زوجتي السمينة

#زوجتي السمينة
حلقة 3
نجاح :عطت الغداء لأكرم
نجاح :أكرم غدوا نبيك ترفعني عندي مشوار بالله
أكرم: مش فاضي
نجاح :معناها تو نكلم بوعجيلة يرفعنا
أكرم: وين تبي تمشي 😒
نجاح :نشوف وحدة تخدم في حلويات بنمشي نشوف منها للعرس
اكرم: تعرف وين مكانها أو زي هذيكا المرة نلود نلود ونروحوا
نجاح :لالا عارفة وين مكانها
خشت فاطمة. :شن تهدرزوا
نجاح: كانت مقعمزة عالكرسي لمقابل أكرم نبي يرفعني لمكان مافي شي
فاطمة: اها ايه فهمت
أكرم: الحمدلله شبعت
نجاح :وشن تبيني نديرلك هيا نوض بنضموا المطبخ
أكرم: تي واااك غير في شن حاصل بس على هالبلوة
نجاح: لو أنا بلوة أنت مصيبة
أكرم :على فكرة هما نفس المعنى راه
نجاح: عادي المهم المصطلح يختلف
أكرم: هيا طالع المهم غدوا العصر نلقاك واتية قدام الحوش
نجاح: باهي تمام

في الليل البنات في وقت النوم مدايرات حفل مبيت هو كل يوم بس اليوم سهرية مدايرات
فاطمة: بكري نسمع فيك نجاح تقولي لأكرم ورد احمر ومش عارفة شني
نجاح: المرضوع هذا بيني وبين أكرم بس حتى اخواته مايجوش يسألوا فيا على شي
فاطمة: اها فهمت
إبتهال: ايه صح هما ديما هكي حتى لو يتعاركوا وتلقيهم كل واحد شاد كلمة عالتاني وكل مايتلاقوا مايسكتوش بكل واحد يتعارك مع التاني كان يوم اتفقوا معناها أبصر شن يصير
نجاح: ماهو هو يغيظ فيا فأنا ندورله في مصايب ونشدهم عليه
إكرام :طبعا عارفينها خميرة نوم

وراقدة وريناد في عالم تاني تحب أنور خو أكرم طالعة تهدرز هي وهياه ملتقاهم لما يتلاقوا في حوش جدهم واخدين راحتهم
وسعاد وليلى وخيرية راقدات في دار بروحهم مايعلمن بالدنيا وين زارقة
نجوا لعصافير الحب ريناد وأنور
أنور :رنودة وينك اليوم علي مانكلم فيك ماترديش عليه
ريناد :والله ماقدرتش نكلمك اليوم تعبانة وخدمة طول اليوم وهدي نجاح: ورانا تقول حرس البلدي ماتخلي واحد مقعمز
أنور: صحة على يدها هي تخدم فيهم كلهم
ريناد: وترضاها أنا نخدم وظهري ينكسر 😥
أنور :لا تو نكلمها تخفف عنك شوية
ريناد: شوية بس 😢
أنور: ساد خير من هلبا 😅😅😅
ريناد :ايه تضحك توا هيا سلام تصبح على خير بنرقد خير ماقاعدة مع عديم احساس
أنور: توا أنا عديم احساس الحق فيا أنا لجاي نخفف عنك شوي وقلت تو نكلم نجوحة وماعاد تخدمك هلبا
ريناد: ومعاها نجوحة والدلع فيها
أنور: تي وااااك وغرتي من كلمة نجوحة العيلة كلها تنادي فيها نجوحة حتى من أكرم لديما هو وياها صراعات يقوللها نجوحة
ريناد: باهي خلاص ماقلت شي بنرقد نعسانة وتعبانة
انور: باهي المرة هذي نخليك تمشي لأنه شكله نجاح كابستهن صح 😂😂
ريناد: والله هالنجوحة اليوم ماخلت فينا حاجة
أنور :هيا تصبحي على خير حبي 😍
ريناد: وأنت من أهل الخير
ريناد: خشت والقت نجاح واقفة قدامها وحاطها يديها في نصها
ريناد :أنا كنت برا حسيت الجو ساخن داخل
نجاح: خشي خشي خير مانوض الدنيا نخبرهم شن فيه برا
ريناد :لا بالله عليك
نجاح: 🤨المقابل
ريناد: شوكولاتة
نجاح: فالحة ترشي فيا في أكثر شي نحبه بشرط نبيه من السيد أنور وغدوا في الليل وقوليله يعبأ بالجمهور كله
ريناد: كله تمام إلا انك تخبري حد
نجاح: خشي امشي ارقدي امشي عليك وحدة مهبولة 😅😅