مهـࢪة الفـهـد (شهڪة ؏ـشك)

البارت 27

انت الجار لـ قلبي والجوار ، وانت الدارُ والديار ♥️.‏

ثاني يوم كعدت الصبح على تلفون يدك فتحتهه بدون ما اشوف منو كلت:
... الوو
يامن:
... اشتعلو اهلي على هل الو

ابتسمت وكتله:
.... صباح الخير

يامن:
...هلا بهل صوت صباح العافيه وراحت البال يله بويه كومي تحظر لج ربع ساعه والكاج جاهزة حتى نحلل دم وتصيرين مرتي شرع وقانونا

مهرة:
.... ربع ساعه شلحك يامن

يامن:
... مشكلتك حبيبي ربع ساعه باب بيتكم

سديته وطرت سبحت وصليت ولبست جنت محظرة ملابسي من الليل ولبست سترة بيجيه وسترابلس اسود وتنورة سودة حطيت كحل ومسكارة شوي وتنت على خدودي وحمرة
اتصل يامن فصلته نزلت لكيت اهلي يتريكون صبحت عليهم

كلت بابا: كال حجالي على موضوع المحكمه من البارحه روحي وياه وحللو واحنه كدامكم

كال عمر:
... يامن منتظرج

طلعت لكيت يامن منتجي على سيارة ويدخن ولابس
مثلي سترة بيجي
وقميص اسود وبنطرون اسود طالع يخبل

ابتسم من شافني فتحلي ايده خزرته وكلتله:
.... ترا احنه بالشارع

ضحك ولزم ايدي باس راسي وايدي وكال:
.... ترا اني مؤدب ردت الزم ايدج بس

فتحلي باب السيارة وكال:
.... تفضلي مرتي

احس فراشات صارت بمعدتي من ڪلمته ابتسمت وصعدت كلتله:
..... شڪراً رجلي
ركب السيارة وتحركنه للمختبر طريق كله لازم ايدي وكل شوية يبوسها ويسولفلي شكد جان يتمنى اصير مرته وشكد خطط لهل يوم وصلنه للمختبر وسحبو منه دم

وكالو ليامن:
... نص ساعة ويطلعن

اخذني يامن تريكنه كال:
.... ادري بيج متحبين تتريكين من تكعدين الصبح بس هذا اول شي راح يتغير بأول يوم الج مرتي

مهرة:
.... هاا بلشنه اوامر سيدي

يامن:
.... يروحلج فدوة هو ورتبته

ابتسمت واني كلبي يريد يطير من فرحتي بي طلعنه  وطلع دمنه متطابق ونفس زمرة كال:
.... بنيتي حتى بهاي مشاركتني توجهنه للمحكمة ولكينه نسيبه مكمل كلشي بسرعه فتنه للقاضي وعقدنه طلعنه امه  امه وامي علكوها هلاهل وجكليت صعدنه بسيارة متوجهين لاهله لان مسويلنه غدة

باس ايدي وكال:
... ولج مامصدك والله كلبي احس راح يطلع من كثر نبضه

حط ايدي عل مكان كلبه وصدك جان ينبض بقوة

مهرة:
.... الله يقدرني واسعدك يارب

يامن:
.... الله لا يحرمني منج يروحي وراحتي طريق كله هو يحمد رب العالمين لان صرت من نصيبه