زوجتي السمينة

#زوجتي_السمينة
حلقة 16

بعد ماكملت نجاح من غسل الماعين نشفت ايديها وطلعت تلاقت مع ليلى
نجاح: أنا خشيت عشان نغسل الماعين لفي المطبخ وتوا بنروح
ليلى :وقفتها استني يانجاح أنا صح قلتلك كلام في يومتها يجرح وكسر خاطرك بس أنا خايفة عليك ومن لسان الناس اعتبرتك زي بنتي
نجاح: بس يامرت عمي ماتغير شي هو ولو تحسابي انه نبي ولدك او حاجة زي هذي مايمشيش فكرك بعيد هو تزوج وأنا عن قريب
ليلى: ربي يهنيك وان شاء الله يكتبلنا عمر ونحضر عرسك
نجاح: ان شاء الله يارب بعد عمر طويل هيا توا ماشية
ليلى: سلام

طلعت نجاح من الحوش وهي تندب على عمرها
نجاح: هيا بنات تصبحن على خير
إكرام: مازال بكري وين بترقدي قبل بنديروا سهرية وبنباتوا كلنا في الحوش
نجاح: مادام خوك الثاني قاعد ماتزوج أنا حوشكم مانبات فيه
إكرام: وليش
نجاح :إكرام ماتنسيش لصار في يومتها فلهذا خليني في سبيل حالي غدوا الصبح تنوضي تلقيني فوق راسك
إكرام: باهي باهي بس والله مامسامحاتك
نجاح: تصبحي على خير ومشت للحوش
نجاح بعد مر وقت اخدت التلفون اتصلت بأكرم بدون ماتندري يمكن قلبها خلاها تتصل
نجاح: سكرت تجري تي شن الديري يانجاح هو قاعد مع عروسته وأنتي تتصلي بيه بس المفروض اليوم خليت ليلة خليعة بالنسبة لفاطمة وركبتلها الرعب بس ... مادخلني هو يبيها وهي تبيه على شن ننذب أنا يتهنوا
شوي واتصل بيها أكرم
نجاح: من الصدمة جت مقعمزة وفاتحة عيونها عالآخر تي شن هذا يتصل حي عليك يانجاح شن الحركة لدرتيها حي عليه حي شن منظري متصلة بواحد اليوم عرسه
نجاح: في الأول بترد بعدها لالا يانجاح ماترديش يمكن بيستفزك بالاتصال وتكون معاه فاطمة وترفع في راية النصر حطاته عالصامت وحدفاته جنبها

شافتله بعد فترة القاته قاعد يتصل
نجاح: تي شن هدا ماصدق هو وياها
فتحت عليه... ها شني تتصل بتقولي على أني بنباركلك والله شني والله متصل بتخبرني أنك بتحب فاطمة وأنت كنتي لعبة نلعب بيها أو شني
أكرم: على شن بتباركيلي والله بتعزيني في أيامي السود لبدو من هذاك اليوم
نجاح :امشي أكيد عروستك تستنى فيك مع السلامة وسلملي عليها 😔
أكرم: لا تستنى فيا ولا فيك أنا من وين طلعت من حوش أهلي حدفتها في الحوش وأنا توا عالبحر
نجاح: تستعبط في واحد في يوم عرسه قاعد عالبحر
أكرم: لأنه مانبيش وحدة غيرك يانجاح افهمي مستحيل نصدقك ولا تقنعني أنك تحبني ولا في يوم فكرت فيك
أكرم: الدليل أنك متصلة بيا اليوم
نجاح: ماتنسى يأكرم أنا مخطوبة خلاص فضت أنت في حالك وأنا في حالي وربي يهنيك أنت ومرتك
أكرم: بس يانجاح
نجاح: سكرت في وجهه بدون ماتستنى شن بيقوللها

نجاح: يانجاح سلاح مطقطق في راسك شن العملة لدرتيها تي شن سؤالك هذا وليش اتصلتي يعطيك دعوة أنا ماعاد تحملت شكلي بنمشي نشوف البنات إدا قاعدين ساهرين أو لا
ناضت نجاح لحوش عمها دقت عالروشن متاع دار البنات
ندى: اسمعتن الدق 😨
نوال: حي كما يكون خانب 😱
نجاح :تي افتحن ياكلبات طلعت في الأخير أنا الخانب
إكرام :فتحتلها الروشن شن شايفتك جيتينا ومعاها مروقة
نجاح: تبن تفتحن الباب أو نروح
إكرام: هيا هيا تو نفتحولك تي نوضن افتحن الباب نجوحة جاية بتسهر معانا
خشت نجاح للحوش
نجاح: شن الديرن من وراي
ابتهال: درنا وكملنا أنتي مهناش 😅
نجاح: 🤨 ماشاء الله من وراي هذا كله
نوال: ايه وأنتي ليش ماجيتيش هنا من الأول
نجاح: خزي شن هو لعطلته أنا ماطق نص ساعة وجيت
إكرام: تسمعن فيهن هالكذابات والله قاعدات من بكري يفتفتن عالناشف حتى طاسة اميه ماشربنها 😂😂
نجاح: اها كنتن تضحكن عليا 😅😅
كملن سهرية