مهـࢪة الفـهـد (شهڪة ؏ـشك)

الباࢪت 29

هي لم تلفت إنتباهي هُي أخذت كل الإنتِباه🦋

يوم حنتي كعدت ب11 سبحت ونزلت تريكت اجوي العمال نصبو الكوشة واهل يامن دزولنه غذائيّة كاملة رغم بابا رفض بس كالو هاي من عاداتهم بالحنة يدزون مواد الطبخ لاهل العروس حوراء وزينب اخذو نيشاني وراحو يرتبو بغرفتي اتفقت اني ويامن حنتي تكون يوم الثلاثاء
... وهو حنته جوبي بالاربعاء وعرسنه يكون الخميس واتفقنا تجيني ام صالون للبيت تصير من اقاربه والعرس هم زوجة ابن عمته عدها

كوافير بغداد وشفتهم شغلهم يجنن يلا وافقت ب1 اجتي البنية تغدينه وبلشت تشتغل بيه وصدك ب3 كملت لبست بدلتي الحمرة شفت شكلي بالمرايه ونزلت صارت الهلاهل تركع كعدت عل كوشة وبلشو اقاربي يجون خالاتي وعماتي وجيران وياهي الي تفوت تهلهل وطش جكليت راسي عنجر (ورم) شويه واجو اهله فاتو امه وخواته يهوسن ويدبجن وياهم ملاية بلشت الحنة وخالة سوتلي جلوة يسموها

كعدوني عل كراسي والبنات لازمات بركع احمر فوك راسي والملاية تقرا وينطوها بهل فلوس وراها كومتني اركص واني ماقصرت شوية وكالو راح يجي العريس كعدت بالكوشة

وفات يامن لابس دشداشة سودة وشماغ بيجي بس طلع صاككككك صكووك باس راسي

وكعد همس:
.... ناويه تفضحينه قبل العرس

باوعتله وضحكت رجع كال:
.... مالكيت استر من هل بدلة بعد شوية وتطلع صرتج

خزرت وكلتله:
.... وانتَ شكو مركز هلكد ضحك

وكال:
... حلالي وكدامي چاا غير امتع نظري كال خرب غيرتج النسوان راح ياكلنج بعيونها شخبلج عل هل بدلة

مهرة:
.... اوووي شبيك ويايه هاي حنتي واريد اسوي كلشي بنفسي وانتَ كلتها نسوان

يامن:
... اشتعلت عشيرتج عل الاوووي بيج عضه اله اخليج تفرفحين بس يصير خير بعد يومين وتلزمج ايدي وبس الله يخلصج مني كلتله هاي شبيك اليوم حنتي وطلعتها من عيني ونبي ابطل وانتَ تدري بأبوية يفرح بس اكله

باس ايدي وكال:
.... وحق علي اتشاقة ابوية اسف اذا ضوجتج لازمت ايده قوي

وكلتله:
.... لا مااضوج منك

اجتي امه وكالتله:
.... يلااا يمه حني مريتك عل اعصابه حنه اصبعي وطلع ورقة من جيبه ولفها عل اصبعي

وامه كالت:
..... حني اصبعه
يامن: لا وابوفاضل متصير يمعود كولي غيرها ماكو قفل

شافني برطمت ودموعي بعيني انطاني ايده بأستسلام كال:
.... هاج حتى راسي حني بس لتبرطمين استري علينا الضحكة شكت حلكي حنيت اصبعه

مهرة:
... انطيني فلوس

يامن:
شني هاي تاخذين مني فلوس وتحطيهن الي اخذت ورقة ولفيتها عل اصبعه هم ضلينا ندك ونركص كلش تونسنه ويامن عل اعصابه كاعد منزل راسه وكل شوية يمسح جبينه ك من تلبسين الفستان اتصلي بيه وطفر كالت خالة حني البنوات حنيتهم ورجعت اركص صعدت بدلت لبست فستان وردي امي اشترته الي قصير وكتوفه نازله تصميم مالته  يسموه سيلڤي ذيل من وره وقصير من كدام نزلت ورجعت اركص