يامن يكول :
وعنِد النظرُ إليكِ أكاد أنسى كيف يُرفَ جفني .
**
مهره.. كعدت ثاني يوم من وكت ليش لان خميس يعني رفعه العلم
تاففت بملل وكمت للحمام بسرعة فرشت اسناني وغسلت وجهي
وتوضيت بسرعه رجعت للغرفه صليت
وبدلت ملابسي ولفيت الشال اخذت الجنطه تاكدت كلشي موجود بيها ماناقصها شي اخذتها ونزلت جوه لكيت اخواني يتريكون ابتسمت من شفت بابا يتريك وياهم يعني الفجر راجع
.. صباح الخير
وكلهم ردوا صباح النور
سلمت علئ وتحمدتله بالسلامه مثل كل مره وهو حجه
.. يلاا بابا تعالي تريكي
مهره.. لاا حبيبي ماا اريد والله ماا اشتهي اكل من الصبح
ام مهره.. يايممه متشوفين نفسج خلصانه وكاظيه من القرايه والسهر وانوب فوكاها متاكلين متكليلي شيظل بيج
مهره.. بست راسها
.. يممه والله ما اريد مااا اشتهي تدرين بيه ماا احب اكل الصبح وبعدين اني من اجوع اكل
ظليت كاعده منتظره الامراء يخلصون خمس دقايق هيج وكملوا الحمد لله يرادلها هلهوله
طلعنا سويه وهل مره محد وصلنا اصلا همه مرات يوصلونا
مرينا علئ البنات اخذناهن وانطلقنا نحو المدرسه
بس طبينا للمدرسه سميه ام بطن ركضت للحانوت تشتري
واني والبنات رحنا للشعب نرتاح بين ميدكون الجرس ونطلع للاصطفاف
حطيت راسي علئ الطاوله مالتي
وفزيت علئ عيطه المدرسه
.. يلاا انتي وياها بسررعه برره راح يبدا الاصطفاف
زهراء.. يمممه شهل صوت جنه صوت بقره
مهره.. طلعنا كلنا وحده بصف الثاني ووكفنا بمكان شعبتنا
واني وكفت اول وحده لان طبعا اني المراقبه
اجن باقي المدرسات باوعت لست نرجس بنطرون احمر قميص احمر شال احمر كاب احمر حذاء كعب احمر حمره حمره شالقضيه ؟
جااي تسوي اغراء للثور مثلا !!
وكفنا عدل من اجني بقيه المدرسات عضيت شفتي حتئ لا اضحك امووااح شلونج خييه امووواح انتي شلونج امووواح بخيرر الحمد لله امووواح اموت عليج اريد اضحك بس خاف انلكف
صديقاتي وراي شابعات ضحك جاي اسمع صوت ضحكهن
سميه كرصتني وحجت بضحك
.. يوول باعي المدرسات جنهن قوم لوط لو فالحات بس بالدراسه لو فالحات بس بالبوس والتمطك
مهره.. حجيت بكوه واني اباوع للمديره بابتسامه
..انتن لو فالحات بالقرايه بكد مافالحات بالحش والضحك والبوس جان طلعتن من الاوائل
سميه.. اييع شنوو بوس
مهره.. الاخت منطلقه تاكل وتحجي وتضحك عادي وين الله وتلكفها مدرسه
بس اسمع صوت الجبس باوعت لها بطرف عيني
.. حشه بقره مو ادميه
باوعت الها تضحك الفاهيه
شويه قرينا النشيد وترزلنا كالعاده وكملنا باقي اليوم بسلام
دخلنا للصفوف وكالعاده كل درسين استراحه عشر دقايق بس بيني وبينهم
يجوز خمس دقايق لان مستحيل عشره والله
بس طلعنا بالاصطفاف زينب لزمت راسها وهزته بوجع
ESTÁS LEYENDO
مهـࢪة الفـهـد (شهڪة ؏ـشك)
Romanceأُحِبهُ لأنه يشبه سَمار الجَنوب بـ ملامحهُ الخشنة وعفويتهُ حين يقسم ( وعليّ أحبچ ) وحين يغار يقول : ( أحرڪه الليّ يفڪر يتدنالچ ) يامن: ... هو الحب ميخلني نشوف عيوب الي انحبه حسيت قصدني طكيته بجيه بكل قوتي وصرت اشاهك وكفنه يم الشط وكلتله: ...
