Lets Fall In Love [ ဘာသာပြန် ]

Chapter 45

"ငါ ယူမလို့မဟုတ်ဘူး ၊ မိန်းက​လေး​တွေဘက်ကကို ပုလင်းမ​လောက်​တော့တာ ၊ ဆိုင်ပိုင်ရှင်ကလည်း ငါတို့အုပ်စုလူများတာ​ကြောင့် ရှိထားပြီးသားပုလင်း​တွေအားလုံးကုန်ပြီ​တဲ့ ၊ လူလွှတ်ပြီးဝယ်ခိုင်းထား​ပေမယ့် ပိုက်ဆံပို​ပေးရမယ်​ပြောတယ်"

ထိုအခါတွင်မှ ချန်လုကျိုး ​ခေါင်း​မော့ကြည့်လာပြီး လျှာထိုးဦးထုပ်​အောက်မှ အနက်​ရောင်မျက်ဝန်းတစ်စုံဟာလည်း ညအ​မှောင်ထဲမှ​ရေ​သေကန်တစ်ခုနှယ် တည်ငြိမ်​နေလျက်ရှိသည်။ ​နောက်တွင် တစ်ဖက်လူအား ခပ်တည်တည်နှင့်စကားဆိုလိုက်သည်။

"ဒီဘက်မှာလည်း မိန်းက​လေးတစ်​ယောက်ရှိ​သေးတာမလို့ မင်းဘာသာမင်း အတန်း​ခေါင်း​ဆောင်ကို ​သွား​မေးကြည့်လိုက်​တော့ ၊ သူ့ပုလင်းကို မင်း မထိတာပို​ကောင်းတယ်"

"အတန်း​ခေါင်း​ဆောင်ဆီသွားပြီး မင်း အပြင်လူဘက်ပါတယ်လို့ ငါ သွား​တိုင်​ပြမယ်"

တစ်ဖက်လူက စိတ်ဆိုးဆိုးနှင့်​လျှောက်ထွက်သွား​တော့၏။

ချန်လုကျိုးမှာ ​ကျောင်းစည်းကမ်းထိန်းသိမ်း​ရေးဆရာကြီးအား လက်​ဝှေ့လက်အိတ်ဝယ်ရန် အကြံ​ပေးလိုက်ပြီးကတည်းက ​ရောက်​လေရာအရပ်အတိုင်း အနုပညာ​ကျောင်းသားများ ဝိုင်းဆဲလွန်း၍ အဆဲခံရသည်ကိုပင်ကျင့်သားရ​နေပြီဖြစ်သည်။ သူဟာ ယခင်ကလည်း ​​လူစိတ်ရှိရှိ မပြုမူ၊မ​နေထိုင်ခဲ့သလို ​နောက်ဆုံး​တွင်လည်း ​နေ​ပေးစရာအ​ကြောင်းမရှိ။

ဖက်တီး​လေးက သူ့နာမည်​ပြောင်ကို​ခေါ်၍ ခပ်တိုးတိုးစကားဆိုလာသည်။

"​ချောင်! ငါ​တော့ မင်းအစား စိုးရိမ်မိတယ်​နော် ၊ အထင်လွဲစရာသတင်းမျိုးထွက်မှာကို မင်း အ​ကြောက်ဆုံးမဟုတ်ဘူးလား"

ချန်လုကျိုးဟာ ​ကျောင်းတက်​နေသည့်ကာလတစ်​လျှောက်လုံး မိန်းက​လေးများနှင့် အမှန်တကယ် ခပ်ကင်းကင်း​နေခဲ့သည်​ပေ။ သို့မဟုတ်ပါက လှတပတမိန်းက​လေးတစ်​ယောက်နှင့် အတူလမ်း​လျှောက်မိသည်နှင့်ပင် သူတို့နှစ်​ယောက်က အတွဲဖြစ်​ကြောင်း ​ကောလဟလပြန့်​ချေ​တော့၏။ အလယ်တန်း​ကျောင်းကတည်းက သင်ယူခဲ့ရသည်မှာလည်း ​ကျောင်းကျင့်ဝတ်စည်းကမ်းများ မည်မျှတင်းကြပ်ထားပါ​စေ ၊ ​ပေါက်ကရသတင်းများဟာ သတိ​ပေး​ခေါင်း​လောင်းသံထက် ပျံ့နှံ့နှုန်းမြန်​သည်ဟူ၍ပင်။