زوجتي السمينة

#زوجتي_السمينة
حلقة 11

     كانوا يوتوا في رواحهم للكسوة بيطلعوا
طلعن لبيركب في السيارات
فاطمة: أنا بنمشي نركب مع كرومتي وأنتن عادي مع أي حد تركبن 😏
نجاح: شدتها من وراها لوين ماشية بوك ينادي عليك يبيك تركبي معاه وسيبي أكرم لينا ياحلوة مش ديما الطريق واسعتلك يجيك وقت تضيق بيك

فاطمة :😡😡 مشت حامقة وركبت في السيارة وهي متنفرزة عالآخر
سعيد: وين من بكري النادي عليك وأنتي ماشية زي نخلة الشط
فاطمة: 😒 ماسمعتكش وماشفتكش مانحسابكش بتمشي
سعيد :باهي توا غيرت رايي وين أختك وأمك
فاطمة: تو يجوا مانعلمش بيهم

نجاح: هيا يابنات شن تراجن نقسموا مع أكرم وأنور
طالعة ريناد من الحوش والباين انها بتمشي لأنور
وقفتها نجاح: ريناد بوك من بكري يستنى فيكم خشي نادي على أمك وفاطمة بكري مشت
ريناد: باهي لقلتيلي كنت بنمشي مع أنور
نجاح: هيا امشن أنتن التانيات
إبتهال: أنا بنمشي مع أنور أنا ونوال ندى وسهى وأنتن نجاح واكرام تقعدلكن سوسن ونسرين
نجاح :ياعيني بنرفعوا معانا نسرين حبيبة أكرم
جتهن نسرين: أنا بنمشي مع أكرم وبنركب بجنبه مافيش حد يجي ويقولي أنا سبقتكن
نجاح: مشي مشي مافيش حد بيقولك نركبوا
إكرام: ياعيني عالناس يخدموا على رواحهم بكري بكري
نجاح: ايه مش تعرفي بس وأنتي اقعدي هزي راسك
إكرام: على فكرة مازال كان احني قاعدين برا راه
نجاح: هيا اركبي وين النتفة التانية سوسن
نسرين: ركبت من بكري وهي ركبت من قدام 😡😡
نجاح :باهي عادي اركبي من وراء
نسرين :مانبيش من قدام يا لا
نجاح: وووووه عليك نفاخات
تعالي تو نقوللها تنزل
مشوا للسيارة فتحت نجاح الباب
نجاح: سوسن انزلي اركبي من وراء
أكرم: محجوز المكان راه
نجاح :مش ليا المكان للفرخة الثانية ناصبتهلي من بكري
وركبت نسرين وفرحانة بالطير ☺️☺️
أكرم: اهي جت لحاجزاته
نجاح: ايه واضحة هي
وركب نجاح ومشوا وصلوا لأهل العروس
نزلوا وخشوا للداخل ...

روحوا وكملوا جهازهم

نجاح: ووووووه عالقبلي وووووه شن النو هذا حتى الميه ماعطوهالنا
أكرم: هاك الميه
نسرين: ولعلنا المكيف
أكرم: نسرين وين حصتي من لكليتيهم
نسرين: 😁 كليتهم تو بعدين نخليلك
أكرم: لالا نبي من لتوا
نسرين: ماعنديش 😯
أكرم: دبريلي يأما تنزلي وتروحي على رجليك
نسرين: نروح على رجليا مانعرفش الطريق 😳
أكرم :نسألوا سوسن لو قالت نخلوها هنا وتروحي على رجليك عادي تو النزلك
نسرين: لالا وقعدت تعيط 😭😭😭 ماتخلونيش ماما أنا خايفة
إكرام :ساد يأكرم رعشت البنت تحسابه حقا بنخلوها هنايا
نسرين: أنا مانحبكش أكرم 🥺أنت واحد شرير ومشت لوراء تبكي 😭
نجاح: هههههههه خلاص يانسرين شفتي سوسن كيف تضحك عليك وأنتي تبكي توا بتقول عليك بيبي
نسرين: مسحت دموعها لا أنا مانبكيش خلاص 🥺
أكرم: خلاص يانسرين هذا طرف شوكولاته ليك وهذا الثاني لسوسن
نسرين: ماعاد نبي شي 😒
نجاح: خوديه يانسرين وفوتيه المهم هو لعطاك
نسرين: حقا ناخده
نجاح: ايه هاك خوديه
نسرين: 😍😍