيه الي بيها خبزه وضربتها كم ضربه ورفعت الجدر وباوعت دولمه شكد احب اكل امي ومرت ابويه بس الدولمه اهلي كلهم يحبوها وياكلوها الا اني وعمر حاله خاصه حشه نعمه ربي ماا اكدر احطها بحلكي ولا عمر يكدر ياكلها
YOU ARE READING
مهـࢪة الفـهـد (شهڪة ؏ـشك)
Romanceأُحِبهُ لأنه يشبه سَمار الجَنوب بـ ملامحهُ الخشنة وعفويتهُ حين يقسم ( وعليّ أحبچ ) وحين يغار يقول : ( أحرڪه الليّ يفڪر يتدنالچ ) يامن: ... هو الحب ميخلني نشوف عيوب الي انحبه حسيت قصدني طكيته بجيه بكل قوتي وصرت اشاهك وكفنه يم الشط وكلتله: ...
