زوجتي السمينة

#زوجتي السمينة
حلقة 2
في اليوم التالي:
ناضت نجاح بكري أول من ينوض من العيلة جهزتلهم فطورهم لينوض الأول يلقاها هي مدايرته
ناض أكرم لما شافها وخر على وراه
نجاح: تلفتت بسم الله الرحمن الرحيم خيرك هكي لاحم ولاتستور
أكرم :تعرفي أول مرة نشوف بقرة نايضة بكري 😂😂
نجاح: أكرم ماعنديش جو لجوياتك لدره في الكبد راه مش ناقصاتك
أكرم: خش قعمز تي خيرها بقورتي اليوم مش رايقة تي روقي بالله الدنيا شن بترفعي منها
نجاح: مارافعة منها شي غير تخليني في حالي
أكرم: ناض تي أنا ماقلت شي قبل بنغيرلك جوك بس
نجاح :بعدين البقرة تنوض بكري لأنه بطبيعة الحال ياخدوا من الحليب
أكرم :بنقول حاجة لكن عارف بناكل هزيبة فلهذا بنفوتها
عمك أكرم مايعلمش إلا بالشبشب فوق راسه مطوش
أكرم: تي أي خير مصيبتك
نجاح: واخدة الساقم وحاطه يدها في نصها تطلع والله نجيك توا
أكرم: باهي خلاص نايض وووك عالعيلة هذي مايعرفوش الجو بكل ماعندهم كان النكد
نجاح: قتلك أطلع
خيرية: صباح الخير
اكرم ونجاح: صباح النور عمتي
خيرية: ههههههه ماشاء الله نايضين بكري
نجاح: متعودة النوض بكري
أكرم: عمتي أنا عندي خدمة
نجاح: تي على أساس تخدم في حاجة كان مش تمشي تعاكسلك في بنات الكلية والثانوية وتروح
أكرم: يكلم في نجاح على جنب ماتعرفيش تسكتيلنا ماتعرفيش حاجة اسمها ستر الأخ المسلم
نجاح: تي شن مكذب فيها امشي وقت عليها تو قريب الطابور ويخشن ماعاد تقدر تشوفهن أما الكلية تلقاهم في أي وقت
أكرم :شاف عمته 😁😁😁 عمتي أنتي عارفة نجاح تكرهني هذا ليش تتكلم عليه هكي
خيرية: وليدي توا الساعة 8 وقت عليه لخدمتك بسرعة
أكرم: ياعمتي حتى أنتي صدقتيها
خيرية تي لا ماصدقتهاش وغمزت لنجاح 😉 بس قلت عندي خدمة قلت أكيد وقت عليك ياولدي 😁
اكرم: باهي باهي طالع
طلع أكرم من الحوش طايرتله من نجاح
ونجاح وخيرية يضحكوا عليه وكيف صار شكله بعد ماكشفوه
سعاد: صباح الخير ان شاء الله دوم
وكل واحد ينوض ويجي للمطبخ وكملوا وفطروا كلهم
ليلى: اليوم نجاح حطت الفطور باقي البنات عليهم الماعين هيا للعمل
إبتهال: لا يأمي اليوم الدور على إكرام
نجاح: أكيد قاعدة راقدة هالخميرة النوم
فاطمة: تي عادي توا نغسلوه والغداء تغسلهم هي بروحها
إبتهال: إذا كان هكي خلاص تمام

نجاح: أمي وين كناينك الناشطات
سعاد: كل وحدة حاصلة في عمرها خليهم أمتى مايجوا على راحتهم
نجاح: تي مامسفدتهن إلا أنتي كل شي حطي وخلي تو نديروها بعدين مش تجي وتقولي مايديروا في شي
سعاد :عندي المهم دايرات بالهن على حياشهم مانبي منهن شي

