زوجتي السمينة

#زوجتي_السمينة
حلقة 12

بعد ماكملت تحديد قعمزت وقعدت تاكل في الشوكولاتة لجايبهلها أكرم
خشت نسرين دستها وراها

نسرين: حطت يديها في نصها شن وراك 
نجاح: سكرت فمها وحاولت تزمط لففمها لا ماوراي شي دستها تحت الفراش ها شوفي يديه مافيهم شي 🤲🏻
نسرين: مافيهم شي افتحي فمك ترا
نجاح: فتحت فمها زي الهبلة
نسرين: نشم في ريحة شوكولاته ياكدابة دسيتيها 😏😒
نجاح: لا هذي من بكري
نسرين: قعدت تلف وتفتش فيها ماخلت مادورت عفست عالفراش 🤓 ياكدابة يانجاح ونهضت الفراش وطلعتهن شن هو هذا
نجاح: هذا شي خليهم في مكانهم
نسرين: جت بجنبها اعطيني طرف باهي 🥺
نجاح: خودي وكوليه هنا وانتلفي من بحدا وجهي
نسرين: باهي 😋

طلعت نجاح وخدت حاجات أكرم ومشت الدور عليه
القت يوسف نجاح: عمي وين أكرم
يوسف: في حوشهم لانه بعد شوي طالعين
نجاح: باهي تو نمشيله

مشت نجاح لحوش عمها دقت الباب
فتحلها أكرم
نجاح: هادم دبشك وجت بتمشي
أكرم: شكرا نجاح
نجاح: لا عادي مادرت شي
أكرم: لا مانقصدش عاليوم على كل يوم كنتي معاي وقفتي فيه معاي
نجاح :وقفت وقدمت شوي مافي شي يستاهل الشكر هذا واجبي
أكرم :ولو كان فلازم منه الشكر
نجاح: بتمشوا توا
أكرم: ايه تبي حاجة
نجاح: لا مانبي شي
أكرم: تمام توا بنخش نبدل مادام جبتيهلي
نجاح: ههههههه تمام نستناك هنا نشوفك كيف تطلع
أكرم :☺️شوية بس

بعد مرور عشرة دقايق طلع أكرم وكانت نجاح قاعدة تستنى فيه
نجاح: طالع تحفة
أكرم: لا مزهرية 😂😂
نجاح :الحق مش فيك في لقاعدة تمدح فيك 😒
أكرم: هههههههه نبصر هذا من ذوقك نجوحتي
نجاح: استنى نطلع تلفوني نصورك
أكرم: وقف كويس وعدل روحه هيا صوري وقعد يدير في حركات🙆‍♂️🤺🏌️‍♂️🏃‍♂️🤸‍♂️
نجاح: هههههههه ساد اوقف كويس
أكرم: 🕴️باهي هيا بسرعة تعالي نصوروا جميع
صوروا مية صورة
أكرم: رن تلفون ها ايوا باهي هيا طالع هي سلام تلفت لنجاح... هيا نجوحة سلام شن نجيك لعشية تمشي
نجاح: لالا مانبيش ماشية خلاص
أكرم: لتكوني حامقة من أمس لأنه مارفعتكش
نجاح: لا مانبيش بكل اصلا امس هو روحنا المغرب ماعاد فيه وقت عادي هيا أمشي توا يستنوا فيك
أكرم: هيا سلام
نجاح: 🤚 سلام
مشت نجاح للحوش جدها
اكرام :وين كنتي
نجاح: شافت فاطمة  كنت نودع في كرومة حبيبي وصورت معاه وجابلي شوكولاتة 😍
اكرام: 😱😱 أمتى صار وين حصتي
نجاح: من فترة بس أنتي هذا وين ركزتي
اكرام: وانا آخر من يعلم معقولة
نجاح: ماصار شي اهو توا علمتي
اكرام: عادي المهم انتي مش الناس التانية
نجاح: تسلمي تسلمي وحصتك خدتها نسرين
اكرام: خزي خزي باهي باهي
فاطمة: كان هكي يانجاح تو تشوفي نخليه يخطبني اليوم قبل غدوا وتو تشوفي وقولوا فاطمة ماقالتش

مر الوقت في العشية
ندى: يابنات نجاح تنادي عليكم في حوش عمي محمد وتبيكم تجوا لأنه بدير الحلويات متاع العروس
سهى: باهي جاية النادي عالباقي ونجوا
مشت سهى تنادي عالبنات
ومشوا لعند نجاح وقعدوا يوتوا معاها
ندى: فاطمة ناديت عليها ولا كأنه سمعتني
ابتهال: تريحنا منها
ريناد :كان جت راهي نفختلنا راسنا وانتلفت من غير فايدة بيها أو بلاها
نجاح: سهى بالله مديلي المترد من المطبخ نبو زيادة
سهى: باهي تو نجيبه
نجاح: مجموعة تمشي للمطبخ توتي صفر وتحط فيهم الطواسي بعد تجي العروس يقعد عالصب بس
اكرام: تو نمشي أنا وريناد وندى ونوال
نجاح: من بتخلي هنا
اكرام: بتقعدلك سهى وابتهال أنتم قريب تكملوا تو نكملوا فيسع مابين تميتوا
نجاح: باهي باهي امشن