زوجتي السمينة

#زوجتي_السمينة
حلقة 17

أكرم :طلع قعد يلف ويدور ويفكر بين نفسه
أنا لازم ندور حل مش معقولة نقعد هكي ندور من مكان لمكان
رجع للحوش
فاطمة ناضت تجري
فاطمة :أنت جيت أكيد استاحشتني صح
أكرم: أعوذ بالله تستاحشك العفريتة
فاطمة: خيرني وأنا تقول متزوج عدوتك
أكرم: وقلتيها بروحك أنتي أنتي أكبر أعدائي نتمناك تموتي اليوم قبل غدوا
فاطمة :بعيد الشر عني
ومشت بترقد رقدت عالسرير
خش أكرم: يمسكها من رجليها لعند مايحدفها عالوطاء
ناضت فاطمة: مجلوطة خيرك شن فيه ماتقوليش خير مصيبتك ماسدش اليوم ماخليت كلمة وماحطيتها
أكرم :هذا الحوش حوشي والدار داري اطلعي برا من الدار ولو مش عاجبك الباب يفوت جمل والسقدي
فاطمة: مستحيل أنا بنقعد هنا في الدار هذي
أكرم :رقد وتغطى وغمض عيونه سكري الباب ومادابيك ارمي شلاتيتك برا مانبيش نشوفهم قدام وجهي حتى هما ومادابيك لما نكون في الحوش مانبيش نشوف خليقتك قدامي
فاطمة: خشت خدت شواتيلها وطلعت قربعت الباب ومشت تنفخ وقعمزت في الدار

في اليوم التاني:
ناض أكرم من النوم ومستعد لأي شي يفشش فيه خلقته
القي فاطمة مقعمزة موتيه صفرة فطور حاطتها عالطاولة تفطر
خش أكرم خش في الطاولة وطيحها في الوطاء ومشي الفطور هباء مكسورا
فاطمة: تي فطوري تي شن درت أنت خشيت ترفس زي الشيطان
أكرم: وأنتي حمار لمعلوم أنه الحمير تشوف في الشياطين وبعدين انا قلت وجهك مانبي نشوفه مادام أنا قاعد في الحوش
فاطمة: أنا
اكرم :علي طول حسه اطلعيييييييي برا 😡
وناضت فاطمة: ومتحسرة لا فطور ولاتهنت فيه انتلفت في الدار
فاطمة أف هذي مش عيشة مش عيشة هذي عيشة سودة
فات النهار أكرم: كان مقعمز قبالة الدار لفيها فاطمة وهي كل ماتطلع تلقاه قدامها تولي تخش للدار
لاحمام ولا إكال ولا شي حبس مؤبد
فاطمة: طلعت أكرم بالله عليك نبي الحمام ضروري
أكرم: ارجعي للدار مالياش علاقة بيك يوم درتي عملتك مافكرتيش في هذا
وهي خشت للدار تسب وتلعن
وأما أكرم: كان متكي عالكرسي ومستمتع عالآخر على جمال النصر وتعذيب عدوه قدامه

مر علي هذي الحالة لعند الساعة 2 في الليل
أكرم: خليني نعطف عليها شوي مع انه ماتستاهل بس عشان عمتي ومعاها نمشي نرقد مش حتى نبدأ التوكة الصبح بكري مشي رقد هو متريح ومبتسم ابتسامة النصر والانتقام شوي شوي

فاطمة: سمعت باب الدار تسكر ناضت تجري للحمام بعد ماعملتها وخلصت ماخلت كلمة وماحطتها عليه
دوشت وطول للمطبخ شافت للثلاجة كانت فاضية مفضيها كلها
فاطمة :أف ماسدش الحمام توا حارمني حتى من الأكل

مشت فاطمة للدار دقت عليه بالقوة ناض مخلوع فتح الباب ... شن المطلوب
فاطمة: تي شن تحساب روحك أنت وين لكان في الثلاجة
أكرم: أنا صاحب الحوش هذا جواب لشن تحساب روحك ولو مش عاجبك الباب هنا 👉 واطلعي منه وماحد مانعك
فاطمة :مستحيل نطلع وماتحساب قعادي هنا نصر ليك بالعكس الصحيح
أكرم: هو أكيد مش هذا لو بتروحي من ثالث يوم شن بيقولوا آهلك أو شن بيحكوا الناس عليك موتيييي
فاطمة :😒😒 مافي حد ميت عشانك حنعيش بالطوال والعرض وننتقم منك ومن كل حد معاك
أكرم: هذا لو سمحتلك تنتقمي مني
فاطمة: مشت وسيباته ضمت الدار ورقدت
في الصبح ناضت الصبح بكري ناضت مشت للحمام القاته مسكر دقت عليه مافي حد رد عليها وبدت الدق والدق
طلعلها أكرم من وراء المفتاح عندي وطلعه قدامه لو تبي الحمام نبي فطور ومايمشي دماغك لبعيد تحطي سم أو شي لأنه قاعد وراك بالتكة مش مخليك تتنفسي علي راحتك
فاطمة: خداته منه وخشت
أكرم: 😏 مازال ماشفتي شي كل يوم نخليك تتمني الموت أكثر من لقبله مشي قعمز في المطبخ