عند الظهر نساوين خشوا للمطبخ يديروا في الغذاء
والبنات برا يضموا في الحوش
وجي أكرم روح
نجاح: روح عصفور الحب بعد ماوصلهن الحبايب
اكرم: نجاح مش وقتك راه راقيلي
نجاح: مشت بجنبه مش تعرف لما تتكلم معاي بدون منطق هكي يكون شعوري
أكرم :في فرق أنا نتكلم عليك أنتي مش على شن الديري في يومك
نجاح: أنت عارف انا وشن ندير كل يوم فلهذا وأنت عارف روحك
أكرم: بعدين أنتي من وين تعرفي أنه أنا نمشي للبنات في الكلية
نجاح :مشت وقعدت تمسح خبرتني العصفورة لتكلم فيها وتبعتلها في الورد الأحمر والدباديب الحمر وشوكلاتة في أعياد الميلاد
أكرم: تي بالك أنتي هو لنكلم فيها
نجاح هههه لو نكلم فيك راه قلتلك مش خايفة منك
أكرم: تي حتى أنا مش من مستواي نكلمك ايوا أنا نبي وحدة رقيقة مش بقرة وشكلها يشبه بو عجيلة جارنا 😂
فاطمة: تي نعرف شن قصتكم مع بو عجيلة جاركم هذا
أكرم: تي لو تعرفي من هو بو عجيلة تموتي ضحك
فاطمة :من هو بالله عليك قولي
أكرم: هذا جيرانه عندهم حمار وأنا ونجاح مسميينه بوعجيلة لو نقوللها بوعجيلة جارنا تعرفه من هو
فاطمة: ونقول أنا وينه
نجاح: هيا كل وحدة على خدمتها 😠 وأنت امشي من بجنبي خير ماتجيك عصا على ظهرك 
أكرم :كل شي إلا أعصابك يابو عجيلة جارنا 😁
نجاح: تي امشي أو خير ما
أكرم: تي ماشي ماشي خلاص
نجاح طارتلها وخشت للحوش
سعاد: تعالي يانجاح ساعدينا
نجاح :خشت للمطبخ أنت ثلاثة غالبات في طشة هالغداء
ليلى :هههههههه تي شن طشة هدي والله تقول عازمين عالجيران كلهم
نجاح: امالا كان اطيبن في عرس شن صارلكن
خيرية: مناسبة ساهلة حطيها واطبعي توا يبوا الجوانب سلطة ووووو
نجاح: تي باهي باهي أنا طالعة مش وقتكن حتى أنتن راه
سعاد :اسكتن جنون البقر ناض عليها

بعد الغذاء كلهم قعمزن وإكرام غسلت الماعين وحصلت فيهم مسكينة
نجاح: إكرام نجي نساعدك
إكرام :تي بعد ماحصلتني فيهم كلهم بلكي عازمين على اهل ليبيا كلهم
نجاح: هدا شن بالديري لأمك وأمي وعمتي مافي صونية في المطبخ إلا مطلعاتها شن بديريلهن
إكرام :باهي بالله نجوحتي تعالي معاي مش نكملهم حرام أنا مانقدرهمش ☺️😌
نجاح: باهي هيا وسعيلي خلي نخش ندير معاك او نقولك أنا تو نغسلهم وأنتي امشي حطي الشاهي والقهوة عالنار
إكرام :شن رايك نديروا كيك
نجاح :خلاص تمام هيا للعمل

بعد ماكملوا العشية حطوا القهوة والشاي واجتعوا يهدرزوا ويغيروا الجو ويهدرزوا شن بيديروا في العرس
وجاء أكرم كيف نايض من النوم ويحك في عيونه
ليلى: صباح الخير هدا النوضه
نجاح: مابعده نايض بكري اليوم مش منه
أكرم: نجاح 😡 مش وقتك
نجاح :ههههههههه خلاص سكتت
أكرم :الكلام هذاك بيناتنا مش ضروري تشهدري بيها الدنيا خلاص
نجاح :باهي تمام نمشي نجيبلك غذاء☺️
أكرم :عدي جيبي 😏
نجاح: ديري فيه الخير تندم هيا نايضة مشت بحداه أو نقولك تمشي تجيبلك صاحبة الورود
اكرم: نجاح مش رايق راه بتجيبي الغداء يإما بنطلع
نجاح: باهي خلاص ماقلنا شي
.
.
.
Aml Mohalhel
يتبع