مهـࢪة الفـهـد (شهڪة ؏ـشك)

الباࢪت 30

أجمـل أيامـي (عرسنــا)

دمت لي حُباً نشيب به سوياً .

كعدت عل صوت التلفون فتحت خط اجاني صوته:
... صباح الظهر عروستي ضحكت
وكلتله:
.... صباح العسل زلمتي

كال:
..... يفداج يلا بنيتي كومي صحصحي وتريكي بعد ساعة البنية يمج
كلتله:
.... تمام راح اكوم
رجع كال: اميرتي

ابتسمت وكلتله:
... حيلها
كال:
.... ربي صبرني لليل راح اكرطها

ضحكت
يامن:
... وحق داحي الباب مامصدك ايدي ترجف اذا اكلج اني من صلاة الفجر كاعد تصدكين احسب ساعة ساعة حتى تجين يمي اليوم انام براحة بنت رويحتي الليلة بحضني خلص الصبر والانتظار هاهيه

كلتله: حبيبي اني هم انتظر الليل يجي بسرعة

كال:
.... هاا رويحتي مستعجلة

كلتله:
.... لا يامنحرف بس علمود تحجيلي شلون تعرفني من زمان وتحبني

ضحك وكال:
... ادري عيوني يلا ابوية عندي شغل واريد اروح للحلاق مثل مااتفقنا كومي تريكي وتغدي زين علمود تتحملين الهوسة اليوم ومتتخربطين

مهرة:
... صار من عيوني
يامن:
.... كال ابوسهن بحفظ الزهرة بوية

كلتله:
.. بأمانة الله

صدك كمت سبحت وصليت ونزلت لكيتهم كلهم كاعدين بس ابوية ماكو اني عل درج اباوعلهم ودموعي بعيني اختنكت فد مرة كمت ابجي بشهكة كعدت عل درج وحطيت ايدي عل عيوني اجوي علي وعمر حضنوني واسمع اهلي يبجون عل بجي نزلت حضنت امي علياء وامي صفا وابجي

كالت خالتي:
... صلو على النبي ياجماعة ترى راح تتزوج مامهاجرة مسحت ادموعي وبعدها الشهكة بصدري تريكت وضليت اسولف ويه اهلي واضحك بس بصدري اريد ابجي مخنوكة اجت البنية وياها عمة يامن وبنتها جنت حبابة كلش وبسيطة وهل شي ريحني تغدينه وكملنه صعدت بالغرفة والبنية فتحت بوكس بي مكياج وكل شي تحتاجه شسورت شعري بالاول وبعدها انطتني تلفونها حتى اختار مكياج تسوي

اختاريت مكياج اسود وفضي والحمرة بنفسجي بلشت تشتغل بالمكياج ساعة كملت مكياجي وخليت التسريحة براحتها رفعت شعري بوستيجه لان طويل وبرمت منه وخلت البركع فوكها وخلت كذلتي عل جهة وحده ومن الجهة الثاني سوتلي خصلة برم ساعدتني البس البدلة مالتي وكامت تصلي عل نبي وصدك طلعت اجنن كلش عجبني شكلي