زوجتي السمينة

حلقة 14

زوجتي_السمينة
حلقة 14

أول ماطلع الصبح كان أكرم راقد برا
ناض من النوم وجسمه متكسر
أكرم تي أنا شن ندير هنا وليش راقد هنا وبعدها قعد يتذكر شن صار معاه البارح قعد مصدوم وسارح وكأنه في حد صب عليه ميه ساخنه
يأكرم شن بدير في المصيبة هذي 😓 نتصل بنجاح تساعدني خش للحوش خدي تلفون إكرام وطبعا هي راقدة في سابع نومة طلع برا اتصل بعدها سكر عليها لالا أكيد راقدة توا وبعدين هي ديما حاصلة في مشاكلي وتحل فيهم كثر من مشاكلها

شوي اتصل التلفون انخلع حدفه التلفون هيي شن صار بعدها تذكر انه التلفون هو لجاي منه الصوت خداه القاها نجاح تتصل
نجاح: ألو إكرام غريبة نايضة من عالصبح شن بيصير في الدنيا
أكرم: هذا أنا أكرم مش إكرام
نجاح: رجعت تشوف في التلفون القاته اسم إكرام كيف صار
أكرم: تلفون تكسر اتصلت بيك بتلفون إكرام
نجاح :اها ان شاء الله خير بالعادة تتصل بالوقت هذا
أكرم: في الأول فكر يقوللها بعد تراجع يعني حتى لو يحكيلها ماعندها في شن بتساعده ... لا بس اتصلت لأنه مش جايني نوم قلت نتصل بيك نشوفك نايضة أو لا
نجاح: توا نضت على اتصالك وين أنت
أكرم: وين مانكون في العادة تحت الشجرة
نجاح: شوية وجاية
طلعت نجاح من الحوش وهي تتأوب ومشت لأكرم
نجاح: حطت يدها على فمها تتاوب وتتكسل صباح الخير
أكرم: من وين بيجي الخير صباح النور
نجاح: أول ماسمعت الكلمة قعمزت خيره شن فيه أنت مش طبيعي
أكرم: لا بس مضايق
نجاح: مضايق بس واضح انه عندك مشكلة ومشكلة هذي ماليها حل
أكرم: 😥 لالا مافي شي فوتيني يانجاح
نجاح: المرة هذي نفوتك مش حنزيد عليك أكثر
أكرم: بيكون أحسن نبيك تهدرزي عليه نبي ننسى
نجاح: ايه باهي ليش ماتمشيش تخدم وتنسى لعندك أحسن ماإنك قاعد هنا
أكرم: هكي قولتك
نجاح: ايه هكي قولتي وخليها على ربي هو ليجيب الفرج

في الحوش
سعاد مشت للدار
سعاد: نوال نوضي يافرخة نوضي
نوال: ها خيرك يأمي مازال الصبح
سعاد: تي نوضي وين أختك
نوال: نسرين أكيد عمي يوسف أنا بنرقد شوفي نجاح الدورها ورجعت رقدت
سعاد: تي نوضي ندور في البلوة الكبيرة أنا الفرخة نسرين راقدة بجنبك
نوال: تي وين نعلم بيها
سعاد: اطلعي شوفيها
نوال: ناضت تي وااااك باهي نايضة مايخلوا الواحد راقد على راحته

طلعت نوال تدروخ يمين ويسار الدور عليها
نوال: تو أنا بندورها هي تقول صغيرة حتى بندورها طول وعرض حتى لو كان نسرين نقول عندها الحق تنوضني من نومي والدورها
مشت شافت نجاح مقعمزة تحت الشجرة مع أكرم
نوال: تي يامصيبة أنتي هنا وأمي الدور عليك نوضتني من عز.نومي هيا نوضي شوفيها
نجاح: نشوف بعدين أكرم هيا جاية هما مايخلوا واحد في حاله ويهنوه في معيشته
أكرم: ههههههههه امشي قبل ماتجي عمتك سعاد بالعصا زي زمان 😂😂
نجاح: مانحكيلكش قداش كلينا طرايح وكسرت علينا من عصي هي وأمك 😂😂
نوال: تي هيا نوضي وهي عام
نجاح: لا قرن أنتي الصادقة تو شن تبي فيا عالصبح
مشت نجاح ونوال للحوش
سعاد :وين كنتي تلودي
نوال :القيتها هي وأكرم برا
في نفس الوقت كانت تفنص فيها نجاح: سكري فمك يافضايحية
سعاد: حطت يديها في نصها شن كنتي الديري كم مرة قلتلك ماعاد تقعدي مع ولد عمك أمتى بتفهمي قوليلي يافرخة ولد عمك مش خوك
نجاح: لو تفكري أنه ولد عمي قداش لينا ديما جميع جت غير على توا
سعاد تي والله طلعاتك معاه في العرس بروحك غير انه ماعندي ماندير قدام عمتك ومرت عمك كمهدا ماتطلعيها
نجاح :أمي وقفي عندك شن تبيني ندير يعني ماهو خوتي لماشاء الله عليهم واحد يرفع وواحد يجيب بالله عليك يأمي اسكتي جيبيلي من يرفعني تو ماعاد نمشي معاه
سعاد يمشن اخواته قاعدات شن يديرن
نجاح: أمي مانبيش ندير معاك مشكلة نقلبلك الحوش فوق راسك وأنتي عارفتيني راه خليني في حالي وهمي خيرلك
سعاد: وااااااك يجي حد يفهمها الفرخة انه زمان بشكل وتوا بشكل يابنت افهمي زمان كنتوا صغار.وتوا كبرتوا والناس لسانها مايرحمش شن بيقولي عليه الناس مش حاكمة في بنتها مخليتها تطلع مع ولد عمها
نجاح: شن دخلني بيهم الناس لو بالدوريهم ماعاد تطلعي برا من الحوش الناس لمدايرتلهم شان وماشان
سعاد: ترا ريحيني زودي ديري فطور لبوك
نجاح: أقوى رد مستفز الصراحة ومشت للمطبخ وسيبتها