زوجتي السمينة

#زوجتي_السمينة
حلقة 19

في الليل متأخر
نجاح: كانت تتقلب يمين يسار مش جايها نوم
نجاح: أف وااااك شن هالنوم طاير هذا
ناضت القت إكرام نايضة
نجاح: خيرك إكرام نايضة شن ماجاكش نوم
إكرام: ياريت نوم بس هو مصيبة
نجاح: خيرك شن فيه
إكرام: من فترة متعرفة على واحد وكان مستني أمتى بس نحبه وكان كل الوقت مهتم بيا بس بعد ماحبيته نقص الاهتمام الأول وماكفاشي هذا بس
نجاح: كانت تسمع ومصدومة 😱 وبه كملي
إكرام: اليوم كلمني قالي إنه هو بيخطب
نجاح: كيف كيف بيخطب
إكرام: قالي أمي تبي نتزوج بنت خالتي
نجاح: 😱😱😱
إكرام: ومع هذا قالي أنا مادخلنيش أمي هي لتبي وأنا خلاص قررت بناخد بنت خالتي وخلاص
نجاح: صدمة تلو صدمة
إكرام :وقالي خليني على تواصل نهدرز معاك نتصل بيك كان رديتي وكان مارديتيش مارديتيش
نجاح: مازال عنده عين يبي يتصل بيك هو الحقير الندل وليش مادار حل لأمه قاللها نبي بنت قاللها مانبيش بنت خالتي هذا زواج مافيش حد يجبر حد على حد
إكرام: لا وقال إنه الجمعة بيخطبوا وكان ماصارش تو نجي نبشرك نخطبك يعني بعد قداش ليا نقوله أخطب يقول لا نستنى في بوي لعند مايقول كان عندك أخطبها
نجاح: ومازال في ولد يستنى لعند مابوه يقوله بوه هيا أخطب هو مش تعرفي الكذب على أصوله تريحتي منه هذا بايعك من الأول عيشي حياتك وخليك متيقنة انه هذا خير ليك لو يبيك راهو جي خطبك مش يتمهل لتوا
إكرام: المشكلة مش هنا توا قبل  مايسيبني اعترفلي انه يسكر يعني يشرب في يوم كلمته قتله وينك قالي نشرب كنت قتله من أمتى قالي من زمان وكلهم عارفيني
نجاح: يسكر يسكر قصدي هو قالك أنا نسكر تتريحتي منه مداير خير والقيتيه توا تي ديري عرس بعده سلامته قلب يسد مايرد
إكرام: باهي برايك شن ندير
نجاح: ماعاد تردي عليه لاتصال ولارسائل مش يعرف انه خسارتك مش حاجة ساهلة وإدا بعتلك رسالة أو شي احدفيها مادوريش لكلام لفيه وربي ينتقم منه وربي معاك في هالظالم
إكرام: تمام حندير زي ماقلتيلي حسبي الله ونعم الوكيل فيه ان شاء الله مايتهنى ولا يوم في حياته
نجاح: نوضي توا ارقدي وتريحي توا هذا وين بتضحكلك الحياة بعد ماتريحتي من أكبر نكبة في حياتك
إكرام: باهي وأنتي خطرها ليش نايضة
نجاح: مش عارفة النوم ماجانيش شكله نصيب النوض ونسمع قصتك 😁
إكرام: ههههههه ايه هيا تصبحي علي خير للنوم
نجاح :هيا ارقدي

في اليوم الثاني:
هو يوم عرس نجاح
أكرم :جي للحوش عمه كان يبي يشوف نجاح لأخر مرة وكان حاس بعد اليوم هذا ماعاد حيشوفها
شافها لما هي ماشية للمزين رافعها أنور
أكرم :أنور تو أنا نرفعها خلاص
أنور: باهي تمام
نجاح: لا يأنور مانبيش نمشي مع أكرم
أنور: أنا عندي خدمة كنت بنرفعك بس لأنه مافيش حد بيرفعك توا سلام مادام جي أكرم
نجاح: باهي باهي يأنور امشي
ركبت نجاح في السيارة مع أكرم
نجاح :مانبيش نسمع منك شي
أكرم :شن هو لمازال ماتبيش تسمعيه شن هو درت كل جهدي عشان نحكيلك من أول مانخطبت أنتي لمسكرة دماغك وماتبيش تسمعيني اليوم بتسمعيني وغصب عنك وماعندك وين بتهربي مني قاعدة في السيارة معاي وبتسمع كل كلمة نقولها
نجاح: وأنا مانبيش نسمع منك شي
أكرم: دماغك المسكر لعند توا مش وقته ايوا لأنه حتى أنا مظلوم والظلم كل يوم يقتل فيا بالأخص حياتي تدمرت وأنتي اليوم حبيبتي حبيبة عمري بيزفوها لغيري اليوم ماعندي شي نخسره لكان غالي عليه اليوم خسرته من بين ايديه تسمعيني تبي تاخديه الكلام خوديه ماتبيش لوحيه
نجاح: كانت تحاول ماتشبحلاش لو بتشبحله بتتأثر وبتضعف قدامه وبتبكي مهما يكون صديق طفولتها قدامها يتعذب بحياته عشان وحدة من أمثال فاطمة
أكرم :أنا كان في يوم كلمتك الصبح قتلك تعالي بنهدرز معاك هو في نفس اليوم كانت النكبة في وقتها
نجاح: تذكرت يوم لكلمها بتلفون إكرام
أكرم: ايه أكيد تذكرتيه مش معقولة يعني المهم في حد باعتلي صور أنا وفاطمة
نجاح: مداير عملتك وجاي تشرحلي في شني
أكرم: أنتي أنتي يانجاح تشكي فيا ماتوقعتها منك بالذات ماسدش أنك أنتي كدبتيني في كل شي
نجاح: أنت خليتني نصدق كل شي لنشوف فيه بعيوني لأنه في وقتها قلتلك احكيلي من شن مضايق بس أنت ماحكيتليش وأعتبرتني مش صديقتك لنفسها لكنت تحكيلها كل شي
أكرم: شن تبيني نقول نقولك على صاحب الصور طالب مني 500 ألف أو شن تبي نقولك أو أنه مهددني في أسبوع لو ماجبتهمش يبعتهم لبوي وبوها وهذا لصار ماجمعتش لفلوس وبعت كل شي لفوقي ولتحتي وتسلفت من لنعرفهم وماجمعت شي حتى نصه دارها وبعتهم لبوي وبوها واتفقوا أنه نتزوجها في أسرع وقت وأنا قلتلهم مانبيهاش بس ماخلولي مجال نتكلم
والباقي عارفاته
نجاح: كان فاتحة فمها عالاخر مصدومة من لكان تسمع فيه ... حتى لو خبرتني توا فات الوقت وانتهى كل شي عيش حياتك وحاول تتقبلها فاطمة وحتى هي يمكن مظلومة
أكرم: مستحيل مستحيل ماتعيش معاي شهر ثاني
نجاح: يأكرم ماتفسدش حياتك وحياة غيرك هذا لصار مكتوب من ربي ونصيبك من الحياة وتقبله
أكرم: على جثتي نقبله وصلنا هيا أنزلي
نجاح: دير بالك على روحك يأكرم
أكرم: وأنتي أيضا
كانت هذه من أصعب لحظات الفراق
أكرم كان رافع حبيبته للمزين عشان تتزين لغيره اليوم زفتها لحبيبته
ونجاح كانت من صدمة لصار مع أكرم مصدومة ومش فاهمة شي وحست بأنه اليوم خسرت أكرم عنجد بزواجها