အတန်းသားများအားလုံး ဤတစ်ချက်ကိုသိထားကြပြီး မဟုတ်ပါကလည်း မိန်းကလေးအတန်းခေါင်းဆောင်ဟာ သတင်းတစ်ခုခုထွက်လာတိုင်း အမှန်တရားကို ရှင်းပြပေးနေမည်မဟုတ်။ အဘယ်ကြောင့်ဆိုသော် ချန်လုကျိုး ဤလူ၏ပြတ်သားမှုကြီးမှာ ကောလဟလသတင်းတစ်ခု နားထဲရောက်လာသည်နှင့် ထိုမိန်းကလေးနှင့်ခပ်ကင်းကင်းကိုရှောင်ပစ်လိုက်ခြင်းကြောင့်။
ထို့ကြောင့် ဖက်တီးလေးသည်လည်း ချန်လုကျိုး၏ကောလဟလသတင်းပျံ့နှုန်းဟာ အာကာသထဲဒုံးပျလွှတ်သည့်အရှိန်နှုန်းနှင့်ပင်တူညီမှန်း ကျင့်သားရနေပြီဖြစ်၍ သတိပေးစကားဆိုလိုက်ခြင်းဖြစ်သည်။
ချန်လုကျိုးတစ်ယောက်က 'အင်း'ဟုသာအသံပြုပြီး ရွှီကျစ်ထံသို့ Wechat မက်ဆေ့ပို့ရင်း ခေါင်းငုံ့လျက်စကားဆိုလာသည်။
"အဲ့တော့?...."
Cr : [ မလာသေးဘူးလား ၊ လူတွေအားလုံးသွားပြီလေ ]
ဖက်တီးလေးက လေးဘက်လေးလံလုံးဝေ့ကြည့်ပြီး ရွှီကျစ်၏အရိပ်အယောင်ကိုမတွေ့မှသာ ချန်လုကျိုးနားသို့ကပ်၍ ခပ်တိုးတိုးဆိုလိုက်သည်။
"မင်းက အခုမှရောက်တာဆိုတော့ မတွေ့လိုက်ရသေးဘူးနေမှာ ၊ 'ရွေ့ကျွင်း'ကျောင်းက ကောင်မလေးလေ.....ရုပ်လေးက ငါတို့အနုပညာအတန်းကမိန်းကလေးနီးပါးကို အရမ်းလှတာ ၊ ခါးလေးကလည်းသေးသေးလေး ၊ ခြေထောက်လေးတွေလည်း ရှည်ရှည်သွယ်သွယ်လေးတွေ ၊ ပြီးတော့ ရင်ဘတ်ကလည်းကြီး"
"မင်း သူ့ကိုလိုက်ကြည့်နေတာပေါ့ ဟုတ်လား"
"နှစ်....နှစ်ခါပဲကြည့်တာပါကွာ"
ဖက်တီးလေးက တကျစ်ကျစ်စုတ်သပ်လိုက်ရင်း အဓိပ္ပါယ်မျိုးစုံသောအကြည့်တို့ဖြင့် ;
"အရမ်းလှလွန်းလို့ အသေးစိတ်တောင်မကြည့်ရဲ....."
စကားသံ မဆုံးလိုက်ရခင်ပင် နှစ်စက္ကန့်မျှမကြာလိုက်သည့်အချိန်လေးအတွင်း ၊ လူတစ်ယောက်လုံးက တုန်ခါသွားရသည်နှင့်အတူ ထိုင်ခုံရောလူပါ မီတာဝက်မျှအထိ လွှင့်သွားခဲ့ချေတော့၏။
YOU ARE READING
Lets Fall In Love [ ဘာသာပြန် ]
Romanceလမင်းကြီးဝိုင်းသည်ဖြစ်စေ မဝိုင်းတော့ဘူးဖြစ်စေ ဘာဟာကမှ အရေးမကြီးဘူး ကိုယ်တစ်ယောက်လုံး မင်းဘေးနားမှာရှိနေပေးမယ်~~~~
Chapter 45
Start from the beginning